ເຕືອນລະວັງໄພນ້ຳຖ້ວມ

    ກົມອຸຕຸນິຍົມ ແລະ ອຸທົກກະສາດແຈ້ງວ່າ: ບໍລິເວນຄວາມກົດດັນອາກາດຕ່ຳຍັງມີ ກຳລັງປານກາງຫາແຮງປົກຄຸມຢູ່ ທົ່ວ ທຸກພາກຂອງລາວ, ສົມທົບກັບມໍລະສຸມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ເຊິ່ງຈະເຮັດໃຫ້ມີຝົນຕົກໃນລະ ດັບ ຄ່ອຍຫາປານກາງເປັນບໍລິ ເວນກວ້າງ ແລະ ຕົກໜັກຢູ່ບາງທ້ອງຖິ່ນແຂວງພາກກາງຫາ ພາກໃຕ້ຕື່ມອີກ, ສະເພາະລະດັບ ນ້ຳຂອງຢູ່ແຂວງຈຳປາສັກ ເວລາ 7 ໂມງ ເຊົ້າຂອງວັນທີ 6 ສິງຫາ 2014ນີ້, ທີ່ສະຖານີປາກ ເຊແທກໄດ້ 11 ແມັດ 76 ຊັງຕີ ແມັດ, ຊຶ່ງໄດ້ຂຶ້ນກາຍເຂດລະ ວັງໄພແລ້ວ (ເຂດລະວັງ ໄພ 11 ແມັດ), ແລະ ຄາດຄະເນວ່າລະ ດັບນ້ຳຂອງຢູ່ແຂວງຈຳປາສັກ ຍັງຈະສືບຕໍ່ຂຶ້ນຕື່ມອີກ (ເຂດອັນ ຕະລາຍ 12 ແມັດ), ພ້ອມນີ້ ບັນ ດາລະດັບນ້ຳສາຂາເຊັ່ນ: ນ້ຳ ຊອງ (ວັງວຽງ, ແຂວງວຽງ ຈັນ) ແທກໄດ້ 3 ແມັດ 46 ຊັງຕີແມັດ, ຊຶ່ງໄດ້ຂຶ້ນກາຍລະວັງໄພແລ້ວ (ເຂດລະວັງ ໄພ 3 ແມັດ 50 ຊັງ ຕີແມັດ), ນ້ຳເຊຈຳ ພອນ (ແກ້ງ ກອກ) ແທກໄດ້ 8 ແມັດ 23 ຊັງ ຕີແມັດ ໄດ້ຂຶ້ນກາຍເຂດລະວັງ ໄພ (ເຂດລະວັງໄພ 7 ແມັດ 50 ຊັງຕີແມັດ), ແລະ ລະດັບນ້ຳເຊ ບັ້ງໄຟ (ຂົວເຊ) ແທກໄດ້ 18 ແມັດ 88 ຊັງຕີແມັດ, ຊຶ່ງໄດ້ກາຍເຂດ ອັນຕະລາຍແລ້ວ (ເຂດອັນຕະ ລາຍ 18 ແມັດ 50 ຊັງຕີແມັດ), ນ້ຳຊັນ (ສະຖານີເມືອງເກົ່າ) ແທກໄດ້ 7 ແມັດ 10 ຊັງຕີແມັດ, ໄດ້ຂຶ້ນກາຍເຂດ ລະວັງໄພເຊັ່ນ ດຽວກັນ (ເຂດລະວັງໄພ 7 ແມັດ) ແລະ ຄາດວ່າລະດັບນ້ຳຂອງ ແລະ ບັນດາສາຂາແມ່ນ້ຳຂອງ ຍັງຈະສືບຕໍ່ຂຶ້ນຕື່ມອີກ.

