ຕາມການແຈ້ງການຂອງກະຊວງອຸດສາຫະກຳ ແລະ
ການຄ້າ ວ່າດ້ວຍການຂຶ້ນລາຄານ້ຳມັນທັງແອັດຊັງພິເສດ, ແອັດຊັງທຳມະດາ ແລະ
ກາຊວນ ໂດຍເລີ່ມປະຕິ ບັດຕັ້ງແຕ່ວັນທີ 27 ມິຖຸນາເປັນຕົ້ນໄປ.
ກະຊວງອຸດສາຫະກຳ ແລະ ການຄ້າ ໄດ້ອອກແຈ້ງການສະ
ບັບເລກທີ 1154/ ອຄ.ຄພນ ລົງວັນທີ 26 ມິຖຸນາ 2014, ເຖິງສະມາຄົມນ້ຳມັນເຊື້ອໄຟ ແລະ
ອາຍແກ໊ສ ເລື່ອງປັບຂຶ້ນລາຄາຂາຍຍ່ອຍນ້ຳມັນແອັດຊັງ ແລະ ນ້ຳ ມັນກາຊວນ ໃນຂອບເຂດທົ່ວປະເທດ
ເນື່ອງຈາກວ່າສະພາບລາ ຄາຊື້-ຂາຍນ້ຳມັນເຊື້ອໄຟຢູ່ຕະ ຫລາດໂລກໃນປັດຈຸບັນມີການປ່ຽນແປງ
ແລະ ເພື່ອໃຫ້ສ່ອດ ຄ່ອງກັບກົນໄກຕະຫລາດ, ໂດຍໄດ້ເລີ່ມປະຕິບັດນັບແຕ່ຕອນເຊົ້າວັນທີ
27 ມິຖຸນາ 2014 ເປັນຕົ້ນໄປ. ການປັບ ລາຄານ້ຳມັນຄັ້ງນີ້ ນັບເປັນຄັ້ງທີ 2 ຂອງເດືອນມິຖຸ
ນາ ຫລັງຈາກມີການປັບໃນຄັ້ງວັນທີ 10 ມິຖຸນາຜ່ານມາ.
ການຂື້ນລາຄານ້ຳມັນໃນຄັ້ງນີ້ ເຮັດໃຫ້ລາຄານ້ຳມັນຢູ່ນະ
ຄອນຫລວງວຽງຈັນ ນ້ຳມັນແອັດຊັງພິເສດ ມີລາຄາ 11.680 ກີບ/ລິດ, ແອັດຊັງທຳມະດາ
10.330 ກີບ/ລິດ, ກາຊວນ 9.070 ກີບ/ລິດ; ແຂວງຄຳມ່ວນ
ນ້ຳ ມັນແອັດຊັງພິເສດ 11.680 ກີບ/ລິດ, ແອັດຊັງທຳມະດາ 10.380 ກີບ/ລິດ, ກາຊວນ
9.100 ກີບ/ລິດ; ແຂວງສະຫວັນນະເຂດ ນ້ຳມັນແອັດຊັງພິເສດ 11.800 ກີບ/ລິດ, ແອັດຊັງທຳມະດາ
10.380 ກີບ/ລິດ, ກາຊວນ 9.100 ກີບ/ລິດ; ແຂວງຈຳປາສັກນ້ຳ ມັນແອັດຊັງພິເສດ
11.800 ກີບ/ ລິດ, ແອັດຊັງທຳມະດາ 10.380 ກີບ/ລິດ, ກາຊວນ 9.140 ກີບ/ ລິດ; ແຂວງບໍ່ແກ້ວ
ນ້ຳມັນແອັດຊັງທຳມະດາ 10.450 ກີບ/ລິດ, ກາຊວນ 9.180 ກີບ/ລິດ; ແຂວງ ຊຽງຂວາງນ້ຳມັນແອັດຊັງທຳມະດາ
10.590 ກີບ/ລິດ, ກາຊວນ 9.310 ກີບ/ລິດ.
No comments:
Post a Comment