ກະຊວງການຕ່າງປະເທດ ຮ່ວມກັບຄະນະກຳມາທິການເສດຖະກິດ-ສັງຄົມ
ອົງການສະຫະປະຊາຊາດ ສປຊ ປະຈຳພາກພື້ນອາຊີ-ປາຊີຟິກ United Nation Economic and
Social commission for Asia and the pacific
(UNESCAP) ໄດ້ຈັດກອງປະຊຸມເຜີຍແຜ່ບົດລາຍງານການສຳຫລວດສະພາບເສດຖະ ກິດ-ສັງຄົມຢູ່ພາກພື້ນອາຊີ-ປາຊີຟິກປະຈຳປີ
2013 ຂຶ້ນໃນວັນທີ 19 ເມສາ 2013 ຢູ່ທີ່ໂຮງແຮມລາວພລາຊາ ນະຄອນຫລວງວຽງຈັນ
ໂດຍການເຂົ້າຮ່ວມຂອງທ່ານ ອາລຸນແກ້ວ ກິດຕິຄຸນ ລັດຖະມົນຕີຊ່ວຍວ່າການກະຊວງການຕ່າງປະເທດ
ພ້ອມດ້ວຍພະ ນັກງານວິຊາການທີ່ກ່ຽວຂ້ອງ ເຂົ້າຮ່ວມ.
ທ່ານ ອາລຸນແກ້ວ ກິດຕິຄຸນ ກ່າວວ່າ: ການເຜີຍແຜ່ຜົນການສຳຫລວດສະພາບລວມຂອງການພັດທະນາເສດຖະກິດ- ສັງຄົມ, ສິ່ງທ້າທາຍ,ທາງເລືອກດ້ານນະໂຍບາຍ ແລະ ຍຸດທະສາດການຮ່ວມມືເພື່ອເຮັດໃຫ້ການ
ພັດທະນາໃນຂົງເຂດທີ່ມີລັກສະນະຕໍ່ເນື່ອງ ແລະ ຍືນຍົງ, ບົດສຳຫລວດສະຖິຕິ-ສັງຄົມດັ່ງກ່າວຖືວ່າເປັນເຄື່ອງມືທີ່ສຳຄັນໃນການປະເມີນສະພາບການພັດທະນາ,
ນະໂຍບາຍເສດຖະກິດມະຫາພາກ ແລະ ການລົງທຶນຢູ່ບັນດາປະເທດໃນພາກພື້ນອາຊີ-ປາຊີຟິກແນໃສ່ສະໜອງຂໍ້
ມູນທີ່ເປັນປະໂຫຍດໃຫ້ແກ່ສະມາຊິກຂອງອົງການ UNESSCAP ເພື່ອກຳນົດນະໂຍບາຍການພັດທະນາປະເທດໃຫ້ສອດ
ຄ່ອງກັບສະພາບການຂອງພາກພື້ນກໍຄືຂອງສາກົນ,ແນໃສ່ສ້າງຄວາມຍືນຍົງດ້ານການພັດທະນາ
ແລະ ການ ຈະເລີນເຕີບໃຫຍ່ທາງເສດຖະກິດຢ່າງຕໍ່ເນື່ອງຂອງບັນດາປະເທດໃນຂົງເຂດ.ບົດສຳຫລວດສະ
ພາບເສດຖະກິດ-ສັງຄົມປະຈຳພາກພື້ນອາ ຊີ-ປາ ຊີຟິກນີ້ແມ່ນຈັດພິມທຸກໆປີເຊິ່ງປີນີ້ໄດ້ຈັດຕັ້ງເຜີຍແຜ່ພ້ອມກັນຢູ່
37 ປະເທດໃນພາກພື້ນເຊິ່ງ ສປປ ລາວກໍເປັນປະເທດໜຶ່ງທີ່ຖືກເລືອກຈາກອົງການ
ສປຊ ເພື່ອຈັດຕັ້ງເຜີຍແຜ່ຮ່ວມກັບອົງການ
UNESSCAP.
No comments:
Post a Comment