ວັນທີ 9 ກໍລະກົດນີ້, ຫ້ອງການກະສິກຳ ແລະ
ປ່າໄມ້ ບ້ານຫ້ວຍໝໍ້, ເມືອງສີໂຄດຕະບອງ ນະຄອນຫລວງວຽງຈັນ, ໄດ້ຈັດພິທີປ່ອຍປາຄືນສູ່ວັງນ້ຳທຳມະຊາດ,
ເນື່ອງໃນໂອກາດວັນປ່ອຍປາ ແລະ ອານຸລັກສັດນ້ຳ-ສັດປ່າແຫ່ງຊາດ ວັນທີ 13 ກໍລະກົດທີ່ຈະມາເຖິງ,
ໂດຍການເຂົ້າຮ່ວມຂອງທ່ານ ນາງ ພູວຽງ ແກ້ວວົງວິຈິດ ເຈົ້າເມືອງສີໂຄດຕະບອງ,
ພ້ອມອຳນາດການປົກຄອງ, ປະ ຊາຊົນ ແລະ ຜູ້ປະກອບການ ລ້ຽງປາຈາກຫົວໜ່ວຍທຸລະກິດຕ່າງໆອ້ອມຂ້າງເຂົ້າຮ່ວມເປັນຈຳນວນຫລາຍ,
ຊຶ່ງມີປາພື້ນເມືອງ ແລະ ແນວພັນປາລ້ຽງ ປະເພດປານິນ, ປາໄນ, ປາເກັດແລບ,
ປາກິນຫຍ້າ ແລະ ອື່ນໆ ຈຳນວນ 40 ພັນກວ່າໂຕ ໄດ້ປ່ອຍລົງສູ່ວັງນ້ຳທຳມະຊາດ
ບ້ານຫ້ວຍໝໍ້.
ນັບແຕ່ອາທິດຜ່ານມານີ້ ຂະແໜງການຕ່າງໆຢູ່ເຂດເມືອງປາກຊັນ
ແຂວງບໍລິຄຳໄຊ, ບາງຕົວເມືອງແຂວງຄຳມ່ວນ, ສະ ຫວັນນະເຂດ, ຫົວພັນ ແລະ ບ່ອນອື່ນໆ
ກໍໄດ້ຈັດພິທີປ່ອຍປາລົງສູ່ວັງນ້ຳທຳມະຊາດ ຢູ່ໃນເຂດຮັບຜິດຊອບຂອງຕົນ,
ຊຶ່ງ
ການປ່່ອຍປາຢູ່ໃນແຕ່ລະແຫ່ງແມ່ນອີງໃສ່ເງື່ອນໄຂສະພາບຄວາມເປັນຈິງຂອງແຕ່ລະທ້ອງຖິ່ນຄືດັ່ງຄຳສັ່ງແນະນຳຂອງລັດ
ຖະມົນຕີວ່າການກະຊວງກະສິ ກຳ ແລະ ປ່າໄມ້, ຈະຈັດຕັ້ງລົງມືປ່ອຍປາກ່ອນວັນທີ
13 ກໍລະກົດ ຈົນໄປຮອດທ້າຍເດືອນກັນຍາ, ຊຶ່ງເປັນຊ່ວງໄລຍະທີ່ປາພວມຂຶ້ນວາງໄຂ່
ຢູ່ຕາມຫ້ວຍຮ່ອງຄອງບຶງ ແລະ ໜອງນ້ຳທຳມະຊາດອື່ນໆ.
ສະເພາະຢູ່ນະຄອນຫລວງວຽງຈັນ ໃນມື້ປ່ອຍປາ
ແລະ ອະ ນຸລັກສັດນ້ຳ ສັດປ່າ ວັນທີ 13 ກໍ ລະກົດນີ້ ທາງກົມລ້ຽງສັດ ແລະ ການປະມົງ
ກະຊວງກະສິກຳປ່າໄມ້ ຈະສົມທົບກັບພະແນກກະ ສິກຳປ່າໄມ້ນະຄອນຫລວງ ແລະ ເມືອງໄຊເສດຖາ
ຈັດພິທີປ່ອຍປາລົງສູ່ວັງນ້ຳທຳມະຊາດ ຢູ່ບ້ານໜອງໜ່ຽງ (ຮ່ອງສຸພາບ) ເມືອງໄຊເສດຖາ
ໂດຍຂະແໜງການກ່ຽວຂ້ອງໄດ້ກະ ກຽມແນວພັນປາພື້ນເມືອງນັບເປັນຫລາຍພັນໂຕໄວ້ແລ້ວ
ພ້ອມເປັນການລະ ນຶກ ວັນຄ້າຍວັນເກີດຂອງທ່ານປະທານສຸພານຸວົງ ຜູ້ນຳທີ່ແສນຮັກຂອງປະຊາຊົນລາວ
ຄົບຮອບ 106 ປີ, ໃຫ້ມີຄວາມໝາຍ ແລະ ຄວາມສຳຄັນຍິ່ງຂຶ້ນ.
No comments:
Post a Comment