ຫລາຍແຂວງສຳເລັດການດຳເນີນກອງປະຊຸມໃຫຍ່ອົງຄະນະພັກຂັ້ນເມືອງ

   ສະຫາຍ ບຸນຍັງ ວໍລະຈິດ ຜູ້ປະຈຳການເລຂາທິການສູນກາງພັກ, ຮອງປະທານປະເທດ ໄດ້ໃຫ້ກຽດເປັນປະທານກອງປະ ຊຸມສະຫລຸບຜົນການດຳເນີນກອງປະຊຸມໃຫຍ່ຂັ້ນເມືອງ ແລະ ແນະນຳການກະກຽມດຳເນີນກອງປະຊຸມໃຫຍ່ອົງຄະນະພັກ ແຂວງ, ນະຄອນຫລວງ ແລະ ກະຊວງ-ອົງການເຊິ່ງຈັດຂຶ້ນ ໃນວັນທີ 26 ພະຈິກນີ້, ຢູ່ສະໂມສອນຄະນະຈັດຕັ້ງສູນກາງ ພັກ. ເຊິ່ງສະຫາຍໄດ້ຍົກໃຫ້ເຫັນ ວ່າ: ນັບແຕ່ເດືອນກຸມພາ 2014 ເປັນຕົ້ນມາການກະກຽມ ແລະ ຈັດຕັ້ງກອງປະຊຸມໃຫຍ່ອົງຄະ ນະພັກເມືອງມີຫລາຍແຂວງເຫັນວ່າມີຜົນສຳເລັດເປັນສ່ວນຫລາຍ ເຊິ່ງມາຮອດປັດຈຸບັນຍັງມີບາງແຂວງທີ່ຍັງບໍ່ທັນສຳ ເລັດ ແຕ່ກໍຍັງເຫລືອພຽງແຂວງລະ 1-2 ເມືອງເທົ່ານັ້ນ. ຢ່າງໃດກໍຕາມ ຂະບວນການດຳເນີນກອງປະ ຊຸມໃຫຍ່ຂັ້ນເມືອງຍັງມີ ຈຸດຄົງຄ້າງຫລາຍປະການບໍ່ທັນຕອບສະໜອງກັບການເລັ່ງທວງຕາມຄວາມຮຽກຮ້ອງຕ້ອງການຂອງໜ້າທີ່ການເມືອງຂອງພັກໃນໄລຍະໃໝ່.    

     ສະຫາຍ ບຸນຍັງ ວໍລະຈິດ ກ່າວວ່າ: ຄຽງຄູ່ກັບຜົນສຳເລັດ ແລະ ຂໍ້ຄົງຄ້າງດັ່ງກ່າວ, ກອງປະຊຸມຄັ້ງນີ້ຈະພ້ອມກັນຄົ້ນຄວ້າ ທົບທວນຄືນການປະຕິບັດບັນດາບາດກ້າວ ແລະ ຂັ້ນຕອນການ ກະກຽມດຳເນີນກອງປະຊຸມໃຫຍ່ຂັ້ນເມືອງ ແລະ ທິດທາງ ໃນການກະກຽມຈັດຕັ້ງດຳເນີນ ກອງປະຊຸມໃຫຍ່ຂັ້ນແຂວງ, ນະ ຄອນຫລວງ, ກະຊວງ-ອົງການ ໃນຕໍ່ໜ້າ. ທັງນີ້, ກໍເພື່ອ

