ລັດຖະບານລາວ-ຫວຽດນາມ ຍ້ອງຍໍຜູ້ມີຜົນງານດີເດັ່ນໃນການປັກຫລັກໝາຍຊາຍແດນສອງປະເທດສຳເລັດຜົນ

         ໃນວັນທີ 16 ມີນານີ້ທີ່ນະຄອນຫລວງຮ່າໂນ້ຍ ສສ ຫວຽດນາມ, ລັດຖະບານລາວ ແລະ ຫວຽດນາມ, ໄດ້ປະດັບຫລຽນໄຊແຮງງານຊັ້ນ I, ຊັ້ນ II, ຫລຽນກາມິດຕະພາບ ແລະ ມອບໃບຍ້ອງຍໍຂອງລັດຖະມົນຕີກະຊວງການຕ່າງປະເທດຂອງ ສປປ ລາວ ແລະ ສສ ຫວຽດນdາມ, ໃຫ້ແກ່ບັນ

ດາກົມກອງ ແລະ ບຸກຄົນ ທີ່ຜົນງານດີເດັ່ນໃນການປະກອບສ່ວນເຂົ້າໃນວຽກງານປັກຫລັກໝາຍຊາຍແດນລະຫວ່າງສອງປະເທດສຳເລັດຜົນຢ່າງຈົບງາມ, ໂດຍຝ່າຍລາວໄດ້ປະດັບຫລຽນ ແລະ ມອບ​ໃບຍ້ອງຍໍຜົນງານໃຫ້ຝ່າຍຫວຽດນາມທັງໝົດ 15 ກົມກອງ ແລະ 107 ທ່ານ,ສ່ວນຝ່າຍຫວຽດນາມກໍ​ໄດ້
ປະດັບຫລຽນ ແລະ ມອບໃບຍ້ອງຍໍຜົນງານໃຫ້ຝ່າຍລາວຈໍານວນ 15 ກົມກອງ ແລະ 146 ທ່ານເຊັ່ນກັນ. ພ້ອມດຽວກັນນັ້ນສອງຝ່າຍຍັງໄດ້ລົງນາມສັນຍາສອງສະບັບຄື:ສັນຍາວ່າດ້ວຍເສັ້ນຊາຍແດນ ແລະ ຫລັກໝາຍຊາຍແດນລະຫວ່າງປະເທດ ແລະ ສັນຍາວ່າດ້ວຍລະບຽບການຄຸ້ມຄອງຊາຍແດນ ແລະ ດ່ານຊາຍແດນລະຫວ່າງລາວ ແລະ ຫວຽດນາມ, ໂດຍການຮ່ວມລົງນາມຂອງທ່ານລັດຖະມົນຕີວ່າການກະຊວງການຕ່າງປະເທດລາວ ທອງລຸນ ສີສຸລິດ ແລະ ລັດຖະມົນຕີວ່າການກະຊວງການຕ່າງປະ​ເທດຫວຽດນາມ ຟາມ ບິ່ງ ມິ່ງ.

          ການປະດັບຫລຽນ ແລະ ຍ້ອງຍໍດັ່ງກ່າວ, ມີຂຶ້ນໃນພິທີສະຫລຸບຜົນສໍາເລັດຂອງໂຄງ

ການປັກຫລັກໝາຍຖີ່ ແລະ ບູລະນະລະບົບຫລັກໝາຍຊາຍແດນຫວ່າງສອງປະເທດລາວ-ຫວຽດ ນາມ, ໂດຍການເຂົ້າຮ່ວມຂອງທ່ານນາຍົກລັດຖະມົນຕີແຫ່ງ ສປປ ລາວ ທອງສິງ ທໍາມະວົງ ແລະ ທ່ານ ຫວງຽນ ເຕີນ ຢຸງ ນາຍົກລັດຖະມົນຕີແຫ່ງ ສສ ຫວຽດນາມ, ເຊິ່ງຜົນສໍາເລັດຂອງໂຄງການດັ່ງກ່າວເປັນຂີດໝາຍສໍາຄັນແຫ່ງການເຄົາລົບນັບຖືອະທິປະໄຕ ແລະ ຜືນແຜນດິນອັນຄົບຖ້ວນເຊິ່ງກັນ ແລະ ກັນ ແລະ ພ້ອມກັນເສີມສ້າງເສັ້ນຊາຍແດນໃຫ້ກາຍເປັນຊາຍແດນແຫ່ງສັນຕິພາບ, ສະຖຽນລະພາບ ແລະ ການຮ່ວມມືພັດທະນາທີ່ຍືນຍົງ.