ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ
VII ໄດ້ໄຂຂຶ້ນຢ່າງເປັນທາງການໃນຕອນເຊົ້າວັນທີ 8-26 ກໍລະ ກົດນີ້ຢູ່ຫໍສະພາແຫ່ງຊາດ
ໃນນະຄອນຫລວງວຽງຈັນ ແລະ ຈະດຳເນີນໄປເປັນເວລາ
18 ມື້ພາຍໃຕ້ການເປັນປະ ທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ
ໂດຍການໃຫ້ກຽດເຂົ້າຮ່ວມຂອງທ່ານ ຈູມມາລີ ໄຊຍະສອນ ປະ ທານປະເທດແຫ່ງ ສປປ ລາວ
ບັນດາການນຳຂັ້ນສູງພັກ-ລັດ, ສະມາຊິກສະພາແຫ່ງຊາດ, ທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນປະຈຳລາວ
ເຂົ້າຮ່ວມເປັນຈຳນວນຫລາຍ.
ປະທານສະພາ ໄດ້ກ່າວສູນທອນພົດໄຂກອງປະຊຸມວ່າ:ກອງປະຊຸມຄັ້ງນີ້ໄດ້ໄຂຂຶ້ນທ່າມ ກາງບັນຍາກາດທີ່ທົ່ວພັກ,
ທົ່ວກອງທັບ ແລະ ທົ່ວປວງຊົນລາວບັນດາເຜົ່າພວມສືບຕໍ່ຈັດຕັ້ງປະຕິ ບັດຜັນຂະຫຍາຍມະຕິ
IX ຂອງພັກດ້ວຍຈິດໃຈບຸກທະ ລຸເຂົ້າສູ່ຊີວິດຕົວຈິງໃນທຸກຂົງເຂດວຽກງານ.ໃນໄລຍະຜ່ານມາເຖິງ
ວ່າສະພາບແວດລ້ອມດ້ານເສດຖະກິດ-ການເງິນຂອງຫລາຍປະເທດໃນພາກພື້ນ ແລະ ໃນໂລກໄດ້ຮັບການຟື້ນຕົວແລ້ວກໍຕາມ,
ແຕ່ຍັງບໍ່ທັນມີຄວາມໝັ້ນທ່ຽງ. ສຳລັບເສດຖະກິດປະເທດເຮົາກໍຍັງຜະເຊີນກັບສິ່ງທ້າທາຍຫລາຍດ້ານເຊິ່ງໄດ້ສົ່ງຜົນກະທົບບໍ່ໜ້ອຍຕໍ່ການພັດທະນາເສດຖະກິດ-ສັງ
ຄົມຂອງປະເທດ,ແຕ່ຈາກການເສີມກຳລັງແຮງສັງລວມຂອງຊາດ ແລະ ຂອງຍຸກສະໄໝ,ພວກເຮົາກໍສາມາດຈັດຕັ້ງປະຕິບັດມະຕິກອງປະ
ຊຸມໃຫຍ່ຄັ້ງທີ IX ຂອງພັກ
ແລະ ແຜນພັດທະນາເສດຖະ ກິດ-ສັງຄົມ 5 ປີ ຄັ້ງທີ VII ໃນໄລຍະເຄິ່ງສະໄໝ
ກໍຄືການຈັດຕັ້ງ ປະຕິບັດແຜນພັດທະນາເສດຖະ ກິດ-ສັງຄົມ ແລະ ແຜນງົບປະ ມານແຫ່ງລັດປະຈຳສົກປີ
2012- 2013ໄດ້ຮັບຜົນສຳເລັດຫລາຍ ດ້ານ ເປັນຕົ້ນປະເທດຊາດສືບຕໍ່ມີສະຖຽນລະພາບທາງການເມືອງຢ່າງໜັກແໜ້ນ,ສັງຄົມມີຄວາມສະຫງົບແລະເປັນລະບຽບຮຽບ
ຮ້ອຍໂດຍພື້ນຖານ,ເສດຖະກິດ- ການເງິນຂະຫຍາຍຕົວຢ່າງຕໍ່ເນື່ອງ,ການຜະລິດເປັນສິນຄ້າຂອງປະຊາຊົນໄດ້ຮັບການເສີມຂະຫຍາຍຢ່າງເປັນຂະບວນ
ກວ້າງຂວາງ,ວັດທະນະທຳ-ສັງ ຄົມກໍຄືການແກ້ໄຂຄວາມທຸກຍາກຂອງປະຊາຊົນ ແລະ ການປະຕິບັດບັນດາຄາດໝາຍສະຫັດສະວັດດ້ານການພັດທະນາໄດ້ມີບາດກ້າວຫັນປ່ຽນຢ່າງຕັ້ງໜ້າ,
ການຈັດຕັ້ງປະ ຕິບັດວຽກງານ 3 ສ້າງ ຢູ່ບັນດາເມືອງ ແລະ ບ້ານຈຸດສຸມໃນທົ່ວປະເທດໄດ້ຮັບຜົນສຳເລັດໃນເບື້ອງຕົ້ນ,
ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການປັບປຸງດີຂຶ້ນເປັນລຳດັບ.
