ບໍລິສັດ ມະນິຍົມກົນຈັກໜັກ ແລະ ກໍ່ສ້າງ ຈຳກັດ
ເຊິ່ງເປັນບໍລິ ສັດໃນເຄືອຂອງກຸ່ມບໍລິສັດ ມະນິ ຍົມກຣຸບ ໄດ້ເຊັນສັນຍາເປັນຕົວແທນຈຳໜ່າຍຢ່າງເປັນທາງການແຕ່ພຽງຜູ້ດຽວໃນ
ສປປ ລາວ ຂອງລົດເຈາະພື້ນຫີນ-ດິນສຳລັບງານເໝືອງແຮ່ ແລະ ເຄນ ຍີ່ຫໍ້ Soosan
Heavy ເຊິ່ງພິທີເຊັນສັນຍາໄດ້ຈັດຂຶ້ນຢູ່ຫ້ອງປະຊຸມໃຫຍ່ຂອງກຸ່ມບໍລິສັດ ມະນິຍົມກຣຸບ
(ອາຄານ Chevrole-Lao) ຖະໜົນ T2 ບ້ານໜອງດ້ວງເໜືອ ເມືອງສີໂຄດຕະບອງ ນະຄອນ ຫລວງວຽງຈັນ
ລະຫວ່າງທ່ານ ສຸກສະໝອນ ສີຫາເທບ ປະທານຄະນະຜູ້ບໍລິຫານ ບໍລິສັດ ມະນິ ຍົມ ແລະ ທ່ານ
Seok Hyun Jung ຜູ້ຈັດການປະຈຳພາກພື້ນອາຊີ ແລະ ໂອຊີອານີ ຂອງບໍລິສັດ Soosan
Heavy Industries Co., Ltd.
ບໍລິສັດ Soosan Heavy Industries Co., Ltd. ເປັນຜູ້ຜະ
ລິດຕະພັນ ເບັກເກີ້ໄຮໂດຣລຣິກ, ປັ້ນຈ່ານ, ລົດເຈາະພື້ນຫີນ-ດິນ ແລະ ຜະລິດຕະພັນອື່ນໆ
ມາແຕ່ປີ 1984 ແລະ ເປັນບໍລິສັດເກົາຫລີໃຫຍ່ສຸດທີ່ໄດ້ນຳຄວາມກ້າວໜ້າຂອງ
ອຸດສາຫະກຳອຸປະກອນເສີມສຳລັບກົນຈັກໜັກມາຈົນປັດ
ຈຸບັນ ເຊິ່ງມີໂຕແທນຈຳໜ່າຍຢ່າງເປັນທາງການຫລາຍກວ່າ 70 ປະເທດທົ່ວໂລກ ແລະ
ໄດ້ມອບຄວາມໄວ້ວາງໃຈເປັນຢ່າງສູງ ທີ່ໄດ້ແຕ່ງຕັ້ງຕົວແທນຈຳ ໜ່າຍຢ່າງເປັນທາງການແຕ່ພຽງຜູ້ດຽວໃນ
ສປປ ລາວ ໂດຍແມ່ນບໍລິສັດ ມະນິຍົມກົນຈັກໜັກ ເຊິ່ງເປັນບໍລິສັດ ບຸກເບີກ ແລະ
ເປັນຜູ້ນຳຕະຫລາດກົນຈັກໜັກລົດບັນທຸກ ແລະ ອຸປະກອນເສີມສຳລັບກົນຈັກໜັກໃນ
ສປປ ລາວ ທີ່ໄດ້ຮັບຄວາມໄວ້ວາງໃຈຈາກບັນດາກຸ່ມນັກທຸລະກິດ ແລະ ຜູ້ປະກອບການເປັນຢ່າງດີ.
ທັງສອງບໍລິສັດມີຄວາມຕັ້ງໃຈເປັນຢ່າງສູງທີ່ຈະສະໜອງລົດເຈາະພື້ນຫີນ-ດິນທີ່ມີຄຸນນະ
ພາບມາດຕະຖານໂລກໃນລາຄາທີ່ຊ່ວຍແບ່ງເບົາພາລະການເງິນຂອງນັກທຸລະກິດກຸ່ມບໍລິສັດເໝືອງແຮ່
ແລະ ຂຸດຄົ້ນ ລວມທັງບໍລິສັດສຳປະທານເໝືອງຫີນທັງ ຫລາຍ ແລະ ຜະລິດຕະພັນເຄນຍົກທີ່ມີຄວາມແຂງແຮງປອດໄພ
ພ້ອມທັງວຽກບໍລິການຫລັງການຂາຍທີ່ພ້ອມຈະບໍລິການລູກຄ້າ ເຖິງສະຖານທີ່ໃນທົ່ວປະເທດ.
No comments:
Post a Comment