ຫ້າມລົດບັນທຸກແລ່ນຜ່ານເສັ້ນທາງສຳຄັນຊົ່ວຄາວໃນໄລຍະກອງປະຊຸມໄອປາ

   ພະແນກໂຍທິການ ແລະ ຂົນສົ່ງ, ນະຄອນຫລວງວຽງຈັນ, ໄດ້ອອກແຈ້ງການ ຫ້າມລົດບັນທຸກປະເພດລົດແກ່ດິນ, ລົດ ພ່ວງ, ລົດລາກ ແລະ ລົດບັນທຸກໜັກ ອື່ນໆ, ແລ່ນຜ່ານເສັ້ນທາງສຳຄັນສາຍຄືຖະໜົນສຸພານຸວົງ, ເຈົ້າຟ້າງຸ່ມ, ແຄມຂອງ, ສາມ ແສນໄທ, ເສດຖາທິລາດ, ລ້ານຊ້າງ ແລະ ທ່າເດື່ອ (ແຕ່ 3 ແຍກຈີ່ນາຍໂມ້ ຫາໄຟແດງທາດຂາວ) ນັບແຕ່ວັນທີ 11 - 22 ກັນຍານີ້, ເນື່ອງຈາກເປັນໄລຍະກະ ກຽມອານາໄມເສັ້ນ ທາງໃຫ້ມີຄວາມສະອາດຈົບງາມເພື່ອຮັບໃຊ້ກອງປະຊຸມລັດຖະ ສະພາອາຊຽນ ຫລື ໄອປາ (AIPA) ທີ່ ສປປ ລາວ ໄດ້ຮັບກຽດເປັນເຈົ້າພາບຈະ ຈັດຂຶ້ນໃນວັນທີ 14 - 22 ກັນຍານີ້, ຢູ່ນະຄອນ ຫລວງວຽງຈັນ. ນອກຈາກນີ້, ລົດບັນທຸກທີ່ມີຈຸດປະສົງໄປ-ມາໃນເສັ້ນ ທາງໜອງ ບຶກ, ດົງໂດກ, 450 ປີ ແລະ ຂົວມິດຕະພາບ 1 ກໍຫ້າມແລ່ນເຂົ້າໃນຕົວເມືອງເຊັ່ນກັນໃນໄລຍະດັ່ງກ່າວເພື່ອຮັບ ປະກັນໃຫ້ການສັນຈອນໃນເສັ້ນທາງທີ່ກຳນົດໄວ້ມີ ຄວາມເປັນລະບຽບຮຽບຮ້ອຍ, ສະດວກຄ່ອງຕົວດີ ແລະ ມີຄວາມ ສະອາດຈົບງາມ.