ການຈັດຕັ້ງປະຕິບັດແນວທາງການຕ່າງປະເທດສັນຕິພາບ, ເອກະ ລາດ,ມິດຕະພາບ, ການຮ່ວມມື
ແລະ ການພັດທະນາແບບຍືນຍົງຂອງພັກເຮົາ ກໍໄດ້ຮັບຜົນສຳເລັດໃນຫລາຍດ້ານອັນພົ້ນເດັ່ນແມ່ນປະເທດຂອງພວກເຮົາໄດ້ຮັບລາງວັນເປັນປະເທດຍອດນິຍົມທີ່ໜ້າທ່ອງທ່ຽວທີ່ສຸດໃນໂລກ
ປະຈຳປີ 2013 ຈາກສະພາທ່ອງທ່ຽວ ແລະ ການຄ້າຂອງສະຫະພາບເອີຣົບ.ສິ່ງດັ່ງກ່າວໄດ້ຢັ້ງຢືນເຖິງຄວາມມີສະຖຽນລະພາບທາງການເມືອງ,ເສດຖະ
ກິດ ແລະ ວັດທະນະທຳ- ສັງຄົມ ທັງເປັນການຍົກສູງຖານະບົດ ບາດ ແລະ ອິດທິພົນຂອງ
ສປປ ລາວໃນເວທີພາກພື້ນ ແລະ ສາ ກົນຂຶ້ນຕື່ມອີກກ້າວໜຶ່ງ.
ຄຽງຄູ່ກັບຜົນສຳເລັດທີ່ຍາດ ມາໄດ້ນັ້ນຍັງເຫັນວ່າພື້ນຖານເສດຖະກິດ-ການເງິນຂອງປະເທດຍັງມີລັກສະນະບອບບາງ,
ບໍ່ທັນໜັກແໜ້ນ ແລະສົມສ່ວນເທື່ອ, ການຜະລິດເປັນສິນຄ້າຂອງປະ ຊາຊົນຍັງບໍ່ທັນມີຕະຫລາດຮອງຮັບທີ່ໝັ້ນຄົງ
ແລະ ຍັງບໍ່ທັນຕິດພັນກັບອຸດສາຫະກຳປຸງແຕ່ງແຕ່ຫົວທີ,ລະດັບການພັດທະນາ ແລະ
ລາຍຮັບຂອງປະຊາຊົນຢູ່ໃນເຂດຕົວເມືອງ ແລະ ເຂດຊົນນະບົດຫ່າງໄກສອກຫລີກຍັງມີຄວາມແຕກໂຕນ
ແລະຫ່າງໄກກັນ, ການ ຄຸ້ມຄອງການລົງທຶນຂອງລັດ ແລະ ການປະຕິບັດວິໄນແຜນການ
ແລະ ວິໄນການເງິນ ກໍຄືການຄຸ້ມຄອງລັດ, ຄຸ້ມຄອງເສດ ຖະກິດ-ສັງຄົມດ້ວຍລະບຽບກົດ
ໝາຍບາງດ້ານຍັງບໍ່ທັນເຂັ້ມງວດ, ການຄຸ້ມຄອງ-ນຳໃຊ້ ແລະ ປົກປັກຮັກສາຊັບພະຍາກອນທຳມະຊາດແບບຍືນຍົງຍັງເຮັດບໍ່ທັນດີເທົ່າທີ່ຄວນ,
ການປະສານສົມທົບລະຫວ່າງບັນດາຂະແໜງການໃນການຈັດຕັ້ງປະຕິບັດການພັດທະນາຊົນນະບົດ,
ລຶບລ້າງ ຄວາມ ທຸກຍາກ ແລະ ວຽກງານ 3 ສ້າງ ຍັງບໍ່ທັນຄ່ອງໂຕ ແລະ ກົມກຽວກັນດີເທົ່າທີ່ຄວນ,
ປາກົດການຫຍໍ້ທໍ້ໃນສັງຄົມຍັງເປັນສິ່ງທ້າທາຍຕໍ່ການຄຸ້ມຄອງສັງຄົມກໍຄືຂອງລັດ,
ຄຸ້ມບ້ານ ແລະ ຄອບຄົວ.
