ປັດຈຸບັນ, ແຂວງຫລວງພະບາງ ພວມເລັ່ງຈັດຕັ້ງປະຕິບັດ
7 ຍຸດທະສາດທີ່ເປັນທ່າແຮງບົ່ມຊ້ອນຊຸກຍູ້ໃຫ້ການພັດນາເສດຖະ ກິດ-ສັງຄົມຂະຫຍາຍຕົວຕາມແຜນທີ່ກຳນົດໄວ້ຄືຮອດປີ
2015 ລວມຍອດຜະລິດຕະພັນພາຍໃນບໍ່ໃຫ້ຫລຸດ 9,5%,ສະເລ່ຍໃສ່ພົນລະເມືອງໃຫ້ໄດ້
1.620 ໂດລາສະຫະລັດຕໍ່ຄົນຕໍ່ປີ.
ທ່ານ ດຣ ຄຳແພງ ໄຊສົມແພງ ເຈົ້າແຂວງໆຫລວງພະບາງໃຫ້ສຳພາດຕໍ່ສື່ມວນຊົນໃນໂອກາດເຂ້ົາຮ່ວມກອງປະຊຸມລັດຖະບານປະຈຳສົກປີ
2012- 2013 ວ່າ: 7 ຍຸດທະສາດພື້ນຖານພັດທະນາເສດຖະກິດ-ສັງຄົມ ຂອງແຂວງຫລວງພະບາງ
ລວມ ມີສ້າງແຂວງໃຫ້ກາຍເປັນແຫລ່ງທ່ອງທ່ຽວວັດທະນະທຳ, ທຳມະຊາດ ແລະ ປະຫວັດສາດທີ່ຈູງໃຈ;
ເປັນທາງຜ່ານ ແລະ ບ່ອນແວ່ເຊົາຂອງແຂກພາຍໃນ ແລະ ຕ່າງປະເທດ; ເປັນຈຸດສຸມການບໍລິການທາງຜ່ານຂອງບັນດາແຂວງພາກເໜືອ;ຈັດສັນອາຊີບກະສິກຳ
ແລະ ປ່າໄມ້ ຕາມທິດຍືນຍົງຕິດພັນກັບການປຸງແຕ່ງເພື່ອຜະລິດເປັນສິນຄ້າຮອງຮັບການທ່ອງ ທ່ຽວ;
ເຮັດໃຫ້ຕົວເມືອງຫລວງພະບາງມີຄວາມສະຫງົບ-ປອດໄພ, ເປັນລະບຽບຮຽບຮ້ອຍ,ສະອາດ
ແລະ ສະດວກສະບາຍ;ມີສະຖາບັນຕ່າງໆທີ່ຈຳເປັນທາງພາກລັດ ແລະ ເອກະຊົນເພື່ອຕອບສະໜອງ
ການພັດທະນາຊັບພະຍາກອນມະໜຸດໃຫ້ມີຄວາມຮູ້,ຄວາມສາມາດ, ມີຄຸນສົມບັດ ແລະ ສຸຂະພາບດີ.
ສຸດທ້າຍແມ່ນເຮັດໃຫ້ຫລວງພະບາງກາຍເປັນເປົ້າ ໝາຍ
ພັດທະນາໂດຍທຶນຊ່ວຍເຫລືອລ້າ,
ທຶນກູ້ຢືມ, ທຶນຫຸ້ນສ່ວນໃນຮູບການສ້າງບັນຍາກາດອັນດີໃຫ້ແກ່ນັກລົງທຶນເພື່ອດຶງດູດເອົາການລົງທຶນຈາກພາຍນອກໃຫ້ນັບມື້ຫລາຍຂຶ້ນ.
ເຈົ້າແຂວງ ຍັງຍົກໃຫ້ ເຫັນຕື່ມວ່າ:ບັນດາຍຸດທະສາດທີ່ກຳນົດໄວ້ນັ້ນແມ່ນເປົ້າໝາຍລວມ,
ແຕ່ການຈັດຕັ້ງປະຕິບັດຕົວຈິງຕ້ອງມີການປັບປຸງເພີ່ມຕື່ມໃນແຕ່ລະປີເພື່ອໃຫ້ແທດເໝາະກັບສະພາບຄວາມເປັນຈິງເປັນຕົ້ນການຫັນປ່ຽນເປັນອຸດສາ
ຫະກຳທີ່ທັນສະໄໝນັ້ນຕ້ອງໄດ້ຄຳນຶງ ແລະ ຖືສຳຄັນການອະນຸລັກວັດທະນະທຳ, ຮີດຄອງປະເພນີ,
ວິຖີການດຳລົງຊີວິດຂອງປະຊາຊົນແຂວງຫລວງພະບາງ,ຄວາມທັນສະໄໝຕ້ອງຄຽງຄູ່ກັນຢ່າງກົມກຽວກັບພື້ນຖານວັດທະນະ
ທຳທີ່ມີແລ້ວ ຈຶ່ງຈະສາມາດດຶງດູດ ແລະ ຍາດແຍ່ງການຊ່ວຍເຫລືອຈາກນັກລົງທຶນປະເທດເພື່ອນມິດໃຫ້ນັບມື້ຫລາຍຂຶ້ນ.
No comments:
Post a Comment