ໃນໂອກາດນີ້, ທ່ານ ສອນໄຊ ສີພັນດອນເຈົ້າແຂວງໆຈຳປາສັກໄດ້ລາຍງານ ໃຫ້ຊາບກ່ຽວກັບການຈັດຕັ້ງແຜນພັດທະນາ
ເສດຖະກິດ-ສັງຄົມ 3 ເດືອນຕົ້ນສົກປີ 2013-2014 ແລະ ແຜນການງວດ II ສົກປີ 2013-2014 ເຊິ່ງສາມາດເກັບລາຍຮັບ
ໄດ້ 136,68 ຕື້ກີບ ເທົ່າກັບ 62% ຂອງແຜນການ, ມູນຄ່າການສົ່ງອອກໄດ້ 28,9 ລ້ານໂດລາເທົ່າກັບ
20% ຂອງແຜນ
ການປີທຽບໃສ່ໄລຍະດຽວກັນເພີ່ມຂຶ້ນ 58%, ມູນຄ່າການນຳເຂົ້າ 20,8 ລ້ານໂດລາ ເທົ່າກັບ
19% ຂອງແຜນການປີ; ພ້ອມ ນີ້, ກໍໄດ້ລາຍງານຕື່ມກ່ຽວກັບສະພາບການເກັບລາຍຮັບໃນແຕ່ລະຂົງເຂດ
ແລະ ຂໍ້ຄົງຄ້າງ ຈຳນວນໜຶ່ງ.
ຫຼັງຈາກນັ້ນ, ທ່ານຮອງ ນາຍົກລັດຖະມົນຕີກໍໄດ້ໃຫ້ການ
ໂອ້ລົມຕໍ່ຄະນະນຳແຂວງເຊິ່ງທ່ານກໍໄດ້ສະແດງຄວາມຊົມ ເຊີຍຕໍ່ການເກັບລາຍຮັບທີ່ສາມາດເຮັດໄດ້ດີ,
ການຜະລິດກໍຢູ່ໃນທ່ວງທ່າທີ່ດີພ້ອມທັງສະເໜີໃຫ້ຊາບກ່ຽວກັບສະພາບເສດ ຖະກິດໂດຍລວມຂອງຊາດໃນປັດຈຸບັນ
ທີ່ຍັງພົບຄວາມຫຍຸ້ງຍາກຫຼາຍບັນຫາ. ດັ່ງນັ້ນ, ທ່ານນາຍົກລັດຖະມົນຕີຈຶ່ງໄດ້ແຕ່ງ ຕັ້ງຄະນະຕິດຕາມຊຸກຍູ້ການເກັບລາຍຮັບ
ແລະ ຮັບປະກັນສະຖຽນລະ ພາບຂອງເສດຖະກິດມະຫາພາກຂຶ້ນມາ ແລະ ໄດ້ ແຕ່ງຕັ້ງຄະນະສະເພາະເພື່ອຊຸກຍູ້ການເກັບລາຍຮັບປະກອບດ້ວຍ
7 ໜ່ວຍງານ ຄື: ໜ່ວຍງານຕິດຕາມຊຸກຍູ້ການເກັບລາຍ ຮັບຈາກຂະແໜງພາສີ, ສ່ວຍສາອາກອນ, ການຄ້າ,
ທີ່ດິນ ແລະ ຊັບສິນຂອງລັດ, ໜ່ວຍງານຕິດຕາມກວດກາໄມ້ ແລະ ຊຸກ ຍູ້ການເກັບລາຍຮັບຈາກການຄ້າໄມ້,
ໜ່ວຍງານກວດກາຈຳນວນພົນຂອງພົນລະເຮືອນ ແລະ ໜ່ວຍງານກວດກາຈຳນວນພົນ ໃນສອງກຳລັງປະກອບອາວຸດ.
ພ້ອມນີ້, ທ່ານຮອງນາຍົກຍັງໄດ້ ເນັ້ນຕື່ມທາງດ້ານນິຕິກຳຖ້າເຫັນວ່າມີອັນທີ່ບໍ່ສອດຄ່ອງກໍ
ສາມາດສະເໜີເພື່ອປັບປຸງແກ້ໄຂເພື່ອເປັນພື້ນຖານໃຫ້ແກ່ການຈັດຕັ້ງປະຕິບັດການເກັບລາຍຮັບງົບປະມານຢ່າງມີປະສິດທິຜົນ
ຢ່າງແທ້ຈິງຊຶ່ງຈະໄດ້ມີການ ກວດຄືນຊ່ອງວ່າງທີ່ພາໃຫ້ມີການເກັບລາຍຮັບບໍ່ໄດ້, ບັນດາຂໍ້ຄົງຄ້າງ,
ບາງບັນຫາທີ່ຈະຕ້ອງເອົາ ໃຈໃສ່ເພື່ອພ້ອມກັນແກ້ໄຂເປັນຕົ້ນການຄຸ້ມຄອງຖານລາຍຮັບ, ການບໍ່ຖືບັນຊີຂອງພາກເອກະຊົນ,
ການຄຸ້ມຄອງທີ່ດິນ, ດ້ານ ການປະສານສົມທົບກັນຢ່າງສະໜິດແໜ້ນຂອງພາກສ່ວນທີ່ກ່ຽວຂ້ອງ, ການຄຸ້ມຄອງລາຍຮັບຈາກການຂຸດຄົ້ນໄມ້ໂດຍນຳໃຊ້
ມາດຕະການທີ່ເຂັ້ມງວດ ແລະ ເປັນເອກະພາບສ້າງໃຫ້ໄດ້ແບບຢ່າງຂອງການຈັດຕັ້ງປະຕິບັດ; ທ່ານຮອງນາຍົກຍັງໄດ້ຢ້ຳຕື່ມ
ໃນການເພີ່ມທະວີການນຳພາ-ຊີ້ນຳຂອງຄະນະພັກ ແລະ ພະແນກການແຂວງຕໍ່ການຊຸກຍູ້ການເກັບລາຍຮັບເຂົ້າງົບປະມານປະ
ກອບສ່ວນເຂົ້າໃນການຮັບປະກັນສະຖຽນລະພາບຂອງເສດຖະກິດມະຫາພາກ.
No comments:
Post a Comment