ຈາກສະພາບດັ່ງກ່າ ຮຽກ ຮ້ອງໃຫ້ທຸກກະຊວງອົງການ
ແລະ ອຳນາດການປົກຄອງທ້ອງຖິ່ນທຸກຂັ້ນຕະຫລອດເຖິງພົນ ລະເມືອງລາວທຸກຊັ້ນຄົນ
ຈົ່ງໄດ້ເພີ່ມທະວີຄວາມສາມັກຄີເປັນປຶກແຜ່ນ ເພື່ອຜ່ານຜ່າອຸປະສັກຫຍຸ້ງຍາກ
ແລະ ສິ່ງທ້າທາຍ, ມີວິທີການ ແລະ ມາດຕະການແກ້ໄຂຢ່າງເປັນລະບົບຄົບຊຸດເພື່ອຈັດຕັ້ງປະ
ຕິບັດແຜນພັດທະນາເສດຖະກິດ- ສັງຄົມ ແລະ ແຜນງົບປະມານແຫ່ງລັດປະຈຳສົກປີ 2013
ໃຫ້ໄດ້ຮັບຜົນຕາມຄາດໝາຍ ເພື່ອສ້າງບາດກ້າວ ແລະ ທ່ວງທ່າໃໝ່ທີ່ໜັກແໜ້ນໃຫ້ແກ່ການສືບຕໍ່ພັດ
ທະນາປະເທດຊາດໃນຊຸມປີຕໍ່ໄປ. ດັ່ງນັ້ນ ກອງປະຊຸມເທື່ອນີ້ຈະໄດ້ສຸມໃສ່ຄົ້ນຄວ້າພິຈາລະນາບັນຫາສຳຄັນຂອງຊາດຈຳນວນໜຶ່ງ
ຄືຮັບຟັງການລາຍງານຂອງລັດຖະ ບານກ່ຽວກັບການສະຫລຸບກາງສະໄໝຂອງການຈັດຕັ້ງປະ
ຕິບັດແຜນພັດທະນາເສດຖະກິດ-ສັງ ຄົມແຫ່ງຊາດ 5 ປີ ຄັ້ງທີ VII (2011-2015), ພິຈາລະນາ
ແລະ ຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ
6 ເດືອນ ຕົ້ນສົກປີ ແລະ ແຜນວຽກຈຸດສຸມ 6 ເດືອນທ້າຍສົກປີ 2012- 2013 ແລະ ຮ່າງແຜນການສົກປີ
2013-2014, ພິຈາລະນາ ແລະ ຮັບຮອງເອົາບົດລາຍງານການ ຈັດຕັ້ງ ປະຕິບັດແຜນງົບປະມານແຫ່ງລັດ
6 ເດືອນຕົ້ນສົກປີ, ສະເໜີດັດແກ້ແຜນງົບປະມານແຫ່ງລັດ 6 ເດືອນທ້າຍສົກປີ
2012- 2013 ແລະ ຄາດໝາຍແຜນງົບ ປະມານສົກປີ 2013-2014, ຮັບຟັງການລາຍງານຄວາມພ້ອມຂອງ
ສປປ ລາວ ໃນການກະ ກຽມເຂົ້າເປັນສະມາຊິກປະຊາຄົມເສດຖະກິດອາຊຽນ ໃນປີ
2015, ພິຈາລະນາ ແລະ ຮັບຮອງເອົາບົດລາຍງານການເຄື່ອນ ໄຫວວຽກງານປະຈຳສົກປີ2011-
2012 ແລະ ທິດທາງເຄື່ອນໄຫວວຽກງານປະຈຳສົກປີ 2012- 2013, ຜົນການກວດສອບບົດສະ
