ສານນະຄອນຫລວງວຽງຈັນ ລົງໂທດຜູ້ຄ້າຂາຍຢາເສບຕິດຈຳຄຸກ 6 ປີ

     ໃນວັນທີ 5 ມິຖຸນານີ້, ສານ ປະຊາຊົນນະຄອນຫລວງວຽງ ຈັນ ໄດ້ລົງໂທດຕັດອິດສະຫລະ ພາບ ທ້າວ ເລ້ ສິດທະວົງສາ ອາຍຸ 25 ປີ ອາຊີບ ກຳມະກອນ ຢູ່ບ້ານ ດົງບັງ ເມືອງ ໄຊທານີ ນະຄອນຫລວງວຽງຈັນ ໃນຂໍ້ ຫາລັກຊັບພົນລະເມືອງ ແລະ ຄ້າຂາຍຢາເສບຕິດ ຈຳຄຸກ 6 ປີ ພ້ອມປັບໃໝເປັນເງິນສົດຈຳ ນວນ 11 ລ້ານກີບ. ພາຍຫລັງ ຖືກເຈົ້າໜ້າທີ່ຈັບຕົວມາດຳເນີນ ຄະດີ ໃນວັນທີ 27 ມັງກອນ 2014, ຜ່ານການຄົ້ນຄວ້າເອກະ ສານຫລັກຖານ ແລະ ຄຳໃຫ້ ການຂອງຈຳເລີຍໃນທີ່ປະຊຸມ ສານ ໃຫ້ຮູ້ວ່າ: ຜູ້ກ່ຽວໄດ້ມີ ການພົວພັນກັບສິ່ງເສບຕິດໂດຍ ເລີ່ມເສບຢາບ້າ ມາແຕ່ປີ 2013 ແລະ ໄດ້ຖືກນຳຕົວໄປບຳບັດ ຢູ່ສູນສົມສະຫງ່າມາແລ້ວ, ແຕ່ ພາຍຫລັງດັດສ້າງອອກມາຜູ້ ກ່ຽວໃດ້ກັບຄືນເສບຢາບ້າອີກ ພ້ອມໄດ້ເຄື່ອນໄຫວຄ້າຂາຍຢາ ເສບຕິດ (ຢາບ້າ) ຢູ່ພາຍໃນບ້ານ ແລະ ເຂດໃກ້ຄຽງຄື: ໃນວັນທີ 26 ມັງກອນຜ່ານມາ ຜູ້ກ່ຽວ ໄດ້ ກໍຄະດີລັກເອົາສາຍຄໍຄຳ 2 ບາດ ຂອງ ປະຊາຊົນ ຢູ່ບ້ານນາສາ ລາ ເມືອງໄຊທານີ ນະຄອນ ຫລວງວຽງຈັນ ແລ້ວໄປຂາຍ, ກ່ອນຈະຖືກເຈົ້າໜ້າທີ່ຈັບ ຕົວມາດຳເນີນ ຄະດີໃນມື້ຕໍ່ມາ, ພ້ອມ ຢາບ້າ ຈຳນວນ 4 ເມັດ.

     ຂ່າວໃຫ້ຮູ້ອີກວ່າ: ໃນວັນທີ 3 ມິຖຸນານີ້, ສານປະຊາຊົນ ນະ ຄອນຫລວງວຽງຈັນໄດ້ຕັດສິນ ລົງໂທດ ທ້າວ ວຽງພອນ ຫລື ຊວງ ອາຍຸ 30 ປີ ຢູ່ບ້ານວຽງສະ ຫວັນ ເມືອງສີໂຄດຕະບອງ ນະ ຄອນຫລວງວຽງຈັນ ໃຫ້ຈຳຄຸກ ເປັນ 5 ປີ ພ້ອມປັບ ໄໝເງິນຈຳນວນ 10 ລ້ານກີບ ໃນຖານກະ ທຳຜິດຂົນສົ່ງຢາບ້າ, ຊຶ່ງຖືກຜູ້ ເຈົ້າໜ້າທີ່ກັກຕົວໄດ້ເມື່ອທ້າຍປີ 2013 ຜ່ານມາ ພ້ອມຂອງກາງ ຢາບ້າ 114 ເມັດ.

     ເຈົ້າໜ້າທີ່ໃຫ້ຮູ້ວ່າ: ຜູ້ກ່ຽວ ເລີ່ມພົວພັນກັບສິ່ງເສບຕິດມາແຕ່ປີ 2000 ແລະ ເຄີຍຖືກຜູ້ປົກຄອງສົ່ງເຂົ້າໄປປິ່ນປົວບຳ ບັດຢາເສບ ຕິດຢູ່ສູນສົມສະຫງ່າມາແລ້ວ ເປັນເວລາໜຶ່ງປີ, ແຕ່ບໍ່ເຄັດລາບກັບມາເສບ ແລະ ຄ້າຂາຍ ຢາບ້ານຕື່ມອີກກ່ອນຈະ ຖືກເຈົ້າໜ້າທີ່ຈັບຕົວມາດຳເນີນຄະດີຕາມລະບຽບກົດໝາຍ.