ຜູ້ເຄື່ອນໄຫວຂາຍຢາເສບຕິດຢູ່ເຂດເມືອງສີໂຄດຕະບອງຖືກຈັບຕົວໄດ້ແລ້ວ

           ເມື່ອບໍ່ດົນມານີ້, ເຈົ້າໜ້າທີ່ ສະກັດກັ້ນ ແລະ ຕ້ານຢາເສບຕິດ ໄດ້ຈັບຕົວ ທ້າວ ໄຊສົງຄາມ ອາຍຸ 26 ປີ, ທ້າວ ສີວິ ໄລພອນ ອາຍຸ 24 ປີ, ທ້າວ ແສງດາວ ອາຍຸ 21 ປີ ຢູ່ບ້ານສີໄຄທົ່ງ ແລະ ທ້າວ ວຽງ ພອນ ອາຍຸ 31 ປີ ຢູ່ບ້ານວຽງສະ ຫວັນ ເມືອງສີໂຄດຕະບອງ ນະ ຄອນຫລວງວຽງຈັນ ພາຍຫລັງ ພວກກ່ຽວມີ ພຶດຕິກຳ ເຄື່ອນໄຫວ ຄ້າຂາຍຢາເສບຕິດ (ຢາບ້າ) ໃຫ້ ກັບຊາວໜຸ່ມໃນເຂດເມືອງສີໂຄດ ຕະບອງເປັນເວ ລາດົນສົມຄວນ, ອັນໄດ້ສ້າງຄວາມບໍ່ສະຫງົບ ແລະ ຄວາມບໍ່ເປັນ ລະບຽບ ຮຽບ ຮ້ອຍໃນເຂດດັ່ງກ່າວ ກໍຄືສັງຄົມ ພ້ອມນັ້ນເຈົ້າໜ້າທີ່ສາມາດຍຶດ ຂອງກາງຢາບ້າຈຳນວນ 130 ກວ່າເມັດ, ໂທລະສັບມືຖື 4 ໜ່ວຍ ແລະ ໂນດບຸກ 1 ເຄື່ອງ ທີ່ໃຊ້ເປັນ ອຸປະກອນຕິດຕໍ່ຊື້-ຂາຍຢາເສບຕິດ ຊຶ່ງປັດຈຸບັນ ເຈົ້າໜ້າທີ່ພວມ ສືບສວນ- ສອບສວນ ເພື່ອຂະຫຍາຍ ຜົນຫາຂະບວນການຄ້າຂາຍຢາ ເສບຕິດດັ່ງກ່າວມາລົງໂທດຕາມລະບຽບກົດໝາຍ.