ຫລຸບຂາດໂຕງົບປະມານແຫ່ງລັດສົກປີ 2010-2011, ພິຈາລະ ນາ ແລະ ຮັບຮອງເອົາບົດລາຍງານການເຄື່ອນໄຫວວຽກງານສົກປີ
2012-2013 ແລະ ທິດທາງວຽກງານສົກປີ 2013-2014 ຂອງສານປະຊາຊົນສູງສຸດ ແລະ ອົງ
ການໄອຍະການປະຊາຊົນສູງສຸດ, ຮັບຟັງ ແລະ ພິຈາລະນາບົດລາຍງານການເຄື່ອນໄຫວວຽກງານກາງສະໄໝຂອງສະພາແຫ່ງຊາດ
ຊຸດທີ VII, ການເຄື່ອນໄຫວວຽກງານສົກປີ 2012-2013 ແລະ ທິດທາງວຽກງານສົກປີ
2013- 2014,ຮັບຟັງການປະກອບຄວາມ ເຫັນຂອງອົງການແນວລາວສ້າງຊາດ ແລະ ຜູ້ຕາງໜ້າອົງການຈັດຕັ້ງມະຫາຊົນຂັ້ນສູນກາງຕໍ່ການເຄື່ອນໄຫວວຽກງານຂອງສະພາແຫ່ງຊາດ,ພິຈາລະນາແລະ
ຮັບຮອງເອົາກົດໝາຍຈຳນວນ 5 ສະບັບ, ໃນນັ້ນ ມີກົດໝາຍສ້າງໃໝ່ 3 ສະບັບ ຄືກົດໝາຍວ່າດ້ວຍວິທະຍາສາດ
ແລະ ເຕັກໂນໂລຊີ, ກົດໝາຍວ່າດ້ວຍການປະກັນສັງຄົມ, ກົດໝາຍວ່າດ້ວຍສະຫະ ພັນແມ່ຍິງລາວ.
ກົດໝາຍປັບປຸງຈຳນວນ 2 ສະບັບ ຄືກົດໝາຍວ່າດ້ວຍອາຫານ, ກົດໝາຍວ່າດ້ວຍການທ່ອງທ່ຽວ
ແລະ ຮັບຟັງການລາຍງານຮ່າງນະໂຍບາຍທີ່ດິນແຫ່ງຊາດ.
ສຳລັບຮ່າງນະໂຍບາຍທີ່ດິນແຫ່ງຊາດ ເປັນນະໂຍບາຍທີ່ສຳຄັນ
ເຊິ່ງພົວພັນຢ່າງຮອບດ້ານ ແລະ ໂດຍກົງເຖິງການພັດ ທະນາເສດຖະກິດ-ສັງຄົມ, ຄວາມໝັ້ນຄົງຂອງຊາດ
ກໍຄືການດຳລົງຊີວິດຂອງປະຊາຊົນ. ສະນັ້ນ, ຄະນະປະຈຳສະພາແຫ່ງຊາດ ໄດ້ຕົກລົງໃຫ້ນຳເຂົ້າທາບທາມຄວາມຄິດເຫັນຂອງຜູ້ແທນໃນກອງປະຊຸມ.ຈາກນັ້ນຈຶ່ງມອບໃຫ້ລັດຖະບານຊີ້ນຳກະຊວງທີ່ກ່ຽວຂ້ອງນຳເອົາຄວາມເຫັນຂອງຜູ້ແທນໄປປັບປຸງ
ແລະ ນຳລົງໄປທາບທາມຄວາມຄິດເຫັນຂອງປະຊາຊົນບັນດາຊັ້ນຄົນ ແລ້ວຈຶ່ງນຳເຂົ້າພິຈາລະນາໃນກອງປະຊຸມສະໄໝສາມັນຂອງສະພາແຫ່ງຊາດໃນຄັ້ງຕໍ່ໄປ.
No comments:
Post a Comment