ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດແຂວງສະຫວັນນະເຂດ
ລາຍງານໃຫ້ຮູ້ວ່າ: ໃນເວລາ 2 ໂມງເຊົ້າ ຂອງວັນທີ 19 ກຸມພາຜ່ານມານີ້, ປກສ
ຂອງ ຕົນໄດ້ນຳກຳລັງສະກັດລົດກະບະວີໂກ້ສີປອນທອງບໍ່ມີປ້າຍທະບຽນ ຢູ່ເສັ້ນທາງເລກ
13 ໃຕ້ ເຂດດ່ານເຊບັ້ງຫຽງ ແຂວງສະຫວັນນະເຂດ ແລະ ກວດຄົ້ນລົດຕ້ອງສົງໄສດັ່ງກ່າວພົບຢາບ້າເຊື່ອງໄວ້ໃນກັບດ້ານໜ້າລົດ
ແລະ ອີກຈຸດໜຶ່ງແມ່ນຢູ່ເບາະດ້ານຫລັງທັງໝົດ 15 ມັດ ເທົ່າກັບ 30 ພັນເມັດ ກັບເງິນ
1 ລ້ານກີບ, 90 ພັນບາດ (ສະກຸນເງິນໄທ) ແລະ ໂທລະສັບ 5 ໜ່ວຍ. ຈາກນັ້ນ ກໍໄດ້ກັກຕົວຜູ້ຕ້ອງຫາ
2 ຄົນ ຄືທ້າວ ປ່ອງ ອາຍຸ 22 ປີ ຢູ່ບ້ານໜອງຜັກໃໝ່ ແລະ ທ້າວ ໄຜ່ ອາຍຸ 46 ປີ ປະຊາຊົນບ້ານກຸດຕະບູນ
ເມືອງສຸຂະມາ ແຂວງຈຳປາສັກ. ຜ່ານການຂະຫຍາຍຜົນຂອງເຈົ້າໜ້າທີ່ຜູ້ຕ້ອງຫາທັງສອງຈຶ່ງໄດ້ຊັກທອດເຖິງຜູ້ຮ່ວມຂະບວນການທີ່ເອົາຢາບ້າມາໃຫ້
ຄືນາງ ຕຸ້ຍ ອາຍຸ 48 ປີ ຢູ່ບ້ານໜອງແດງ ເມືອງ
ສອງຄອນ ແຂວງສະຫວັນນະເຂດ ຈຶ່ງໄດ້ນຳກຳລັງເຂົ້າຈັບກຸມຕົວມາດຳເນີນຄະດີຕາມລະບຽບກົດໝາຍ.
ເຈົ້າໜ້າທີ່ເປີດເຜີຍວ່າ: ຜ່ານມາກໍໄດ້ຕິດຕາມຂະບວນການຂົນສົ່ງຢາເສບຕິດນີ້ມາດົນແລ້ວ,
ແຕ່ບໍ່ມີຫລັກຖານພຽງພໍໃນການຈັບກຸ່ມພວກກ່ຽວ ແລະ ການຈັບກຸມຕົວໄດ້ຄັ້ງນີ້ກໍແມ່ນມີພົນລະເມືອງດີແຈ້ງໃຫ້ຊາບວ່າຈະມີການຂົນສົ່ງຢາເສບຕິດເປັນຈຳນວນຫລາຍຄືດັ່ງກ່າວ.
No comments:
Post a Comment