ປີຜ່ານມາ,
ໄຟຟ້ານ້ຳເທີນ 2 ໄດ້ດຳເນີນການຜະລິດຢ່າງເປັນປົກກະຕິ ສາມາດຜະລິດ ແລະ ຂາຍໄຟຟ້າໃຫ້ປະເທດໄທ
(E GAT) ໄດ້ 5.896 ກິກາວັດໂມງ (GWh) ເປັນເງິນຈຳນວນ 242 ລ້ານກວ່າໂດລາສະຫະລັດ
ແລະ ຂາຍໃຫ້ໄຟຟ້າລາວ 378 ກິກາວັດໂມງ ມູນຄ່າ 15 ລ້ານກວ່າໂດລາສະຫະລັດ ເຊິ່ງສູງກວ່າໂຕເລກ
ລາຍຮັບໃນປີ
2012 ປະມານ 4,39% ແລະ ລັດຖະບານກໍໄດ້ຮັບເງິນຄ່າພາກຫລວງໃນໂຄງການດັ່ງກ່າວເຖິງ
12 ລ້ານກວ່າໂດລາສະຫະລັດ ແລະ ອີງຕາມແຜນຄາດຄະເນແລ້ວ ຕະຫລອດໄລຍະສຳປະທານ 25 ປີ ລັດຖະບານຈະມີລາຍຮັບທັງໝົດຈາກໂຄງການປະມານ 1.953 ລ້ານໂດລາສະ ຫະລັດ.
ບໍລິສັດ NTPC ໄດ້ເອົາໃຈໃສ່ຕໍ່ຊີວິດການເປັນຢູ່ຂອງປະຊາຊົນໃນ
5 ບ້ານທີ່ໄດ້ຮັບຜົນກະທົບຈາກໂຄງການ ໂດຍໄດ້ມີການພັດທະນາແບບແຜນການດຳລົງຊີວິດໃນແຕ່ລະຄອບຄົວ
ຈົນເຮັດໃຫ້ເຂົາເຈົ້າຫລຸດພົ້ນອອກຈາກຄວາມທຸກຍາກໄດ້ຕາມນະໂຍບາຍຂອງພັກ ແລະ
ລັດຖະບານ ເຊິ່ງສະແດງໃຫ້ເຫັນ ຄືເມື່ອທ້າຍປີ 2013 ຜ່ານມາ ເມືອງນາກາຍໄດ້ປະກາດເປັນເມືອງຫລຸດພົ້ນ
ອອກຈາກຄວາມທຸກຍາກຢ່າງເປັນທາງການ ພາຍຫລັງທີ່ໄດ້ປະກາດໃຫ້ 5 ບ້ານຍົກຍ້າຍຈັດສັນຂອງໂຄງການໄຟຟ້ານ້ຳເທີນ
2 ເປັນບ້ານພັດທະນາໃນທ້າຍປີ 2012. ປັດຈຸບັນ ພະນັກງານທີ່ເຮັດວຽກໃນໂຄງການມີທັງໝົດ
358 ຄົນ, ໃນນັ້ນ ຄົນລາວ 311 ຄົນ. ນອກຈາກຜົນສຳເລັດຂອງໂຄງການ ແລະ ການປະກອບ
ສ່ວນໃນການພັດທະນາເສດຖະ ກິດຂອງຊາດແລ້ວ, ໃນປີ 2012 ຜ່ານມາ ໃນກອງປະຊຸມບັນດາຂາຮຸ້ນປະຈຳປີ
ໄດ້ຕົກລົງໃຫ້ບໍ ລິສັດ NTPC ດຳເນີນການສຳຫລວດ ແລະ ເຮັດບົດສຶກສາຄວາມເປັນໄປໄດ້ເບື້ອງຕົ້ນໂຄງ
ການໄຟຟ້ານ້ຳເທີນ 2 ພາກຂະ ຫຍາຍ ໂດຍຜົນສຳຫລວດເບື້ອງ ຕົ້ນແມ່ນມີຜົນດີຫລາຍ
ເນື່ອງຈາກມູນຄ່າການກໍ່ສ້າງບໍ່ສູງ, ຜົນກະທົບໃນດ້ານສິ່ງແວດລ້ອມ ແລະ ສັງຄົມມີໜ້ອຍທີ່ສຸດ
ແລະ ອີກດ້ານໜຶ່ງ EGAT ກໍມີຄວາມສົນໃຈທີ່ຈະຊື້ໄຟຟ້າຈາກໂຄງ ການ ໂດຍນຳໃຊ້ສາຍສົ່ງໄຟຟ້າເດີມທີ່ມີຢູ່ແລ້ວ
ແລະ ໃນໄລຍະຜ່ານມາ, ບັນດາຂາຮຸ້ນໄດ້ປະ ກອບເງິນຕາມສັດສ່ວນຖືຮຸ້ນຂອງຕົນແລ້ວຈຳນວນ
268 ລ້ານກວ່າໂດລາສະຫະລັດ ເຂົ້າໃນວຽກງານດັ່ງກ່າວ ແລະ ມາຮອດປັດຈຸບັນ ບໍລິສັດພວມດຳເນີນການດ້ານເອກະສານ
ແລະ ກະ ກຽມເຊັນບັນທຶກຄວາມເຂົ້າໃຈ (MOU) ກັບກະຊວງແຜນການ ແລະ ການລົງທຶນ ເພື່ອດຳເນີນການສຶກສາຄວາມເປັນໄປໄດ້ຢ່າງເຕັມຮູບແບບ.
ນອກ ຈາກນີ້ ຍັງມີແຜນກໍ່ສ້າງຝາຍນ້ຳລົ້ນໃສ່ອ່າງດັດສົມທ້າຍໂຮງຈັກ ເພື່ອຊ່ວຍລະບາຍນ້ຳອອກຈາກອ່າງໃນຊ່ວງລະດູຝົນທີ່ມີປະລິມານນ້ຳຫລາຍຄືດັ່ງເຄີຍເກີດຂຶ້ນໃນປີ
2011 ຜ່ານມາ.
No comments:
Post a Comment