laophatthananewspaper: ສະມາຄົມກູ້ໄພນະຄອນຫຼວງວຽງຈັນຈະສືບຕໍ່ປະຕິບັດໜ້າທີ່ຂອງຕົນໃຫ້ດີກວ່າເກົ່າເພື່ອຊ່ວຍເຫຼືອສັງຄົມ

ໃນໂອກາດເປີດສະມາຄົມກູ້ໄພນະຄອນຫຼວງວຽງຈັນຢ່າງເປັນທາງການໃນວັນທີ 3 ຕຸລານີ້ ທ່ານ ລຳເງິນ ວົງພະຈັນ ຫົວໜ້າໜ່ວຍກູ້ໄພນະຄອນຫຼວງວຽງຈັນລາຍ ງານທິດທາງແຜນການທີ່ສະມາຄົມກູ້ໄພຈະຈັດຕັ້ງ ປະຕິບັດໃນຕໍ່ໜ້າວ່າ: ເພື່ອສືບຕໍ່ດຳເນີນຕາມຈຸດປະສົງເປົ້າໝາຍຂອງສະມາຄົມໃຫ້ປາກົດຜົນເປັນຈິງ ແລະ ເປັນປະໂຫຍດແກ່ສັງຄົມ ແລະ ປະເທດຊາດຕາມພາລະບົດບາດ ແລະ ໜ້າທີ່ທີ່ພັກ-ລັດ ກໍຄືອົງການປົກຄອງນະຄອນຫລວງວຽງຈັນ, ໄດ້ມອບໝາຍໃຫ້ບັນລຸຕາມຈຸດປະສົງ ແລະ ເປົ້າໝາຍທີ່ວາງໄວ້ນັ້ນ, ຄະນະບໍລິຫານງານສະມາຄົມອາສາກູ້ໄພນະຄອນຫລວງວຽງຈັນ ຈຶ່ງໄດ້ວາງທິດທາງແຜນ ການໃນປີ 2014-2015 ມີ 4 ແຜນງານ ແລະ 1 ໂຄງການດັ່ງນີ້:

ແຜນງານ: ສືບຕໍ່ຈັດຕັ້ງ ບໍລິຫານວຽກງານໃຫ້ເປັນລະ ບົບຂຶ້ນເທື່ອລະກ້າວ; ເຄື່ອນໄຫວເພື່ອເຕົ້າໂຮມເອົານ້ຳໃຈຂອງຜູ້ມີຈິດໃຈສັດທາຈາກຫລາຍພາກ ສ່ວນທີ່ມີຄວາມຕ້ອງການຢາກຊ່ວຍເຫລືອເພື່ອນຮ່ວມຊາດ ກໍຄືເພື່ອນມະນຸດດ້ວຍກັນທີ່
ຕົກທຸກໄດ້ຍາກອັນເນື່ອງມາຈາກເງື່ອນໄຂທາງສະພາບແວດລ້ອມຂອງການດຳລົງຊີວິດເປັນຕົ້ນອຸປະຕິເຫດຕາມທ້ອງຖະໜົນ, ຊ່ວຍເຫລືອຜູ້ທີ່ທຸກຍາກດ້ອຍອານາຖາ, ຄົນ-ສັດທີ່ຕົກທຸກໄດ້ຍາກ ຕ້ອງການຄວາມຊ່ວຍເຫລືອ ແລະ ຊ່ວຍເຫລືອໄພຕ່າງໆນຳອີກເຊັ່ນ: ນ້ຳຖ້ວມ, ໄຟໄໝ້, ແຜ່ນ ດິນໄຫວ, ເຊິ່ງຜູ້ປະສົບໄພເຫລົ່າ ນັ້ນລ້ວນແຕ່ຕ້ອງການກຳລັງໃຈ ແລະ ຄວາມຊ່ວຍເຫລືອອັນຮີບດ່ວນ; ເຄື່ອນໄຫວວຽກງານຊ່ວຍເຫລືອຜູ້ປະສົບໄພ ແລະ ຜູ້ເກີດອຸປະຕິເຫດຕາມທ້ອງຖະ ໜົນຫລວງຢູ່ໃນ

ເທສະບານເມືອງຕ່າງໆຂອງນະຄອນຫຼວງວຽງຈັນ; ຂະຫຍາຍຕາໜ່າງ ການຮັບໃຊ້ຊ່ວຍເຫລືອປະຊາຊົນໃຫ້ທົ່ວເຖິງໃນ 4 ຕົວເມືອງໃນນະຄອນຫລວງວຽງຈັນ. ສ່ວນ ໂຄງການ: ແຜນອາສາຮ່ວມໃຈຊ່ວຍເຫລືອຜູ້ປະສົບໄພ ແລະ ອຸ ປະຕິເຫດຕາມທ້ອງຖະໜົນໃນຕົວເມືອງໂຄງການນີ້ແມ່ນຈະລົງເຜີຍແຜ່ຄວາມຮູ້ໃນການຊ່ວຍເຫລືອຜູ້ປະສົບໄພ ແລະ ປະສົບອຸປະຕິເຫດຕາມທ້ອງຖະໜົນໃນເບື້ອງຕົ້ນມີການສອນ ແລະ ສາທິດການຊ່ວຍເຫລືອຜູ້ປະສົບໄພໃຫ້ຖືກວິທີ ແລະ ນຳສົ່ງໂຮງ ໝໍໄດ້ຢ່າງປອດໄພທັງເປັນຜູ້ປະ ສານງານຂອງປະຊາຊົນໃນຈຸດເກີດເຫດກັບສະມາຄົມເພື່ອເປັນການເຝົ້າລະວັງໄພຕ່າງໆຢູ່ໃນທ້ອງຖິ່ນນັ້ນໆໃຫ້ປອດໄພ ແລະ ສ້າງເຄືອຂ່າຍອາສາສະໝັກປະ ຈຳຢູ່ແຕ່ລະທ້ອງຖິ່ນໃນຂອບເຂດ 4 ຕົວເມືອງໃນນະຄອນ ຫລວງວຽງຈັນເຊັ່ນ: ເມືອງຈັນ ທະບູລີ, ສີສັດຕະນາກ, ສີໂຄດຕະ ບອງ ແລະ ໄຊເສດຖາ, ສ້າງຕົວເມືອງດັ່ງກ່າວໃຫ້ເປັນແບບຢ່າງທາງດ້ານການກູ້ຊີວິດ ແລະ ກູ້ໄພທີ່ເກີດຂຶ້ນໃນທ້ອງຖິ່ນດັ່ງ ກ່າວໃຫ້ໄດ້ຮັບຜົນສຳເລັດຢ່າງສູງສຸດໃນຕໍ່ໜ້າ.