ທ່ານ ທອງສິງ ທຳມະວົງ ນາຍົກລັດຖະມົນຕີ
ແຫ່ງ ສປປ ລາວ ໄດ້ຂຶ້ນລາຍງານກ່ຽວກັບການຈັດ ຕັ້ງປະຕິບັດແຜນພັດທະນາເສດຖະ ກິດ-ສັງຄົມແຫ່ງຊາດ
5 ປີ ຄັ້ງທີ VII (2011- 2015) ຕໍ່ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ
ຊຸດທີ VII ໃນວັນທີ 8 ກໍ ລະກົດນີ້ວ່າ: ຕະຫລອດໄລຍະສົກປີ 2010- 2011,
2011-2012 ແລະ 2012-2013 ພວກເຮົາສາມາດຍາດໄດ້ຜົນສຳເລັດສຳຄັນຫລາຍດ້ານ ຄືດ້ານເສດຖະກິດແຫ່ງຊາດໄດ້ເຕີບໃຫຍ່ຢ່າງຕໍ່ເນື່ອງ
ແລະ ມີຄວາມໝັ້ນທ່ຽງໂດຍພື້ນຖານ, ລວມຍອດຜະລິດຕະພັນພາຍໃນ (GDP) ສະເລ່ຍ 3 ປີ
ບັນລຸ 8,2% ແລະ ສະເລ່ຍລາຍຮັບປະ ມານ 1.500 ໂດລາສະຫະລັດຕໍ່ຄົນ, ອັດ ຕາເງິນເຟີ້ຢູ່ໃນລະດັບທີ່ຄວບຄຸມໄດ້,
ການລົງທຶນລວມປະຕິບັດໄດ້ 85.147 ຕື້ກີບ ກວມ 67,05% ຂອງແຜນ 5 ປີ, ລາຍຮັບງົບປະມານບັນລຸ
41.832 ຕື້ກີບ ກວມ 19,6% ຂອງ GDP ແລະ ລາຍຈ່າຍປະຕິ ບັດໄດ້ 47.302 ຕື້ກີບ ແລະ ຂາດດຸນງົບປະມານ
2,50% ຂອງ GDP, ການແກ້ໄຂຄວາມທຸກຍາກ ແລະ ຈັດຕັ້ງເປົ້າໝາຍສະ ຫັດສະວັດດ້ານການພັດທະນາແມ່ນດຳເນີນດ້ວຍຄວາມຕັ້ງໜ້າ
ມາຮອດປັດຈຸບັນສາມາດບັນລຸເປັນສ່ວນໃຫຍ່, ແຕ່ຍັງມີພຽງ 2 ເປົ້າໝາຍທີ່ມີຄວາມຫຍຸ້ງຍາກ
ແລະ ທ້າທາຍ ຄືເປົ້າໝາຍທີ 5 ການປັບປຸງສຸຂະພາບຂອງແມ່ຍິງ ເປັນຕົ້ນ ຫລຸດຜ່ອນອັດຕາການຕາຍ
ແລະ ການເຂົ້າເຖິງຕາ ໜ່າງສາທາລະນະສຸກຂອງແມ່ ຍິງ ແລະ ເປົ້າໝາຍທີ 9 ບັນຫາລະເບີດບໍ່ທັນແຕກ,
ສ່ວນການພັດທະນາສັງຄົມ ແລະ ວັດ ທະນະທຳແມ່ນມີການຂະຫຍາຍ ຕົວດີຂຶ້ນເປັນກ້າວໆໂດຍສະເພາະ
ດ້ານການສຶກສາໄດ້ຮັບການຂະ ຫຍາຍຕົວໄປສູ່ເຂດຊົນນະບົດຫ່າງໄກສອກຫລີກ ແລະ
ຄຸນນະ ພາບການສອນ-ການຮຽນໄດ້ຮັບການປັບປຸງດີຂຶ້ນ, ສ່ວນວຽກງານກິລາໄດ້ມີການຂະຫຍາຍຕົວຢ່າງຕັ້ງໜ້າສາມາດເປັນເຈົ້າ
ການຈັດການແຂ່ງຂັນກິລາລະ ດັບພາກພື້ນ ແລະ ສາກົນ, ດ້ານສາທາລະນະສຸກໄດ້ຮັບການຂະ
ຫຍາຍໄປສູ່ເຂດຊົນນະບົດຫ່າງໄກສອກຫລີກ,ຕາ ໜ່າງສາທາລະນະສຸກປົກຄຸມເຖິງ 98% ຂອງທົ່ວປະເທດ,ນະໂຍບາຍເກີດລູກ
ແລະ ປິ່ນປົວເດັກນ້ອຍອາຍຸຕ່ຳກວ່າ 5 ປີແບບບໍ່ເສຍຄ່າກໍຄືການບໍລິ ການກວດ-ປິ່ນປົວສຸຂະພາບໄດ້ຮັບການປັບປຸງດີຂຶ້ນ.ວຽກງານແຮງງານ
ແລະ ສະຫວັດດີການສັງຄົມໄດ້ຮັບການປັບປຸງດີຂຶ້ນເປັນກ້າວໆ,ຜົນປະໂຫຍດຂອງຜູ້ອອກແຮງງານໄດ້ຮັບການປົກປ້ອງຕາມກົດໝາຍນັບມື້ດີຂຶ້ນ,
