ຕະຫລອດໄລຍະ 5 ປີຜ່ານມາ (
2008-2013) ທະນາຄານ ແຫ່ງ ສປປ. ລາວໄດ້ເອົາໃຈໃສ່ຢ່າງຕັ້ງໜ້າ ໃນການຈັດຫາແຫລ່ງທຶນ
ເພື່ອສະໜອງສິນເຊື່ອໃຫ້ຫົວໜ່ວຍການຜະລິດ-ທຸລະກິດ ຢ່າງຕັ້ງໜ້າ ທັງທາງກົງ
ແລະ ທາງອ້ອມ ໂດຍຜ່ານທະນາຄານທຸລະກິດຂອງລັດ ເພື່ອປະກອບ ສ່ວນເຂົ້າໃນວຽກງານສົ່ງເສີມການຜະລິດເປັນສິນຄ້າ
ແລະ ແກ້ໄຂຄວາມທຸກຍາກ ເປັນທຶນຈຳ ນວນທັງໝົດ 2.524 ຕື້ກີບ ດ້ວຍອັດຕາດອກເບ້ຍ
4-7% ຕໍ່ປີ, ໃນນີ້ ສິນເຊື່ອສະໜອງໃຫ້ແກ່ໂຄງການປູກຝັງກວມ 25%, ລ້ຽງສັດກວມ
36%, ເກັບຊື້ຜົນຜະລິດກວມ 12%, ສ້າງໂຮງງານອຸດສະຫະກຳແປຮູບກະສິກຳເປັນສິນຄ້າກວມ
3% ແລະ ອື່ນໆ 24%ທ່ານ ສົມພາວ ໄຟສິດ ຜູ້ວ່າການທະນາ ຄານແຫ່ງ ສປປ.ລາວ ໄດ້ແຈ້ງໃຫ້ຮູ້ເມື່ອບໍ່ດົນມານີ້ວ່າ
ການປະຕິບັດນະໂຍບາຍສົ່ງເສີມການຜະ ລິດເປັນສິນຄ້າ, ແກ້ໄຂຄວາມທຸກຍາກ ແລະ ວຽກງານສາມສ້າງທີ່ພັກ
ແລະ ລັດຖະ ບານໄດ້ວາງອອກໃຫ້ທະນາຄານແຫ່ງ ສປປ ລາວ ໄດ້ປ່ອຍສິນເຊື່ອຕາມນະໂຍບາຍສົ່ງເສີມການຜະລິດດ້ວຍການຖົມຂຸມດອກເບ້ຍຈາກລັດຖະ
ບານ, ທະນາຄານແຫ່ງ ສປປ ລາວໄດ້ເອົາໃຈໃສ່ຫາແຫລ່ງທຶນເພື່ອສະໜອງສິນເຊື່ອດ້ວຍອັດຕາດອກເບ້ຍຕ່ຳ,
ດອກເບ້ຍນະໂຍ ບາຍໃຫ້ແກ່ໂຄງການຜະລິດສິນ ຄ້າທີ່ເປັນບູລິມະສິດປະຕິບັດແຜນງານແກ້ໄຂຄວາມທຸກຍາກ
ແລະ ປະກອບສ່ວນສະໜອງທຶນແກ່ບັນດາບ້ານ ແລະ ເມືອງທົດລອງປະຕິບັດວຽກງານສາມສ້າງ
ດ້ວຍການປະຕິບັດອັດຕາດອກເບ້ຍເງິນກູ້ໄລຍະສັ້ນ 3%, ໄລຍະກາງ 4% ແລະ ໄລຍະຍາວ
5%. ມາຮອດເດືອນມີນາ 2013 ທະນາ ຄານນະໂຍບາຍໄດ້ປ່ອຍສິນເຊື່ອ ຈຳນວນ 1.375
ຕື້ ກີບ ເພື່ອປ່ອຍເຂົ້າໃນວຽກງານແກ້ໄຂຄວາມ ທຸກຍາກ, ຈຸດສຸມ ແລະ ວຽກງານສາມສ້າງ
ໃນນີ້
ສິນເຊື່ອປ່ອຍໃຫ້ 64 ເມືອງເປົ້າໝາຍແກ້ໄຂຄວາມ ທຸກຍາກກວມ 63%, ສິນເຊື່ອໃຫ້
64 ຈຸດສຸມຂອງລັດຖະບານ ແລະ ບັນດາແຂວງກວມ 5%, ສິນເຊື່ອໃຫ້ຈຸດສຸມສາມສ້າງກວມ
5%, ນອກນັ້ນ ເປັນສິນເຊື່ອຊຸກຍູ້ສົ່ງເສີມການຜະລິດຢູ່ນອກເມືອງເປົ້າໝາຍ
ທີ່ຕິດພັນກັບການແກ້ໄຂຄວາມທຸກຍາກກວມ 25% ຈາກການເຄື່ອນໄຫວສະໜອງສິນເຊື່ອຂອງທະແໜງທະນາຄານທີ່ກ່າວມາຂ້າງເທິງໃຫ້ແກ່ຫົວໜ່ວຍການຜະລິດທຸລະກິດ,
ຄົວເຮືອນຜູ້ປະກອບການໄດ້ປະກອບສ່ວນຢ່າງຕັ້ງໜ້າ ເຂົ້າໃນການພັດທະ ນາເສດຖະກິດແຫ່ງຊາດ
ໃຫ້ຈະເລີນເຕີບໂຕຢ່າງຕໍ່ເນື່ອງ, ສາ ມາດບັນລຸຄາດໝາຍ ທີ່ແຜນພັດ ທະນາເສດຖະກິດ-ສັງຄົມແຫ່ງຊາດໄດ້ວາງໄວ້,
ເວົ້າລວມ, ເວົ້າສະເພາະໃນຂົງເຂດຜະລິດສິນຄ້າກໍໄດ້ມີການກໍ່ຮ່າງສ້າງຕົວ
ເກີດຂຶ້ນເປັນຮູບປະທຳໂດຍສະເພາະໂຄງການປູກມັນຕົ້ນ, ສາລີ, ກາເຟ, ໂຄງການລ້ຽງງົວ,
ລ້ຽງໝູ, ລ້ຽງໄກ່, ລ້ຽງປາ ແລະ ໂຮງ ງານປຸງແຕ່ງສິນຄ້າກະສິກຳເຊັ່ນ: ກາເຟ, ໝາກໄມ້ອົບແຫ້ງ
ສາລີຫວານ, ແປ້ງມັນຕົ້ນ ແລະ ອື່ນໆໄດ້ເກີດຂຶ້ນຢ່າງກວ້າງຂວາງ, ຊຶ່ງສາ ມາດສະໜອງສິນຄ້າ
ແລະ ຜະລິດຕະພັນໃຫ້ແກ່ຕະຫລາດ ພາຍໃນ ແລະ ສົ່ງອອກຕ່າງປະເທດຈຳນວນໜຶ່ງ, ສ້າງວຽກເຮັດງານທຳໃຫ້ປະຊາຊົນ
ກໍຄື ສ້າງລາຍໄດ້ໃຫ້ສັງຄົມໃນລະດັບທີ່ແນນອນໃດໜຶ່ງ ສຳລັບຢູ່ເປົ້າໝາຍແກ້ໄຂຄວາມ
ທຸກຍາກກໍເກີດຜົນເປັນຮູບປະທຳຂຶ້ນມາຄື ເຮັດໃຫ້ຄົວເຮືອນຜູ້ທຸກຍາກຈຳນວນ
53.368 ຄອບຄົວ ສາມາດເຂົ້າຫາແຫລ່ງ ທຶນທະນາຄານ, ປະກອບສ່ວນເຮັດໃຫ້ 5.737 ຄອບຄົວ,
1.143 ບ້ານ 10 ເມືອງເປົ້າໝາຍພົ້ນຈາກເມືອງທຸກຍາກ ມີ 38 ໂຄງການຕົວແບບຜະລິດສິນຄ້າ
ແລະ 199 ຄອບຄົວ 71 ບ້ານຕົວແບບໃນການຜະລິດໃນ 24 ຕົວເມືອງທຸກຍາກ, ທ່ານ ສົມພາວ
ໄຟສິດ ຍັງໃຫ້ຮູ້ຄື່ມອີດວ່ານັບແຕ່ປີ 2008-2013 ຂະແໜງທະນາ ຄານໄດ້ປ່ອຍຍອດສິນເຊື່ອໃຫ້ແກ່ສັງຄົມທັງໝົດ
36.013 ຕື້ກີບ, ເທົ່າກັບ 45%, ຂອງ GDP ສະເລ່ຍສິນເຊື່ອເພີ່ມຂຶ້ນແຕ່ລະປີປະ ມານ
43,45% ດ້ວຍອັດຕາດອກເບ້ຍເງິກູ້ສະເລ່ຍ 14% ຕໍ່ປີ ສຳລັບເງິນກີບ ແລະ 9,41%ຕໍ່ປີສຳລັບເງິນຕາຕ່າງປະເທດ,
ເງິນກູ້ເປັນສະກຸນເງິນຕາຕ່າງປະເທດກວມປະມານ 64% ຂອງສິນເຊື່ອທັງໝົດ, ສິນເຊື່ອຂອງທະນາຄານທຸລະກິດ
ສະໜອງໃຫ້່ລະບົບເສດ ຖະກິດ ຕາມອັດຕາດອກເບ້ຍກົນໄກຕະຫລາດສາມາດແຍກຕາມຂະແໜງເສດຖະກິດ
ເຊັ່ນ: ຂະແໜງອຸດສາຫະກຳກວມ 11%, ຂະແໜງກໍ່ສ້າງກວມ 17%, ຂະແໜງກະສິກຳປ່າໄມ້ກວມ
8%, ຂະແໜງການຄ້າກວມ 21%, ຂະແໜງບໍລິການກວມ 15%, ຂະແໜງຫົດຖະກຳກວມ 5%, ຂະແໜງຂົນສົ່ງໄປສະນີກວມ
4%, ຂະແໜງປະກອບວັດຖຸເຕັກນິກກວມ 4% ແລະ ອື່ນໆກວມ 19% ຂອງຍອດສິນເຊື່ອທັງໝົດ,
ສິນເຊື່ອແຍກຕາມຂະໜາດວິສາຫະ ກິດ, ສິນເຊື່ອສະໜອງໃຫ້ວິສາຫະກິດຂະໜາດນ້ອຍກວມ
18%, ວິສາຫະກິດຂະໜາດກາງກວມ 13% ວິສາຫະກິດຂະໜາດໃຫຍ່ 57% ແລະ ສິນເຊື່ອສ່ວນບຸກຄົນ,
ຄົວເຮືອນຜູ້ປະກອບການກວມ 12% .
No comments:
Post a Comment