ເຈົ້າໜ້າທີ່ ປກສ ແຂວງຈຳປາສັກ ໃຫ້ຮູ້ວ່າ:
ເມື່ອບໍ່ດົນມານີ້, ໄດ້ຈັບຂະບວນ ການຄ້າ ຂາຍຢາເສບຕິດໃນປ່າຊ້າແຫ່ງໜຶ່ງຢູ່ເມືອງມູນລະປະໂມກ
ໂດຍກັກຕົວຜູ້ຕ້ອງຫາໄດ້ ຄືທ້າວ ນວນ ອາຍຸ 36 ປີ ຢູ່ບ້ານໜອງຜຳ ເມືອງຈຳປາສັກ,
ທ້າວ ເປີ້ນ ອາຍຸ 18 ປີ, ທ້າວ ເຕ້ຍ ອາຍຸ 40 ປີ ຢູ່ບ້ານເວີນແຄນ ເມືອງມູນລະປະໂມກ,
ທ້າວ ແສງ ອາຍຸ 43 ປີ ຢູ່ບ້ານຈານ ເມືອງໂຂງ ແລະ ທ້າວ ຫງຽນ ວັນແສງ ອາຍຸ 53 ປີ
ຢູ່ບ້ານຫົວແຊ ເມືອງບາຈຽງ ແຂວງຈຳປາສັກ ພ້ອມຂອງກາງຢາບ້າ 2.108 ເມັດ, ຢາໄອ
1 ຖົງ ແລະ ໂທລະສັບມືຖື 3 ໜ່ວຍ ແລະ ຜ່ານການສືບສວນ-ສອບສວນຂອງເຈົ້າໜ້າທີ່ຜູ້ຕ້ອງຫາທັງໝົດຮັບສາລະພາບວ່າ:
ຢາບ້າທັງໝົດໄດ້ຊື້ມາຈາກຂະບວນການຄ້າຢາເສບຕິດຢູ່ແຂວງຫລວງພະບາງເພື່ອນຳມາຈຳໜ່າຍຢູ່ແຂວງຈຳປາສັກ,
ແຕ່ຖືກເຈົ້າໜ້າທີ່ຈັບຕົວໄດ້ກ່ອນ. ນອກຈາກນີ້ ພວກກ່ຽວຍັງບອກອີກວ່າ: ໄດ້ຮ່ວມກັນພົວພັນຊື້-ຂາຍຢາເສບຕິດມາແຕ່ປີ
2009 ເປັນ ຕົ້ນມາ.
No comments:
Post a Comment