     ສຳລັບສະພາບດິນຟ້າອາ ກາດຢູ່ໃນທົ່ວທຸກພາກຂອງປະ ເທດນັບແຕ່ເວລາ 12 ໂມງຂອງ ວັນທີ 6 ຫາ 12 ໂມງຂອງວັນ ທີ 7 ສິງຫາ, ໂດຍສະເພາະພາກເໜືອ ດ້ານຕາເວັນອອກ: ມີເມກປົກ ຄຸມເປັນສ່ວນຫລາຍ ແລະ ຍັງຈະມີຝົນຕົກໃນລະດັບ ຄ່ອຍຢູ່ທົ່ວໄປອຸນຫະພູມຕ່ຳສຸດ 19-21 ອົງ ສາ ແລະ ສູງສຸດ 26-28 ອົງສາ; ພາກເໜືອຕາເວັນຕົກ: ມີເມກ ປົກຄຸມເປັນ ສ່ວນຫລາຍ, ຍັງຈະມີຝົນຕົກຟ້າຄະນອງໃນລະດັບ ຄ່ອຍຢູ່ທົ່ວໄປ ແລະ ຕົກປານ ກາງເປັນບາງໂອກາດຢູ່ບາງ ທ້ອງຖິ່ນແຂວງ ບໍ່ແກ້ວ, ອຸດົມໄຊ, ຫລວງພະບາງ ແລະ ໄຊຍະບູລີ ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 28-30 ອົງສາ; ນະ ຄອນຫລວງວຽງຈັນ: ມີເມກປົກຄຸມເປັນສ່ວນຫລາຍ, ຝົນຍັງ ຈະສືບຕໍ່ຕົກໃນລະດັບຄ່ອຍ ແລະ ຕົກປານກາງເປັນບາງ ໂອກາດອຸນຫະພູມຕ່ຳສຸດ 24-26 ອົງສາ ແລະ ສູງສຸດ 28-30 ອົງສາ; ພາກ ກາງ: ມີເມກປົກຄຸມເປັນສ່ວນ ຫລາຍ, ຈະ ມີຝົນຕົກຟ້າຄະນອງ ໃນລະດັບຄ່ອຍຫາປານກາງຢູ່ ເກືອບທົ່ວໄປ ແລະ ຕົກໜັກເປັນ ບາງໂອກາດຢູ່ບາງທ້ອງຖິ່ນ ແຂວງ ວຽງຈັນ, ບໍລິຄຳໄຊ, ຄຳ ມ່ວນ ແລະ ສະຫວັນນະເຂດ ອຸນ ຫະພູມຕ່ຳສຸດ 21-23 ອົງສາ ແລະ ສູງສຸດ 26-28 ອົງສາ; ແຂວງໄຊສົມບູນ: ຍັງຈະມີຝົນ ຕົກຟ້າຄະນອງໃນລະດັບຄ່ອຍ ຫາປານກາງ ແລະ ຕົກໜັກເປັນ ບາງໂອກາດອຸນຫະພູມຕ່ຳສຸດ 17-19 ອົງສາ ແລະ ສູງສຸດ 22-24 ອົງສາ; ພາກໃຕ້: ມີເມກ ປົກຄຸມເປັນສ່ວນໃຫຍ່, ຍັງຈະ ມີຝົນຕົກຟ້າຄະນອງໃນລະດັບ ຄ່ອຍຫາປານກາງເປັນບໍລິເວນ ກວ້າງ ແລະ ຕົກໜັກເປັນບາງ ໂອກາດຢູ່ບາງທ້ອງຖິ່ນຕື່ມອີກ ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 28-30 ອົງສາ ແລະ ເຂດປາກຊ່ອງ: ຝົນຍັງສືບຕໍ່ຕົກ ຢູ່ຕື່ມອີກອຸນຫະພູມຕ່ຳສຸດ 13-15 ອົງສາ ແລະ ສູງສຸດ 18-20 ອົງ ສາ.

     ດັ່ງນັ້ນ, ຈຶ່ງຂໍແຈ້ງເຕືອນ ເຖິງອຳນາດການປົກຄອງທຸກພາກສ່ວນ ແລະ ພໍ່ແມ່ປະຊາຊົນ ທີ່ອາໄສໃນເຂດແຂວງທີ່ລຽບ ຕາມແຄມແມ່ນ້ຳຂອງ ແລະ ບັນດາແມ່ນ້ຳສາຂາຈົ່ງມີສະຕິລະວັງຕົວຕໍ່ສະພາບນ້ຳຖ້ວມ ແລະ ຂໍໃຫ້ສືບຕໍ່ຍົກຍ້າຍວັດຖຸສິ່ງ ຂອງໄວ້ບ່ອນທີ່ສູງພ້ອມທັງຍົກຍ້າຍ ສັດລ້ຽງໄປໄວ້ໃນເຂດທີ່ປອດໄພ, ຂໍໃຫ້ຕິດຕາມການລາຍງານຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດເປັນປະຈຳ.