ການລັກລອບປູກຝິ່ນຢູ່ທາງພາກເຫນືອຂອງລາວມີທ່າອ່ຽງເພີ່ມຂຶ້ນ

       ທ່ານ ກຸ ຈັນສີນາ ຮັກສາການປະ ທານ ຄະນະກຳມະການແຫ່ງຊາດ ເພື່ອກວດກາ ແລະ ຄວບຄຸມຢາ ເສບຕິດ ໄດ້ລາຍງານກ່ຽວກັບການຄວບຄຸມຢາເສບຕິດ ໃນກອງປະຊຸມວຽກ ານກວດກາ ແລະ ຄວບຄຸມຢາ ເສບຕິດປະຈຳປີ 2012 ຈັດຂຶ້ນແຕ່ວັນທີ 11-13 ກຸມພາ 2012 ຢູ່ນະຄອນຫລວງວຽງຈັນ ໂດຍທ່ານໄດ້ໃຫ້ ຮູ້ເຖິງບັນຫາພົ້ນເດັ່ນກ່ຽວກັບ ສະພາບຢາ ເສບຕິດຢູ່ ສປປ ລາວໃນໄລຍະ 1 ປີຜ່ານມາຊຶ່ງໃນນັ້ນ, ການລັກ ລອບປູກຝິ່ນ ແລະ ກັນຊາເຫັນວ່າຍັງມີທ່າອ່ຽງ ເພີ່ມຂຶ້ນປະ ມານ 20 % ທຽບ ໃສ່ປີ 2011.

      ຜູ້ຮັກສາການປະທານ ຄະນະກຳມະການແຫ່ງຊາດ ເພື່ອ ກວດກາ ແລະ ຄວບຄຸມຢາ ເສບຕິດໄດ້ກ່າວ ບາງຕອນວ່າ: ນັບແຕ່ ໄດ້ປະກາດລຶບລ້າງການປູກຝິ່ນ ຢ່າງເປັນທາງການ ແຕ່ປີ 2006 ເປັນຕົ້ນມາການລັກ ລອບ ປູກຝິ່ນຂອງປະຊາຊົນຍັງ ມີໃຫ້ເຫັນຢູ່ຫລາຍທ້ອງຖິ່ນທາງພາກເໜືອຂອງລາວ. ສະພາບການດັ່ງກ່າວ ໄດ້ມີທ່າອ່ຽງເພີ່ມຂຶ້ນປະມານ 20%-30%ໃນແຕ່ລະປີໂດຍ ອີງໃສ່ ການສຳຫລວດຂອງອົງການສະ ຫະປະ ຊາຊາດ ໄດ້ໃຫ້ຮູ້ວ່າ:ໃນປີ 2012 ເນື້ອທີ່ລັກລອບປູກຝິ່ນ ຂອງປະຊາຊົນຄາດຄະເນມີປະ ມານ 5 ພັນກວ່າເ ຮັກຕາໃນນັ້ນປະມານ 1.500 ເຮັກຕາ ແມ່ນປູກຢູ່ແຂວງຜົ້ງສາລີ,1

ພັນເຮັກຕາ ຢູ່ແຂວງຫົວພັນ,750 ເຮັກ ຕາຢູ່ແຂວງຊຽງຂວາງ,700 ເຮັກ ຕາຢູ່ແຂວງອຸດົມໄຊ,ສ່ວນຢູ່ ແຂວງ ຫລວງພະບາງ ແລະ ແຂວງຫລວງນ້ຳ ທານັ້ນແຕ່ລະ ແຂວງມີປະມານ 500ເຮັກຕາ. ນອກຈາກນັ້ນຍັງມີພວກກຸ່ມຄົນບໍ່ດີຈາກຕ່າງປະ ເທດໄດ້ມາສົ່ງເ ສີມໃຫ້ປະຊາຊົນຢູ່ບາງເຂດຫ່າງໄກສອກຫລີກຂອງແຂວງວຽງຈັນ ແລະ ແຂວງບໍລິຄຳໄຊລັກປູກກັນຊາເປັນ ສິນຄ້າເພື່ອຂາຍໃຫ້ແກ່ພວກເຂົາ.

     ໄປຄ່ຽງຄູ່ກັນນັ້ນ, ສະພາບການເສບຢາບ້າ ແລະ ຢາເສບຕິດ ປະເພດຕ່າງໆໄດ້ແຜ່ລາມເຂົ້າ ຖິງທຸກກຸ່ມ ຄົນໃນສັງຄົມ,ກຳມະ ກອນຕາມໂຄງການໃຫຍ່ໆ, ຕາມໂຮງຈັກໂຮງງານ, ຊາວໄຮ່ນາ,ພໍ່ ຄ້າຊາວຂາຍ ແລະ ແມ້ກະທັງພະ ນັກງານຂອງລັດ,ຜູ້ອາວຸໂສບຳ ນານ ແລະ ພະສົງສຳມະເນນຈຳ ນວນໜຶ່ງກໍຕົກເປັນທາດຂອງ ຢາເສບຕິດ,ອີງໃສ່ການເກັບກຳຂໍ້ ມູນແລະການຄາດຄະເນໃນເບື້ອງ ຕົ້ນໄດ້ໃຫ້ຮູ້ວ່າ:ໃນປະຈຸບັນມີຜູ້ທີ່ ຢູ່ໃນ ຄວາມສ່ຽງຕໍ່ການຕິດຢາ ເສບຕິດປະເພດຕ່າງໆປະມານ 55 ພັນຄົນ,ໃນນີ້ປະມານ 80% ແມ່ນ ຕິດຢາບ້າ ແລະ 20%ແມ່ນເສບ ຢາຝິ່ນ, ເຮໂລອິນ, ກັນຊາ ແລະ ສານລະເຫີຍ.ແຕ່ສິ່ງທີ່ໜ້າເປັນຫ່ວງໄປກວ່າ ນັ້ນແມ່ນມີປະຊາຊົນຈຳນວນໜຶ່ງໄດ້ເສບເຮໂຣອິນ ແທນດ້ວຍການສັກເຂົ້າທາງເສັ້ນເລືອດຊຶ່ງວິທີການດັ່ງ ກ່າວຈະມີຄວາມສ່ຽງຕໍ່ການຕິດພະຍາດເອດ ແລະ ພະຍາດຕັບອັກເສບ. ສ່ວນສະພາບການລັກລອບຄ້າຂາຍ ແລະ ລຳລຽງຂົນສົ່ງຢາເສບຕິດນັ້ນ ເຖິງວ່າເຈົ້າໜ້າທີ່ຕຳ ຫລວດສະກັດກັ້ນ ແລະ ຕ້ານຢາ ເສບຕິດ ແລະ ພາກສ່ວນກ່ຽວຂ້ອງໄດ້ພາ ກັນປະຕິບັດໜ້າທີ່ ດ້ວຍຄວາມຮັບຜິດຊອບສູງ, ສ່ຽງໄພອັນຕະລາຍເພື່ອເຄື່ອນ ໄຫວປາບປາມ ປານໃດກໍຕາມ,ແຕ່ ການຄ້າ ຂາຍ ແລະ ລຳລຽງຂົນສົ່ງຢາເສບຕິດຂອງກຸ່ມຄົນຍັງມີໃຫ້ເຫັນ ຢູ່ຕາມທ້ອງຖິ່ນຕ່າງໆ ແລະ ຍັງບໍ່ທັນມີທ່າອ່ຽງທີ່ຈະຫລຸດຜ່ອນລົງ.