ເປີດຮ້ານວາງສະແດງຮູບພາບໂຄສະນາເຜີຍແຜ່ກົດຈະລາຈອນໃນບຸນຊ່ວງເຮືອ

    ພະແນກຈະລາຈອນນະຄອນຫຼວງວຽງຈັນຮ່ວມກັບບໍລິສັດ ລາວຟອດຊິຕີ ໄດ້ເປີດຮ້ານວາງສະແດງຮູບພາບໂຄສະນາກົດ ຈະລາຈອນຢູ່ງານບຸນອອກພັນສາ ແລະ ຊ່ວງເຮືອປະຈຳປີ, ທີ່ເຂດ ສາມແຍກໂຮງຮຽນປາກປາສັກໃນລະຫ່ວາງວັນທີ 7 - 9 ຕຸລານີ້, ໂດຍການເຂົ້າຮ່ວມຂອງທ່ານ ພັນຕີ ຢຸດຕະພົງ ສຸວັນນະສິງ, ຫົວໜ້າພະແນກຈະລາຈອນນະຄອນຫຼວງວຽງຈັນ, ທ່ານ ຈັກກະພົນ ມາລາບັນດິດ, ຜູ້ຈັດການຕະຫຼາດບໍລິສັດລາວຟອດຊິຕີ, ມີຕົວແທນຈາກຜູ້ໃຫ້ການສະໜັບສະໜູນ ເຊັ່ນ, ບໍລິສັດ ຮອນດອນນິວຈິບເຊັງ, ບໍລິສັດ ໂຄລາວ, ກຸ່ມອາຊີພີ, ຂະແໜງ ຍທຂ ນະຄອນຫຼວງ, ພ້ອມດ້ວຍ ເຈົ້າໜ້າທີ່ຈະ ລາຈອນເຂົ້າຮ່ວມ.

   ທ່ານຫົວໜ້າພະແນກຈະລາຈອນນະຄອນຫຼວງກ່າວວ່າ:ໃນ ປັດຈຸບັນນີ້ສະພາບການຈະລາ ຈອນ ເຫັນວ່າມີຄວາມສັບສົນ ພໍສົມຄວນຍ້ອນການເພີມຂຶ້ນຫຼາຍຂອງພາຫະນະ, ຂະນະ ດຽວກັນກໍຍັງມີຜູ້ຂັບຂີ່ຈຳນວນໜຶ່ງຍັງຂັບຂີ່ດ້ວຍຄວາມປະ ໝາດ ບໍ່ຄົບລົບກົດລະບຽບຈະລາຈອນເຮັດໃຫ້ເກີດອຸປະຕິເຫດຢ່າງຫຼວງຫຼາຍໃນຫຼາຍປີຜ່ານມາ, ສະເພາະປີ 2013 ຢູ່ນະຄອນ ຫຼວງວຽງຈັນມີອຸປະຕິເຫດເກີດຂື້ນທັງໝົດ 1520 ເລື່ອງ, ພາຫະນະເປ່ເພ 3044 ຄັນ, ຄົນໄດ້ຮັບບາດເຈັບ 2368 ຄົນ,

ໃນນັ້ນມີຜູ້ເສຍຊີວິດເຖິງ 202 ຄົນ, ແລະ ໃນປີ 2014, ມາຮອດປັດຈຸບັນຢູ່ນະຄອນຫຼວງວຽງຈັນມີອຸປະຕິເຫດເກີດຂຶ້ນ ແລ້ວ 1742 ເລື່ອງ, ມີຜູ້ເສຍຊີວິດເຖິງ 175 ຄົນ, ສະ ນັ້ນໃນໄລຍະບຸນຊ່ວງເຮືອທີ່ທ່າວັດຈັນປີນີ້ພະແນກຕຳຫຼວດຈະລາ ຈອນນະຄອນຫຼວງວຽງຈັນ ຈຶ່ງໄດ້ວາງແຜນການປ້ອງກັນ, ໂດຍບັນຈຸກຳລັງເຈົ້າໜ້າທີ່ຈະລາຈອນໃສ່ຈຸດຕ່າງໆເພື່ອເຮັດໜ້າທີ່ ລະບາຍການຈະລາຈອນ ແລະ ອຳນວຍຄວາມສະດວກໃຫ້ຜູ້ໃຊ້ລົດໃຊ້ຖະໜົນ 90 ກວ່າຈຸດໃນທົ່ວນະຄອນຫຼວງວຽງຈັນ, ໃຊ້ຈຳນວນພົນທັງໝົດ 500 ກວ່າຄົນ, ພ້ອມນີ້ຍັງໄດ້ສົມທັບບໍລິສັດລາວ ຟອດຊີຕີ ຕັ້ງຮ້ານໂຄສະນາເຜີຍແຜ່ກົດລະບຽບ ຈະລາຈອນ, ຫຼັກການຂັບຂີ່ປອດໄພໃຫ້ແກ່ມວນຊົນທີ່ມາທ່ຽວຊົມໃນງານ, ໂດຍໃນຮ້ານຈະມີກິດຈະກຳຖາມຕອບເພື່ອຮັບ ລາງວັນຈາກຜູ້ສະໜັບສະໜູນຢ່າງຫຼວງຫຼາຍ ແລະ ຫວັງວ່າຈະມີຜົນປະໂຫຍດຫຼາຍໃຫ້ແກ່ນັກຂັບຂີ່ ແລະ ຜູ້ໃຊ້ລົດໃຊ້ຖະ ໜົນທີ່ຢາກຮູ້ກົດຈະລາຈອນ, ເພື່ອໃຫ້ຂັບຂີ່ຖືກຕ້ອງຕາມກົດລະບຽບຈະລາຈອນ ແລະ ຫຼຸດຜົນອຸປະຕິເຫດຕາມທ້ອງຖະ ໜົນລົງເທື່ອລະກ້າວ.