 |
| ພາບຈາກ ນາທີຊີວິດ |
ນັບແຕ່ວັນທີ 13-16 ເມສານີ້, ເຊິ່ງເປັນໄລຍະຂອງການສະເຫລີມສະຫລອງ ບຸນປີໃໝ່ລາວ ພສ
2559, ທົ່ວປະເທດມີອຸປະຕິເຫດເກີດຂຶ້ນ 207 ກໍລະນີ, ສົ່ງຜົນ ໃຫ້ມີຄົນເສຍຊີວິດ 23 ຄົນ,
ເມື່ອທຽບໃສ່ໃນໄລຍະດຽວກັນຂອງປີຜ່ານມາ ເຫັນວ່າມີ ຈຳນວນເພີ້ມຂຶ້ນ 8 ກໍລະນີ, ເທົ່າກັບ 3,86% ແລະ ມີຜູ້ເສຍຊີວິດຫລຸດລົງ 3 ຄົນ, ເທົ່າກັບ 11,53%, ແຕ່ຈຳນວນຜູ້ໄດ້ຮັບບາດເຈັບແມ່ນເພີ່ມຂຶ້ນ 35 ຄົນ, ເທົ່າກັບ 9,58%, ໃນນີ້, ສະເພາະນະຄອນຫລວງວຽງຈັນ ໄດ້ເກີດອຸປະຕິເຫດຫລາຍກວ່າ ແຂວງອື່ນໆແມ່ນມີ 42 ກໍລະນີ, ມີຜູ້ເສຍຊີວິດ 8 ຄົນ, ຮອງລົງມາແມ່ນແຂວງສະ ຫວັນນະເຂດ, ຈຳປາສັກ ແລະ ແຂວງວຽງຈັນ, ພ້ອມນີ້ແຂວງທີ່ບໍ່ມີອຸປະຕິເຫດແມ່ນແຂວງຫົວພັນ ແລະ ແຂວງໄຊສົມບູນຖືວ່າເປັນສິ່ງທີ່ດີໃນໂອກາດບຸນປີໃໝ່ລາວ.
ເຈົ້າໜ້າທີ່ກົມຈະລາຈອນ ໃຫ້ຮູ້ວ່າ: ໄລຍະ
4 ວັນຂອງບຸນປີໃໝ່ລາວປີນີ້, ເຈົ້າໜ້າທີ່ທຸກຄົນໄດ້ສຸມໃສ່ການຕັ້ງຈຸດກວດກາເປັນຕົ້ນ ຄວບຄຸມທາດເຫລົ້າ, ການຂັບຂີ່ລົດດ້ວຍຄວາມໄວ, ກວດເອກະສານຕ່າງໆ ພ້ອມທັງລາດຕະເວນ ແລະ
ຕັກເຕືອນກຸ່ມຄົນທີ່ຫລີ້ນນ້ຳຢູ່ແຄມທາງບໍ່ຖືກລະບຽບ ເຮັດໃຫ້ ການສັນຈອນຕິດຄັດ
ແລະ ສົ່ງຜົນໃຫ້ເກີດອຸປະຕິເຫດຢູ່ຕາມເສັ້ນທາງຕ່າງໆເປັນຕົ້ນຖະໜົນເສດຖາທິລາດ, ເຈົ້າຟ້າງຸ່ມ ແລະ
ອື່ນໆ ທັງນີ້ກໍເພື່ອປ້ອງກັນຄວາມສະຫງົບ ແລະ
ປະກົດການຫຍໍ້ທໍ້ທີ່ຈະຕາມມາ, ພ້ອມນີ້
ຍັງເຫັນວ່ານັກ ຂັບຂີ່ທຸກຄົນແມ່ນມີສະຕິລະວັງຕົວຫລາຍຂຶ້ນ, ປະຕິບັດກົດລະບຽບຈະລາ ຈອນຢ່າງເຂັ່ງຄັດ, ແຕ່ຍັງມີບາງຈຳນວນທີ່ຍັງເມີນເສີຍ ແລະ
ປະໝາດຈຶ່ງເຮັດໃຫ້ມີອຸປະຕິເຫດຮ້າຍ ແຮງເກີດຂຶ້ນຕາມລຳດັບ. ດັ່ງນັ້ນ
ຖ້າພວກເຮົາທຸກຄົນເອົາໃຈໃສ່ໃນການປະຕິບັດກົດລະບຽບໃຫ້ເຂັ້ມງວດອຸປະຕິເຫດກໍສາມາດຫລຸດລົງໄດ້ເຊັ່ນກັນ.
No comments:
Post a Comment