ລະວັງມີກຸ່ມຕ່າງດ້າວເຂົ້າມາຊີງຊັບໃນລາວ

     ປກສ ຍະຄອນຫຼວງວຽງຈັນ ໃຫ້ຮູ້ວ່າ: ປັດຈຸບັນຍັງພົບມີກຸ່ມ ຄົນຕ່າງດ້າວທີ່ເຂົ້າມາລາວ ຈຳນວນໜຶ່ງໄດ້ເຄື່ອນໄຫວ ຊີງຊັບ ດ້ວຍຄວາມເປີດແປ້ນໃນຮູບ ແບບປອມແປງເຂົ້າມາແລກປ່ຽນເງິນຕາຢູ່ຮ້ານໃດໜຶ່ງແລ້ວກໍສວຍໂອກາດທັນທີໃນຂະ ນະຜູ້ບໍລິການເຜີຕົວແລ້ວຊີງເອົາເງິນຫຼົບໜີ ແລະ ຜ່ານມາ ເຈົ້າໜ້າທີ່ກໍ ສາມາດຈັບຕົວຜູ້ກະທຳຜິດມາດຳເນີນຄະດີໄດ້ຈຳນວນ ໜຶ່ງແລ້ວແຕ່ປາກົດການດັ່ງກ່າວຍັງເກີດຂື້ນຢູ່ຄື: ເມື່ອບໍ່ດົນມານີ້ ໄດ້ມີຄົນຮ້າຍສອງຄົນເຂົ້າມາຮ້ານມິນິມາກແລ້ວຂໍແລກປ່ຽນ ເງິນໂດລາຈາກນັ້ນກໍໄດ້ລັກຖອດເອົາເງີນຈຳນວນກວ່າ 500 ໂດລາ ກ່ອນຈະຫຼົບໜີໄປ, ຊຶ່ງໂຊກດີທີ່ທາງຮ້ານສາມາດບັນທຶກ ພາບຄົນຮ້າຍດັ່ງກ່າວໄວ້ໄດ້ ແລະ ເຂົ້າມາແຈ້ງຕໍ່ເຈົ້າໜ້າທີ່ ປກສ ເພື່ອເລັ່ງຈັບຕົວຜູ້ກະທຳຜິດມາດຳເນີນຄະດີ.

     ເຈົ້າໜ້າທີ່ ໃຫ້ຮູ້ວ່າ: ສະພາບຊີງຊັບຂອງກຸ່ມຄົນຕ່າງດ້າວແມ່ນເກີດຂນຫຼາຍ ແລະ ເປັນກຸ່ມແກ້ງໂດຍສະເພາະແມ່ນໃນ ໄລຍະເດືອນຜ່ານມາ, ຊຶ່ງມີຜູ້ເສຍຫາຍເປັນຈຳນວນຫຼາຍ, ຊຶ່ງພວກເຂົາຈະສວຍໂອກາດເຂົ້າມາແລກປ່ຽນເງີນໃນຮ້ານຄ້າແຫ່ງ ໃດໜຶ່ງແລ້ວລັກຖອດເອົາເງີນທີ່ແລກປ່ຽນນັ້ນຫຼົບໜີ, ຊຶ່ງເມື່ອບໍ່ດົນມານີ້, ເຈົ້າໜ້າທີ່ ປກສ ນະຄອນຫຼວງວຽງຈັນ ສາມາດ

ຈັບຕົວຜູ້ຕ້ອງຫາໄດ້ 1 ຄົນ ແລະ ກຳລັງເລັ່ງສືບສວນ-ສອບສວນຫາຜູ້ຮ່ວມຂະບວນການເພື່ອຈັບນຳມາດຳເນີນຄະດີ ແລະ ໃນອາທິດຜ່ານມານີ້ ຢູ່ນະຄອນຫຼວງວຽງຈັນມີປາກົດການຫຍໍ້ທໍ້ເກີດຂຶ້ນ 60 ກວ່າເລື່ອງ, ທຽບໃສ່ອາທິດກ່ອນເພີ່ມຂຶ້ນ 10 ກວ່າເລື່ອງ, ພົ້ນເດັ່ນແມ່ນສະພາບລັກຊັບ, ຊີງຊັບ ແລະ ມົ້ວສຸມຢາເສບຕິດ, ຊຶ່ງມີຜົນເສຍຫາຍລົດຈັກ 10 ກວ່າຄັນ, ລົດໃຫຍ່ 3 ຄັນ ແລະ ຊັບສິນອື່ນໆອີກ.