ອາທິດຜ່ານມາທ່ົວປະເທດອຸປະຕິ ເຫດຕາມຖະຫນົນເກີດຂຶ້ນ 100 ກວ່າກໍລະນີມີຜູ້ເສຍຊີວິດ 22 ຄົນ

       ກົມຕຳຫຼວດ ຈະລາຈອນ ກະ ຊວງ ປ້ອງກັນຄວາມສະຫງົບໃຫ້ຮູ້ວ່າ: ໜຶ່ງອາທິດຜ່ານມານີ້, ທົ່ວປະເທດ ໄດ້ມີອຸປະ ຕິເຫດເກີດຂຶ້ນ 100 ກວ່າກໍລະນີ ສົ່ງຜົນໃຫ້ມີຜູ້ເສຍຊີວິດ 22 ຄົນ ໂດຍສ່ວນໃຫຍ່ ແມ່ນຢູ່ນະ ຄອນຫຼວງວຽງຈັນ, ຖັດລົງມາແມ່ນ ແຂວງສະຫວັນ ນະເຂດ ແລະ ແຂວງ ຫຼວງພະບາງ ອັນໄດ້ສ້າງຄວາມ ເສຍຫາຍທາງຊັບສິນ ແລະ ຊີວິດເປັນຈຳນວນຫຼາຍ.

             ເຈົ້າໜ້າທີ່ ຈະລາຈອນ ກ່າວວ່າ: ບັນຫາອຸປະຕິເຫດຕາມທ້ອງຖະໜົນສ່ວນໃຫຍ່ແມ່ນ ມາຈາກ ການດື່ມສິ່ງ ມຶນເມົາ ແລະ ລະເມີດກົດລະບຽບຈະລາຈອນສະແດງອອກໃນການລະເມີດບໍ່ມີໃບຂັບຂີ່ຖືກ ຕ້ອງ ເຖິງ 106 ກໍລະນີ ແລະ ຜູ້ຂັບລົດຍັງບໍ່ເຖິງອາຍຸກະສຽນ. ສະນັ້ນບັນຫາດັ່ງກ່າວ ຈຶ່ງຄວນໄດ້ຮີບຮ້ອນແກ້ໄຂ, ຂະນະດຽວກັນກໍເກີດຂຶ້ນຍ້ອນຫຼາຍ ປັດໄຈເຊັ່ນ: ສະພາບ ຫົນທາງ ແລະສິ່ງອຳນວຍຄວາມສະດວກ ໃນການ ຮັບປະກັນຄວາມປອດໄພ ທາງຖະໜົນ ຊຶ່ງ ຖືວ່າຍັງເຮັດໄດ້ ໜ້ອຍ ຄື ເມື່ອບໍ່ດົນມານີ້,ຢູ່ເສັ້ນ ທາງຂົວ ດອນ ແດງ ເມືອງຈັນທະບູລີ ນະຄອນ ຫຼວງວຽງຈັນ ໄດ້ ເກີດອຸປະຕິເຫດ ລົດເກັງ ຕຳກັບ ລົດຈັກ ຊຶ່ງເຮັດໃຫ້ຜູ້ຂັບ ຂີ່ລົດຈັກ ເສຍຊີວິດຄາທີ່ໂດຍເຈົ້າໜ້າທີ່ ຈະລາຈອນ

ນະຄອນຫຼວງວຽງ ຈັນ ເປີດເຜີຍວ່າ: ຈຸດດັ່ງກ່າວ ມັກ ມີອຸປະຕິເຫດເກີດຂຶ້ນ ຢູ່ເປັນປະ ຈຳ ຍ້ອນເປັນເສັ້ນທາງມືດ ປະ ກອບກັບເປັນທາງໂຄ້ງ ແລະ ບໍ່ມີ ຮາວກັ້ນຢູ່ ສອງຟາກຂົວຈຶ່ງ ເຮັດໃຫ້ເກີດອຸປະຕິເຫດໄດ້ງ່າຍ ຊຶ່ງສະພາບດັ່ງກ່າວກໍຂໍໃຫ້ພາກ ສ່ວນກ່ຽວຂ້ອງ ໂດຍສະ ເພາະໂຍທາຕ້ອງໄດ້ແກ້ໄຂ. ແນວໃດກໍດີ, ເຈົ້າໜ້າທີ່ກົມຕຳຫຼວດຈະລາຈອນ ຍັງໃຫ້ທັດສະນະວ່າ:ບັນຫາອຸປະ ຕິເຫດຕາມທ້ອງຖະໜົນ ສ່ວນໃຫຍ່ມັກເກີດຍ້ອນຜູ້ຂັບຂີ່ ລົດບໍ່ມີຄວາມລະມັດລະວັງ, ຂາດສະຕິ ແລະ ບໍ່ເຄົາລົບກົດຈະລາຈອນ ຄື ຂັບລົດໄວ, ດື່ມສິງມຶນເມົາ ແລະ ອື່ນໆ ຊຶ່ງໄດ້ກາຍເປັນປາກົດການຫຍໍ້ທໍ້ ທາງສັງຄົມທີ່ພວກເຮົາຈະຕ້ອງໄດ້ຮີບຮ້ອນ ແກ້ໄຂ.