ການຖີ້ມຂີ້ເຫຍື້ອຊະຊາຍ, ແມ່ນສາເຫດຕົ້ນຕໍ່ຂອງຄວາມບໍ່ສະອາດຈົບງາມໃນຕົວເມືອງ
ແລະ ກໍໃຫ້ເກີດມົນລະພິດທາງ ສິ່ງແວດລ້ອມອັນບໍ່ດີຕໍ່ສັງຄົມ,ເຊິ່ງໄລຍະຜ່ານມາ,
ການແກ້ໄຂບັນຫາຖີ້ມຂີ້ເຫຍື້ອຊະຊາຍ ເຖິງວ່າຈະມີການກຳນົດລະບຽບ, ຈັດຕັ້ງຫົວໜ່ວຍບໍລິການເກັບຂີ້ເຫຍື້ອຕາມຊຸມຊົນ
ແລະ ປຸກລະ ດົມໃຫ້ທຸກພາກສ່ວນໃນສັງຄົມປົກປັກຮັກສາຄວາມສະອາດຕາມເຮືອນຊານບ້ານຊ່ອງ,
ຊຸມຊົນ ແລະ ສຳນັກງານອົງການຕ່າງໆລວມທັງເປັນເຈົ້າການເພີ່ມທະວີໃນການຕິດຕາມສອດສ່ອງບັນດາພຶດຕິກຳອັນບໍ່ດີຕ່າງໆທີ່ກໍໃຫ້ເກີດຄວາມບໍ່ເປັນລະບຽບຈົບງາມຂອງສັງຄົມ,
ແຕ່ກໍເຫັນວ່າ ສະພາບການຖີ້ມຂີ້ເຫຍື້ອຊະຊາຍຕາມຕົວເມືອງນັ້ນຍັງມີໃຫ້ເຫັນຫລາຍຢູ່ຕາມແຄມທາງ
ຫລື ຄອງລະບາຍນ້ຳຕ່າງໆ ໂດຍສະເພາະເມື່ອບໍ່ດົນ ມານີ້, ໄດ້ມີການລວງຄອງນ້ຳຢູ່ເຂດບ້ານໂພນສະອາດ,
ເມືອງໄຊເສດຖາ, ນະຄອນຫລວງວຽງຈັນ ປະກົດວ່າສິ່ງເສດເຫລືອທີ່ເອົາຂຶ້ນມາຈາກຄອງ
ນ້ຳແມ່ນເຕັມໄປດ້ວຍເສດຖົງຢາງຕ່າງໆ
ທີ່ຖືກຖີ້ມລົງເທື່ອລະໜ້ອຍ ແລະ ເກີດ ການສະສົມເປັນກອງອຸດຕັນຄອງນ້ຳເຮັດໃຫ້ເກີດມີນ້ຳອັງຂັງ
ມີກິ່ນເໝັ່ນ ແລະ ກາຍເປັນແຫລ່ງເພາະພັນຂອງຍຸງລາຍ, ອັນເປັນ ພາຫະນະຕົ້ນຕໍ່ຂອງການນຳເຊື້ອ
ພະຍາດໄຂ້ເລືອດອອກມາສູ່ຄົນ ເຮົາ, ສະນັ້ນ ເພື່ອປະຕິບັດນະໂຍບາຍ 6 ສ ຂອງນະຄອນ ຫລວງວຽງຈັນ,
ໂດຍສະເພາະ ສ ສະອາດ ໃຫ້ປະກົດຜົນເປັນຈິງນັ້ນ ທຸກພາກສ່ວນໃນສັງຄົມຕ້ອງເອົາໃຈໃສ່
ແລະ ໃຫ້ຄວາມສຳ ຄັນໃນການຮັກສາຄວາມສະ ອາດຕາມເຮືອນຊານ, ຊຸມຊົນຂອງຕົນ, ໂດຍສະເພາະແມ່ນບໍ່ຄວນຖິ້ມຂີ້ເຫຍື້ອຊະ
ຊາຍເດັດຂາດ.
ມີໂຕເລກສະຖິຕິບໍ່??
ReplyDelete