ການພັດທະນາສີມືແຮງງານໄດ້ຮັບຄວາມເອົາໃຈໃສ່ຈາກທັງຂະແໜງການຂອງລັດ ແລະ
ເອກະຊົນສາມາດຈັດຫາວຽກເຮັດງານທຳໃຫ້ແຮງງານລາວໄດ້ 47,24% ຂອງແຜນການ 5 ປີ
ເຮັດໃຫ້ໂຄງປະກອບຂອງແຮງງານຄ່ອຍໆຫັນໄປຕາມທິດຕັ້ງໜ້າ,ສ່ວນການຄຸ້ມຄອງແຮງງານຕ່າງປະເທດກໍໄດ້ຫັນເຂົ້າລະບຽບກົດໝາຍເຂັ້ມ
ງວດກວ່າເກົ່າ,ດ້ານວັດທະນະ ທຳ,ຖະແຫລງຂ່າວ ແລະ ທ່ອງທ່ຽວໄດ້ຂະຫຍາຍຕົວດ້ວຍບາດກ້າວໄວກວ່າເກົ່າ,
ເດັ່ນກວ່າໝູ່ແມ່ນການສ້າງບ້ານວັດທະນະ ທຳ,ຄອບຄົວວັດທະນະທຳ ແລະ ການສ້າງບ້ານພັດທະນາໄດ້ເປັນຂະບວນກວ້າງຂວາງ,ລະບົບສື່ມວນຊົນໄດ້ຮັບການປັບປຸງໃຫ້ທັນສະໄໝ
ແລະ ຂະຫຍາຍຕົວທັງດ້ານປະລິມານ ແລະ ຄຸນນະພາບ. ສະເພາະສະຖານີວິທະຍຸກະ ຈາຍສຽງສາມາດກະຈາຍສຽງກວມໄດ້
84% ຂອງພື້ນທີ່ທົ່ວປະເທດ,ສະຖານີໂທລະພາບສາ ມາດກະຈາຍພາບກວມໄດ້ 75% ຂອງພື້ນທີ່ທົ່ວປະເທດ.
ວຽກງານທ່ອງທ່ຽວກໍໄດ້ຮັບການພັດທະ ນາຢ່າງຕັ້ງໜ້າ. ປີ 2013 ສປປ ລາວ ໄດ້ຮັບລາງວັນປະເທດທີ່ໜ້າທ່ອງທ່ຽວທີ່ສຸດໃນໂລກ
ຈາກສະພາການ ທ່ອງທ່ຽວ ແລະ ການຄ້າສະຫະພາບເອີຣົບ,ການພັດ ທະນາຂົງເຂດການບໍລິຫານ
ແລະ ຄຸ້ມຄອງລັດໄດ້ຮັບການປັບ ປຸງຢ່າງຕໍ່ເນື່ອງ,ການບໍລິຫານວຽກງານຢູ່ຫລາຍກະຊວງ-ອົງ
ການເປັນລະບົບລະບຽບດີຂຶ້ນ, ການບໍລິການຜ່ານປະຕູດຽວ ແລະ ການນຳໃຊ້ເຕັກໂນໂລຊີສື່
ສານ ແລະ ຂ່າວສານໄດ້ຮັບການສົ່ງເສີມ.ໃນ 2 ສົກປີມານີ້,ລັດຖະ ບານໄດ້ເພີ່ມເງິນເດືອນພື້ນຖານ
ແລະ ເງິນອຸດໜູນໃຫ້ພະນັກງານ- ລັດຖະກອນ ເຊິ່ງສາມາດຊ່ວຍແກ້ໄຂຄວາມຫຍຸ້ງຍາກໃນຊີວິດປະຈຳວັນຂອງເຂົາເຈົ້າດີຂຶ້ນໃນລະດັບໜຶ່ງ,ກ່ຽວກັບການຈັດຕັ້ງ
ປະຕິບັດຍຸດທະສາດການຫັນເປັນອຸດສາຫະກຳ ແລະ ທັນສະໄໝນັ້ນ,ຫລາຍຂະແໜງການ, ຫລາຍທ້ອງຖິ່ນໂດຍສະເພາະໃນວິສາຫະກິດໃຫຍ່ຈຳນວນໜຶ່ງແມ່ນເຮັດໄດ້ດີເປັນຕົ້ນໄດ້ຊຸກຍູ້ສົ່ງເສີມຫົວໜ່ວຍການຜະລິດ,ທຸລະກິດ,
ຜູ້ປະກອບການ ແລະ ເສດຖະກິດຄອບຄົວຂອງປະຊາຊົນໃຫ້ນຳໃຊ້ເຕັກນິກ-ເຕັກໂນໂລຊີການສື່ສານໃໝ່,
ເຄື່ອງກົນຈັກ, ອຸປະກອນທັນສະໄໝເຂົ້າໃນການຜະລິດ ແລະ ການບໍລິການອັນເປັນການຍົກສູງສະມັດຖະພາບແລະຄຸນນະພາບ
ການຜະລິດແລະ ປະສິດທິຜົນຂອງການລົງທຶນໄດ້ຫລາຍກວ່າເກົ່າ.
No comments:
Post a Comment