ອົງການກອງທຶນອະນຸລັກທຳມະຊາດໂລກ ປະຈຳລາວ, ໄດ້ຈັດກິດຈະກຳປິດໄຟ
60 ນາທີ, ເພື່ອອະນາຄົດຂອງໂລກ, ໂດຍຈະເລີ່ມປິດໄຟນັບແຕ່ເວລາ 20:30-21:30 ໂມງຂອງວັນທີ
19 ມີນານີ້, ທີ່ສຳນັກງານອົງການດັ່ງກ່າວ, ໃນນະຄອນຫລວງວຽງຈັນ ພ້ອມນີ້ ກໍຂໍເຊີນຊວນ
ພາກສ່ວນຕ່າງໆ ມາເຂົ້າຮ່ວມກິດຈະກໍານຳດ້ວຍ ໂດຍການປິດໄຟສຳນັກງານອົງການ ແລະ
ບ້ານເຮືອນຂອງທ່ານ ເພື່ອປະຢັດພະລັງງານໃຫ້ຢູ່ຄູ່ກັບເຮົາໄປເລື້ອຍໆ.
ກິດຈະກຳມອດໄຟ 60 ນາທີ (1 ຊົ່ວໂມງ), ແມ່ນໄດ້ເລີ່ມຈັດຕັ້ງມາແຕ່ປີ 2007, ໂດຍມີພາກສ່ວນກ່ຽວຂ້ອງໃຫ້ຄວາມສົນໃຈເປັນຈຳນວນຫລາຍ, ເຊິ່ງມີຫລາຍກວ່າ 7 ພັນຕົວເມືອງ ໃນ 162 ປະເທດ ໄດ້ພ້ອມກັນປະຕິບັດກິດຈະກຳດັ່ງກ່າວ, ເພື່ອແນໃສ່ການປະຢັດພະລັງງານ ແລະ ຄວາມຍືນຍົງຂອງໂລກ, ພ້ອມນີ້ ຍັງເປັນການແກ້ໄຂບັນຫາສະພາບການປ່ຽນແປງຂອງດິນຟ້າອາກາດນຳອີກ.
No comments:
Post a Comment