ໃນວັນທີ 2 ກຸມພານີ້, ຢູ່ນະຄອນຫລວງວຽງຈັນ, ໄດ້ຈັດງານຖະແຫລງ ຂ່າວ ວ່າ: ບ໊ອບ ຟຣີແມນ ທອກໂຊ ພາກ II
(Bob freeman talk show part 2), ທີ່ຈະຈັດຂຶ້ນໃນ ເວລາ
18:00-21:00 ໂມງຂອງວັນທີ 22-23 ກຸມ ພານີ້, ຢູ່ໂຮງ ແຮມດອນຈັນພາເລດ.
ບ໊ອບ ຟຣີແມນ ຖະແຫລງວ່າ: ເພື່ອເປັນການສືບຕໍ່ຈາກພາກທີ I ທີ່ຈັດຂຶ້ນ ໃນປີຜ່ານມາ ແລະ ໄດ້ ຮັບແຮງບັນດານ ໃຈຈາກຜູ້ສົນໃຈທີ່ໄດ້ຕິດຕາມ ຜົນງານ ມາຕະຫລອດ, ປາກົດວ່າມີກະແສຕອບຮັບດີ, ເມື່ອເປັນແນວນັ້ນ ໃນປີນີ້ ຈະມີ ການສະແດງເປັນ 2 ຮອບ, ແຕ່ໃນປີນີ້ຈະ ມີຄວາມພິເສດ, ມີຄວາມຕື່ນເຕັ້ນ ແລະ ເລື່ອງຕະລົກທີ່ບ໊ອບມາມອບ ໃຫ້ຜູ້ ຊົມທຸກຄົນຫລາຍກວ່າເກົ່າ, ພ້ອມກັນນີ້ ຍັງເປັນການສ້າງສິ່ງແປກໃໝ່, ທັງເປັນການມອບຄວາມສຸກ, ສ້າງຮອຍຍິ້ມ ໃຫ້ກັບຄົນລາວທຸກຄົນ ເພື່ອຜ່ອນຄາຍ ຈາກວຽກງານມາ. ສຳລັບປີ້ເຂົ້າຊົມແມ່ນມີ ລາຄາຕັ້ງແຕ່ 50.000 ກີບ ໄປ ຈົນເຖິງ 6 ແສນກີບ.
ສຳລັບຜູ້ທີ່ສົນໃຈສາມາດຕິດຕໍ່ໄປຫາເບີ 020 7897 7711, 020 78977722, 020 78977733, ຫລື ສາມາດເຂົ້າເບິ່ງ ແລະ ເລືອກບ່ອນນັ່ງໄດ້ທີ່ www.bobfreemantalkshow.com
No comments:
Post a Comment