ຮອງນາຍົກລັດຖະມົນຕີ ສົມສະຫວາດ ເລັ່ງສະຫວັດ ແນະນຳການພັດທະນາພະລັງງານ-ບໍ່ແຮ່ໃຫ້ຕິດພັນກັບຜົນປະໂຫຍດ ລວມຂອງຊາດ

    ໃນໂອກາດໂອ້ລົມຕໍ່ກອງປະຊຸມຂະແໜງການພະລັງງານ ແລະ ບໍ່ແຮ່ສົກປີ 2013 - 2014 ຜ່ານມານີ້, ທ່ານ ສົມສະ ຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດການຜະລິດ ແລະ ຈໍລະຈອນ ໃນວັນທີ 4 ກຸມພາຜ່ານ ມານີ້, ໂດຍທ່ານຊີ້ໃຫ້ເຫັນຈຸດສຳຄັນຂອງການວາງແຜນພັດທະນາຂົງເຂດ ດັ່ງກ່າວໃນຕໍ່ໜ້າວ່າ: ປັດຈຸບັນການ ຂະຫຍາຍ ຕົວທາງດ້ານເສດຖະກິດ-ສັງຄົມຂອງປະເທດ ແລະ ຄວາມຮຽກຮ້ອງຕ້ອງການຂອງປະຊາຊົນນັບມື້ສູງຂຶ້ນໄປພ້ອມ ກັບການ ເຊື່ອມໂຍງພາກພື້ນ ແລະ ສາກົນຍິ່ງເປັນສິ່ງສຳຄັນໃຫ້ພວກເຮົາເປັນເຈົ້າການນຳໜ້າໃນລະບົບເສດຖະກິດແຫ່ງຊາດ ສະນັ້ນສິ່ງທີ່ຄະນະນຳກະຊວງກ່ຽວຂ້ອງຕ້ອງໄດ້ເອົາໃຈໃສ່ຈັດຕັ້ງປະຕິບັດແຜນຍຸດທະສາດໃນຕໍ່ໜ້ານີ້ແມ່ນຕ້ອງປັບປຸງໂຄງຮ່າງການຈັດຕັ້ງໃຫ້ໜັກແໜ້ນເຂັ້ມແຂງ, ປອດໃສ ເພື່ອເປັນກຳລັງແຮງຮ່ວມກັບພາກສ່ວນອື່ນໃນການພັດທະນາເສດຖະກິດ-ສັງຄົມຂອງ ປະເທດບົນພື້ນຖານການຫັນ ເປັນອຸດສະຫະກຳ ແລະ ທັນສະໄໝສາມາດເຊື່ອມໂຍງສາກົນ, ເອົາໃຈໃສ່ກວດຄືນວິໄສທັດ, ແຜນຍຸດທະສາດການພັດທະ ນາແຕ່ນີ້ຮອດປີ 2020 ແລະ 2030 ແລະ ແຜນພັດທະນາຂອງຂະແໜງແຕ່ລະໄລຍະໃຫ້ລະອຽດ ເພື່ອກຳນົດເປົ້າໝາຍ

ສູ້ຊົນວ່າອັນໃດຈຳເປັນ ແລະ ບໍ່ມີຄວາມຈຳເປັນພັດທະນາ, ເພື່ອຮັບປະກັນຄວາມໝັ້ນຄົງຍືນຍົງ ແລະ ສິດຜົນປະໂຫຍດ ລວມຂອງຊາດ, ຄຽງຄູ່ກັນນັ້ນ, ກໍເພີ່ມທະວີການຊີ້ນຳນຳພາຂອງຄະນະພັກແຕ່ລະຂັ້ນໃຫ້ມີລັກສະ ນະຕັດສີນເຂັ້ມງວດ, ເນື່ອງຈາກວ່າບົດຮຽນຕົວຈິງຜ່ານມາເຫັນວ່າຢູ່ບ່ອນໃດ, ທ້ອງຖິ່ນໃດຫາກຄະນະພັກເອົາໃຈໃສ່ຊີ້ນຳ-ນຳພາ, ສ້າງບັນດາເງື່ອນ ໄຂເອື້ອອຳນວຍ ແມ່ນຢູ່ບ່ອນນັ້ນມີການເຄື່ອນໄຫວເຮັດວຽກງານໄດ້ດີ ແລະ ມີປະສິດທິຜົນສູງ, ກົງກັນຂ້າມຢູ່ບ່ອນໃດຄະນະ ພັກລະເຫລີງ, ບໍ່ທັນເຫັນຄວາມສຳຄັນ, ບໍ່ຕັ້ງໜ້າຊີ້ນຳ-ນຳພາ ກໍເຫັນວ່າບໍ່ສາມາດເຮັດໄດ້ຕາມ ພາລະບົດບາດ ແລະ ໜ້າທີ່ຂອງຕົນ.