ບັນຫາການພະນັນໜຶ່ງໃນສິ່ງຫຍໍ້ທໍ້ທີ່ຈະຕ້ອງເລັ່ງແກ້ໄຂ

     ປັດຈຸບັນບັນດາຊັ້ນຄົນຕ່າງໆບໍ່ວ່າຈະຢູ່ຕາມກຸ່ມບ້ານ ແລະ ສະຖານທີ່ບໍລິການອື່ນໆຕ່າງກໍພາມັກກັນຫລີ້ນການພະນັນ ຢ່າງເປີດແປນ, ໂດຍບໍ່ຢ້ານກົວຕໍ່ເຈົ້າໜ້າທີ່ ແລະ ເປັນການລະເມີດຕໍ່ກັບລະບຽບກົດໝາຍບ້ານເມືອງ. ຖ້າຫາກຍັງຖືກປ່ອຍ ປະລະເລີຍບໍ່ມີມາດຕະການແກ້ໄຂບັນຫາດັ່ງກ່າວຈະກາຍເປັນໜຶ່ງໃນຂະບວນປາກົດການຫຍໍ້ທໍ້ຢູ່ໃນສັງຄົມເຮົາ. ໃນປັດຈຸ ບັນບັນຫາທີ່ມັກພົບເຫັນໃນແຕ່ລະວັນແມ່ນການຫລີ້ນຫວຍເຖື່ອນບໍ່ວ່າຈະເປັນຫວຍພາຍໃນ ແລະ ຕ່າງປະເທດ. ການຫລິ້ນ ໄພ້, ລົງບານ, ຕີໄກ່, ສະນຸກເກີ້, ຫຼິ້ນເກມ ແລະ ອື່ນໆປາກົດມີຫລາຍ ແລະ ເກີດຂຶ້ນເກືອບທຸກບ້ານ ແລະ ຕາມຕະຫລາດ ຕ່າງໆ, ໂດຍສ່ວນໃຫຍ່ຈະນອນໃນກຸ່ມຄົນຜູ້ສູງອາຍຸ, ຜູ້ຫວ່າງງານໂດຍເຂົາເຈົ້າເຫລົ່ານີ້ຈະຖືເອົາການຫລີ້ນການພະນັນເປັນ ອາຊີບກໍວ່າໄດຕົວຢ່າງ: ຢູ່ຕາມຕະຫລາດຕ່າງໆນັບແຕ່ເຊົ້າຈົນຮອດແລງຈະເຫັນກຸ່ມຄົນເຫລົ່ານີ້ນັ່ງຈຸ້ມກັນຕັ້ງວົງຫລີ້ນໄພ້ຢູ່ຕະ ຫລອດເວລາໂດຍໃຊ້ຮູບການຫລັງເປັນແມ່ຄ້າທາງໜ້າຫລິ້ນການພະນັນໂດຍບໍ່ເອົາຫົວຊາກັບລະບຽບກົດໝາຍແຕ່ຢ່າງໃດ, ເຊັ່ນດຽວກັບຢູ່ຕາມຄຸ້ມບ້ານຕ່າງໆພໍຕື່ນເຊົ້າມາຜູ້ບໍ່ມີວຽກເຮັດງານທຳກໍໄດ້ຊັກຊວນອວນເອີ້ນກັນຕັ້ງວົງຫລິ້ນໄພ້, ສະນຸກເກີ້, ໝາກກຸ້ງໄກ່, ຕີໄກ່ບາງ ບ່ອນມີທັງເດັກນ້ອຍນັກຮຽນຂັ້ນປະຖົມ, ມັດທະຍົມລັກໂຕນ ຫ້ອງຮຽນເຂົ້າມາຮ້ານສະນຸກເກີ້,

ຮ້ານເກມ, ໂດຍບໍ່ເອົາຫົວຊາຕໍ່ລະບຽບວິໃນຂອງໂຮງຮຽນ ແລະ ຮ້າຍແຮງໄປກວ່າ ນັ້ນພໍຮອດມື້ອອກຫວຍບໍ່ວ່າຈະເປັນຄົນ ລາວ ຫລື ຕ່າງປະເທດບັນດາແມ່ເລກທັງຫລາຍໄດ້ແຂ່ງຂັນກັນຊອກຂາຍເລກຂາຍເບີໄປແຕ່ລະກຸ່ມບ້ານບາງຄັ້ງເຫັນຢູ່ຕາມສຳ ນັກງານອົງການກໍປາກົດມີຢູ່ເລື່ອຍໆ, ໂດຍບໍ່ມີການທັກທ້ວງຕັກເຕືອນກັນແຕ່ປະການໃດ.

     ປັດຈຸບັນເຫັນວ່າ: ໄພການພະນັນທີ່ກ່າວມານີ້ນັບມື້ຍິ່ງຮ້າຍແຮງຈົນຮອດກະໂຕໜ່ວຍພັດທະນາເອງກໍເປີດໃຫ້ຫລີ້ນການ ພະນັນບານຢ່າງເປັນທາງການແລ້ວໃຜຈະຫ້າມໃຜ ແລະ ຖ້າພາກສ່ວນກ່ຽວຂ້ອງຫາກຍັງຖືເບົາ ແລະ ຂາດການເອົາໃຈໃສ່ໃນ ການແກ້ໄຂຈະພາໃຫ້ສະພາບຫຍໍ້ທໍ້ຢູ່ໃນທົ່ວສັງຄົມຍິ່ງນັບມື້ແພ່ຫລາຍເຮັດໃຫ້ບ້ານເມືອງຂາດຄວາມເປັນລະບຽບຮຽບຮ້ອຍ ສ້າງຄວາມອັບອາຍຂາຍໜ້າໃຫ້ແກ່ແຂກຕ່າງດ້າວທ້າວຕ່າງແດນທີ່ເຂົ້າມາທ່ອງທ່ຽວຢູ່ປະເທດເຮົາໃຫ້ເຫັນຄວາມບໍ່ຈົບງາມຄືດັ່ ງທີ່ເປັນຢູ່ໃນປັດຈຸບັນ.