ແລກປ່ຽນບົດຮຽນການພັດທະນາທ່ອງທ່ຽວແບບປະຊາຊົນມີສ່ວນຮ່ວມ

      ການພັດທະນາການທ່ອງ ທ່ຽວ ແບບປະຊາຊົນມີສ່ວນຮ່ວມເປັນຫົວຂໍ້ທີ່ໄດ້ ຮັບຄວາມສົນໃຈ ແລະ ໄດ້ຖືກນ ຳມາແລກປ່ຽນສົນ ທະນາໃນກອງປະຊຸມພົບ ປະແລກ ປ່ຽນບົດຮຽນທີ່ຈັດຂຶ້ນຢູ່ສູນການ ຄ້າລາວ-ໄອເຕັກ ນະ ຄອນຫລວງ ວຽງຈັນ ໃນວັນທີ 1 ພະຈິກນີ້,  ພາຍໃຕ້ການເປັນປະທານຂອງ ທ່ານ ທະວີເພັດ ອູລາ ຮອງຫົວ ຫນ້າ ກົມພັດທະນາການທ່ອງທ່ຽວກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ ໂດຍມີຜູ້ຕາງຫນ້າຈາກກະ ຊວງອ້ອມຂ້າງສູນກາງ, ອົງການ ຈັດຕັ້ງມະຫາຊົນ, ພາກທຸລະກິດ, ຜູ້ປະກອບການທ່ອງທ່ຽວ, ສະມາຄົມຫັດຖະກຳ, ອົງການຈັດຕັ້ງສາກົນ, ແຂວງ ແລະ ບ້ານ ທີ່ມີປະສົບການໃນການພັດທະນາການທ່ອງທ່ຽວເຂົ້າຮ່ວມ.

        ກອງປະຊຸມຄັ້ງນີ້ ຜູ້ເຂົ້າຮ່ວມໄດ້ຮັບຟັງແລກປ່ຽນບົດຮຽນ, ປະສົບການ ແລະ ຜົນສຳເລັດການພັດທະນາຜະລິດຕະ ພັນການທ່ອງທ່ຽວຈາກບັນດາແຂວງ  ແລະ ບ້ານທີ່ໄດ້ຮັບຄັດເລືອກເປັນກໍລະນີສຶກສາໃນການພັດທະນາການທ່ອງທ່ຽວແບບ

ປະຊາຊົນມີສ່ວນຮ່ວມ, ຮັບຟັງບົດຮຽນຈາກພາກທຸລະກິດ ແລະ ອົງການຈັດຕັ້ງສາກົນທີ່ມີປະສົບການໃນການພັດທະນາການ ທ່ອງທ່ຽວແນໃສ່ໂຄສະນາ ແລະ ສົ່ງ ເສີມການທ່ອງທ່ຽວໃຫ້ນັບມື້ນັບ ກວ້າງຂວາງຂຶ້ນກວ່າເກ່ົາໃຫ້ສົມກັບ ກຽດສັກສີທີ່ ສປປ ລາວໄດ້ຮັບການຍ້ອງຍໍເປັນປະເທດທີ່ຫນ້າທ່ອງທ່ຽວ ທີ່ສຸດໃນໂລກປະຈຳປີ 2013 ແລ ະເພື່ອກະກຽມຄວາມພ້ອມໃນການ ເຂົ້າເປັນປະຊາຄົມເສດຖະກິດອາຊຽນໃນປີ 2015.

       ໃນກອງປະຊຸມ, ຜູ້ຕາງຫນ້າຈາກບັນດາແຂວງ, ບ້ານ ແລະ ພາກທຸລະກິດຍັງໄດ້ຂຶ້ນສະເຫນີບົດຮຽນ ແລະ ປະສົບການ ໃນການພັດທະນາການທ່ອງທ່ຽວແບບປະຊາຊົນມີສ່ວນຮ່ວມເປັນຕົ້ນ ແຂວງຊຽງຂວາງ, ບໍລິຄຳ ໄຊ, ຫລວງນ້ຳທາ ແລະ ຄຳ ມ່ວນ ແລະ ບົດຮຽນຈາກພາກທຸລະກິດ ທ່ອງທ່ຽວ. ບົດຮຽນທີ່ນຳມາສະເຫນີລ້ວນແຕ່ຍົກໃຫ້ເຫັນຜົນດີຂອງການພັດທະນາ ການທ່ອງທ່ຽວແບບປະຊາຊົນມີສ່ວນຮ່ວມເພາະເປັນການສົ່ງເສີມໃຫ້ປະຊາຊົນເອົາໃຈໃສ່ໃນການອະນຸລັກປົກປັກຮັກສາຮີດ ຄອງປະເພນີ, ການດຳລົງຊີວິດ, ທຳມະຊາດ, ປະຫວັດສາດ ແລະ ວັດທະນະທຳໃຫ້ມີຄວາມຍືນຍົງເພື່ອໃຫ້ກາຍເປັນສິ່ງດຶງ ດູດນັກທ່ອງທ່ຽວ, ທັງເປັນການສ້າງລາຍຮັບໃຫ້ປະຊາຊົນ ຈາກການບໍລິການການທ່ອງທ່ຽວນັບມື້ຫລາຍຂຶ້ນ ແລະ ຫລຸດພົ້ນ ອອກຈາກຄວາມທຸກຍາກເທື່ອລະກ້າວ.