 |
| ພາບປະກອບຈາກອິນເຕີເນັດ |
ທ່ານ ສີວອນ ຊັບທະວີ ຮອງຫົວໜ້າຂະແໜງຄຸ້ມຄອງການຂົນສົ່ງນະຄອນ ຫລວງວຽງຈັນໃຫ້ຮູ້ວ່າ:
ໃນຕໍ່ໜ້ານີ້ ເພື່ອຫລຸດ ຜ່ອນບັນຫາການສັນຈອນແອອັດ ແລະ ຄວາມເປິະເປື້ອນຂອງເສັ້ນ
ທາງໃນຕົວເມືອງແມ່ນຈະເຂັ້ມງວດບໍ່ໃຫ້ລົດບັນທຸກໜັກແລ່ນເຂົ້າໃນຕົວເມືອງໃນເວລາຮີບດ່ວນຄື:
ສຳລັບທາງ13 ເສັ້ນທີ່ຫ້າມລົດບັນທຸກໜັກ, ລົດພວງ, ລົດລາກ ແລ່ນເຂົ້າ ໂດຍສະເພາະໃນຊົ່ວໂມງເລັ່ງດ່ວນຄື
ເວລາເຂົ້າການ ແລະ ເລີກການ ຕອນເຊົ້າແຕ່ເວລາ 7.00-9.00 ໂມງ ແລະ ຕອນແລງເວລາ
16.00- 18.00 ໂມງມີ: ຖະນົນສຸພານຸວົງ, ເສດຖາທິລາດ, ເຈົ້າຟ້າງຸ່ມ ແລະ ແຄມຂອງ,
ລ້ານຊ້າງ, ໜອງ ບອນ, 23 ສິງຫາ, ດົງປາລານ, ມິດຕະພາບລາວ-ໄທ, ໂພນຕ້ອງ- ດົງໂດກ, ຫ້ວຍຫົງ-ດົງປ່າແຫລບ,
ໄກສອນພົມວິຫານ, ອາຊຽນ ແລະ ຖະໜົນສີທອງ. ສ່ວນລົດຂົນສົ່ງສິນຄ້າປະເພດວັດສະດຸກໍ່ສ້າງເຂົ້າຮ້ານຄ້າຢູ່ເຂດເສັ້ນ
ທາງທີ່ກ່າວມາຂ້າງເທິງນັ້ນ ຕ້ອງໄດ້ນຳໃຊ້ລົດຂະໜາດນ້ອຍ ທີ່ມີນ້ຳໜັກ 7 ໂຕນລົງມາ,
ສຳ ລັບການປະຕິບັດໂມງເວລາຄ່ຽນຖ່າຍສິນຄ້າຕ້ອງປະຕິບັດຕາມດຳລັດ 188/ນຍ ຢ່າງເຂັ້ມງວດ ຖ້າຫາກຝ່າຝືນຈະຖືກປັບໃໝຄັ້ງລະ
2 ແສນກີບ.
ສ່ວນການຂົນສົ່ງຫີນແຮ່-ຊາຍ ແລະ ດິນປະເພດຕ່າງໆ,
ຕ້ອງມີຜ້າບັດປົກຫຸ້ມທຸກຄັ້ງ, ຖ້າໄດ້ສ້າງຄວາມເປິະເປື້ອນໃສ່ຖະ ໜົນຕ້ອງເຮັດການອະນາໄມໂດຍໄວ,
ຖ້າລະເມີດຈະຖືກປັບໃໝຕາມດຳລັດ 188/ນຍ ມາດຕາ 38 ວ່າດວ້ຍການສ້າງຄວາມເປິະເປື້ອນໃສ່ຖະໜົນຫົນ
ທາງ 1 ແສນກີບຕໍ່ຖ້ຽວຕໍ່ຄັນ, ພ້ອມທັງຮັບຜິດຊອບຄ່າໃຊ້ຈ່າຍໃນການທຳຄວາມສະອາດຕາມ
ທາງທີ່ຕົນເຮັດໃຫ້ເປິະເປື້ອນນັ້ນ. ພ້ອມດຽວກັນ ລົດຂົນສົ່ງຫີນແຮ່-ຊາຍ ແລະ
ດິນປະເພດຕ່າງໆ, ການຖົມດິ ກ່ອນຈະເຂົ້າ- ອອກຕົວເມືອງ ແລະ ເຂົ້າສູ່ເສັ້ນ
ທາງໃຫຍ່ ຕ້ອງອະນາໄມຕີນລົດທຸກຄັ້ງ, ລວມເຖິງລົດຍູ້ດິນ, ລົດໂມ້ປູນທີ່ຮັບໃຊ້ການກໍ່ສ້າງ.
ຖ້າທາງເຂົ້າ-ອອກ ຫລື ເສັ້ນທາງໃກ້ຄຽງ ຫາກເປິະເປື້ອນຕ້ອງໄດ້ລ້າງ ແລະ ເຮັດອະນາໄມໂດຍໄວ.
ທ່ານ ສີວອນ ຊັບທະວີ ຍັງກ່າວຕຶ່ມວ່າ: ໂດຍພື້ນຖານແມ່ນປະຕິບັດຕາມແຈ້ງການຂອງ
ພະແນກ ຍທຂ ນະຄອນຫລວງວຽງຈັນ ເລກທີ 3857/ຍທຂ,ນວ, ປັດ ຈຸບັນ ພວກເຮົາໄດ້ສຳເລັດການຕິດຕັ້ງປ້າຍຫ້າມລົດ
10 ລໍ້ເຂົ້າໃນຕົວເມືອງຢູ່ແຕ່ລະເສັ້ນທາງປະມານ 30 ກວ່າປ້າຍ, ພ້ອມນີ້ ຍັງປະສານສົມທົບກັບພະແນກ
ຕຳຫລວດຈະລາຈອນໃນ 4 ຕົວ ເມືອງເພື່ອເຄື່ອນໄຫວປະຊາສຳ ພັນຢູ່ແຕ່ລະສາຍທາງລວມທັງຜູ້ປະກອບການຂົນສົ່ງໂດຍສະເພາະລົດຂົນສົ່ງດິນ-ຊາຍ
ເປັນເວລາ 1 ເດືອນ ເພື່ອແນະນຳກົດລະບຽບໃນການສັນຈອນເຂົ້າໃນຕົວເມືອງ, ຫລັງຈາກນັ້ນ
ຈະໄດ້ກຳນົດວິທີການປະຕິບັດຮ່ວມກັນກັບຜູ້ປະ ກອບການຂົນສົ່ງ ໃນການມີສ່ວນຮັບຜິດຊອບເມື່ອລົດຂອງບໍລິສັດເຂົ້າມາໃນຕົວເມືອງ,
ລວມທັງ ດຳເນີນການສຶກສາອົບຮົມ ແລະ ປັບໃໝຕາມລະບຽບການ.
No comments:
Post a Comment