ປກສ ນະຄອນຫລວງມ້າງຂະບວນການຄ້າຢາເສບຕິດ

     ເຈົ້າໜ້າທີ່ ປກສ ນະຄອນຫລວງວຽງຈັນ ໃຫ້ຮູ້ວ່າ: ໃນທ້າຍອາທິດຜ່ານມາ, ໄດ້ມ້າງຂະບວນການຄ້າຂາຍຢາເສບຕິດ ຢູ່ບ້ານໂພນແກ້ວ ເມືອງນາຊາຍທອງ, ນະຄອນຫລວງ ວຽງຈັນ ໄດ້ຜູ້ຕ້ອງຫາຄື ທ້າວ ເພັດສະໝອນ ອາຍຸ 32 ປີ, ພ້ອມ ຂອງ ກາງຢາບ້າ 190 ເມັດ, ຈຶ່ງ ໄດ້ຢືດໄວ້ເປັນຫລັກຖານໃນການດຳເນີນຄະດີ ແລະ ອີກກໍລະນີ ໜຶ່ງແມ່ນຈັບຜູ້ຄ້າຂາຍຢາເສບ ຕິດຢູ່ບ້ານຜາງຫ້າງ, ເມືອງ ຫາດຊາຍຟອງ, ນະຄອນຫລວງ ວຽງຈັນ, ຈັບຜູ້ຕ້ອງຫາໄດ້ຊື່ ທ້າວ  ຕ້ອມ ອາຍຸ 22 ປີຢູ່ບ້ານ ຕານມີໄຊ ເມືອງໄຊທານີ ນະ ຄອນຫລວງວຽງຈັນ ພ້ອມ ຂອງກາງຢາບ້າ 6 ພັນເມັດ, ປືນ ສັ້ນໜຶ່ງກະບອກ, ເຈົ້າໜ້າທີ່ຈຶ່ງ ໄດ້ຢືດໄວ້ເປັນຫລັກຖານເພື່ອດຳເນີນຄະດີເຊັ່ນກັນ, ໂດຍທັງ ສອງແມ່ນກຸ່ມຄ້າຂາຍຢາເສບ ຕິດຕົວອັນຕະລາຍທີ່ເຄື່ອນໄຫວ ມົ້ວສຸມ ແລະ ຄ້າຂາຍຢາບ້າໃຫ້ໄວລຸ້ນພາຍໃນເມືອງຫາດຊາຍ ຟອງ ແລະ ເມືອງໃກ້ຄຽງ ແລະ ເປັນເປົ້າໝາຍຕິດຕາມຂອງ ເຈົ້າໜ້າທີ່ມາດົນ, ຈົນມີຫລັກຖານພຽງພໍຈຶ່ງສາມາດຈັບຕົວພວກກ່ຽວມາດຳເນີນຄະດີຄືດັ່ງກ່າວໄດ້.