ປະກາດແຕ່ງຕັ້ງພົນຈັດຕະວາ ສົມຫວັງ ທໍາມະສິດ ເປັນລັດຖະມົນຕີຊ່ວຍກະຊວງປ້ອງກັນຄວາມສະ ຫງົບ

   ພິທີປະກາດແຕ່ງຕັ້ງທ່ານພົນຈັດຕະວາ ດຣ ສົມຫວັງ ທໍາມະສິດ ຜູ້ຊ່ວຍລັດຖະມົນຕີປ້ອງກັນຄວາມສະຫງົບ ເປັນລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບຂຶ້ນໃນວັນທີ 16 ມີນານີ້ທີ່ກະຊວງດັ່ງກ່າວ, ໂດຍການເຂົ້າຮ່ວມຂອງທ່ານລັດຖະມົນຕີວ່າການຊວງປ້ອງກັນຄວາມສະຫງົບ ພົນຕີ ສົມແກ້ວ ສີລາວົງ, ມີບັນດາຄະນະນໍາ ແລະ ພະນັກງານຫລັກແຫລ່ງອ້ອມຂ້າງກະຊວງດັ່ງກ່າວເຂົ້າຮ່ວມເພື່ອປະຕິບັດຕາມດໍາລັດຂອງນາຍົກລັດຖະມົນຕີ ແລະ ຄວາມຮຽກຮ້ອງຕ້ອງການຂອງໜ້າທີ່ວຽກງານ ປກສ ໃນໄລຍະໃໝ່.

    ໃນໂອກາດນີ້, ທ່ານລັດຖະມົນຕີວ່າການກະຊວງປ້ອງກັນຄວາມສະຫງົບໄດ້ໂອ້ລົມ

ຊີ້ນໍາຕໍ່ພິທີ, ຊຶ່ງກ່ອນອື່ນທ່ານໄດ້ສະແດງຄວາມຊົມເຊີຍຕໍ່ທ່ານພົນຈັດຕະວາ ສົມຫວັງ ທໍາມະສິດ ທີ່ໄດ້ຖືກແຕ່ງຕັ້ງເປັນລັດຖະມົນຕີຊ່ວຍກະຊວງ ປກສ ຜູ້ໃໝ່ຄັ້ງນີ້, ພ້ອມທັງແນະນໍາໃຫ້ສຸມທຸກສະຕິປັນຍາ,ເຫື່ອແຮງ ແລະ ຄວາມຮູ້ຄວາມສາມາດຂອງຕົນເຂົ້າໃນການຊີ້ນໍາ-ນໍາພາ ກໍາລັງ ປກສ ໃຫ້ມີຄວາມເຕີບໃຫຍ່ຂະຫຍາຍຕົວໜັກແໜ້ນເຂັ້ມແຂງກວ່າເກົ່າ ເພື່ອໃຫ້ສົມເປັນກອງກໍາລັງປະເຊີນໜ້າ

ທີ່ບໍ່ຢ້ານກົວກັບສັດຕູກໍຄືກຸ່ມຄົນທີ່ບໍ່ດີ.