ສານນະຄອນຫລວງຕັດສີນລົງໂທດຜູ້ກໍຄວາມບໍ່ສະຫງົບຈຳຄຸກ 8 ປີ

     ເມື່ອທ້າຍອາທິດຜ່ານມານີ້, ສານປະຊາຊົນນະຄອນຫລວງ ວຽງຈັນ, ໄດ້ຕັດສິນ ລົງໂທດທ້າວ ພູສາຍ ອາຍຸ 20 ປີ, ຢູ່ ບ້ານສີບຸນເຮືອງ, ເມືອງຈັນທະບູລີ, ນະຄອນ ຫລວງວຽງຈັນຈຳຄຸກ ເປັນເວລາ 8 ປີ ພ້ອມທັງປັບໃໝ ເງິນ 4 ລ້ານກວ່າກີບ, ພາຍ ຫລັງ ຜູ້ກ່ຽວຖືກເຈົ້າໜ້າທີ່ຈັບຕົວໄດ້ ເມື່ອທ້າຍປີ 2013 ໃນຂໍ້ຫາປຸ້ນ ຊັບ ແລະ ຊິງຊັບພົນລະເມືອງມາເປັນເວລາ ຫລາຍຄັ້ງເປັນຕົ້ນ: ດຶງກະເປົາຍິງຄົນໜຶ່ງຢູ່ເຂດ ບ້ານຮ່ອງໄກ່ແກ້ວ, ເມືອງຈັນທະບູລີ, ດຶງກະເປົາຄົນຢ່າງຢູ່ແຄມທາງເຂດຫລັກ 8 ຖະໜົນທ່າເດື່ອ, ຍາດເອົາໂທລະສັບມືຖືຂອງຜູ້ຍິງຄົນໜຶ່ງຢູ່ເຂດບ້ານໂພນຕ້ອງ, ໃຊ້ງ້າວຈີ້ເອົາລົດຈັກຂອງຍິງຄົນໜຶ່ງຢູ່ເຂດ ໄຟແດງຫລັກ 8 ແລະ ເຂດສະຖານີວິ ທະຍຸໂພນຕ້ອງອັນໄດ້ສ້າງ ຄວາມເສຍຫາຍຕໍ່ຊັບສີນ ແລະ ສຸຂະພາບຂອງຜູ້ຕົກເປັນ ເຫຍື່ອ ແລະ ທັງເປັນການສ້າງຄວາມບໍ່ສະຫງົບໃຫ້ແກ່ສັງຄົມຈຶ່ງຖືກ ເຈົ້າໜ້າທີ່ຈັບຕົວມາດຳເນີນຄະດີຕາມລະບຽບກົດໝາຍ ແລະ ໃນໄລຍະຖືກກັກຂັງຢູ່ກອງບັນຊາການ ປກສ ເມືອງ ສີໂຄດຕະບອງ ນັ້ນ, ຜູ້ກ່ຽວໄດ້ຮ່ວມກັບໝູ່ໃນຫ້ອງຂັງພາກັນທຳ ຮ້າຍຮ່າງກາຍຫົວໜ້າຫ້ອງຂຸມຂັງຈົນໄດ້ຮັບບາດເຈັບ ແລະ ພະຍາມຍາມໂຕນໜີອອກຄຸກຫລາຍຄັ້ງຕໍ່ບໍ່ປະສົບຜົນສຳເລັດ.