ເປັນການກວດກາ, ຕີລາຄາການປະຕິບັດ ຄຳສັ່ງເລກທີ 7 ຂອງຄະນະເລ ຂາທິການສູນກາງພັກ, ຄຳສັ່ງ ແນະນຳເພີ່ມເຕີມເລກ ທີ 6 ຂອງຄະນະເລຂາທິການສູນກາງພັກ ແລະ ບົດແນະນຳຂອງພາກສ່ວນທີ່ກ່ຽວຂ້ອງຂັ້ນສູນກາງ ກ່ຽວກັບການກະກຽມຈັດ ຕັ້ງດຳເນີນກອງປະຊຸມໃຫຍ່ກະຊວງ- ອົງການ ແລະ ທ້ອງຖິ່ນໃນທົ່ວ ປະເທດເປັນຕົ້ນແມ່ນການປະຕິບັດບັນດາບາດກ້າວ, ຂັ້ນຕອນ ການກະກຽມດ້ານຕ່າງໆນັບທັງດ້ານຂະບວນການເນື້ອໃນ, ດ້ານຊີວິດການເມືອງ ແລະ ດ້ານບຸກຄະລາກອນຕະ ຫລອດເຖິງ ການປະຕິບັດລະບຽບວາລະ ການດຳເນີນກອງປະຊຸມໃຫຍ່ ຂັ້ນເມືອງໃນໄລຍະຜ່ານມາ, ຕ້ອງຄົ້ນຄວ້າຊອກໃຫ້ ເຫັນດ້ານຕັ້ງໜ້າ, ດ້ານອ່ອນ, ຂໍ້ຄົງຄ້າງ ແລະ ຊອກໃຫ້ເຫັນສາເຫດທີ່ພາໃຫ້ມີຜົນສຳເລັດເພື່ອເສີມຂະຫຍາຍແລະສາເຫດ ທີ່ພາໃຫ້ມີຈຸດ ອ່ອນ, ຄົງຄ້າງເພື່ອຖອດຖອນບົດຮຽນແນໃສ່ເຮັດໃຫ້ການກະກຽມຈັດຕັ້ງດຳເນີນກອງປະຊຸມໃຫຍ່ອົງ ຄະນະ ພັກແຂວງ, ນະຄອນຫລວງ, ກະຊວງ-ອົງການໃຫ້ມີປະສິດທິຜົນສູງ.       

          ກອງປະຊຸມໄດ້ຮັບຟັງບົດ ຮຽນການກະກຽມກອງປະຊຸມ ໃຫຍ່ຢ່າງລະອຽດຈາກພາກ ສ່ວນກ່ຽວຂ້ອງເປັນຕົ້ນແມ່ນ ການກະກຽມເນື້ອໃນລາຍງານ ການເມືອງ, ແຜນພັດທະນາ ເສດຖະກິດ-ສັງຄົມຂອງແຂວງ, ນະຄອນຫລວງ ແລະ ແຜນພັດ ທະນາຂະແໜງການ, ການດຳ ເນີນຊີວິດການເມືອງ, ການກະ ກຽມບຸກຄະລາກອນ ແລະ ວຽກງານອື່ນໆທີ່ຮັບໃຊ້ໃຫ້ແກ່ ກອງປະຊຸມໃຫຍ່. ພ້ອມນີ້ໄດ້ຮັບຟັງການແນະນຳຂອງພາກສ່ວນ ກ່ຽວຂ້ອງຂັ້ນສູນກາງໃນການ ກະກຽມວຽກງານແຕ່ລະດ້ານ ຂອງກອງປະຊຸມໃຫຍ່. ຈາກນັ້ນ ໄດ້ຮັບຟັງການອະທິບາຍແນະ ນຳຂອງກະຊວງການເງິນກ່ຽວກັບງົບປະມານຮັບໃຊ້ກອງປະ ຊຸມໃຫຍ່ຂັ້ນແຂວງ, ນະຄອນຫລວງ. ເພື່ອບັນລຸຕາມຈຸດປະສົງລະດັບຄາດໝາຍດັ່ງກ່າວສະຫາຍຜູ້ປະຈຳການຮຽກຮ້ອງໃຫ້ ບັນດາຜູ້ແທນກອງປະຊຸມຈົ່ງຍົກສູງຄວາມຮັບຜິດຊອບຂອງຕົນ ໃນການຄົ້ນຄວ້າ, ປະກອບຄຳ ເຫັນໃຫ້ເລິກເຊິ່ງ, ກ້າຕຳນິຕິ ຕຽນການເຮັດທີ່ບໍ່ຖືກຕ້ອງຜ່ານມາ, ພ້ອມທັງຊອກຫາວິທີການ ແກ້ໄຂໃນຕໍ່ໜ້າຢ່າງຖືກຕ້ອງ; ເອົາໃຈໃສ່ແລກປ່ຽນຄຳຄິດຄຳ ເຫັນ ແລະ ຖອດຖອນໄດ້ບົດຮຽນພຶດຕິກຳຢູ່ທ້ອງຖິ່ນ ແລະ ຂະແໜງການຕົນແນໃສ່ເຮັດໃຫ້ກອງປະຊຸມສະ ຫລຸບຜົນການ ດຳເນີນກອງປະຊຸມໃຫຍ່ຂັ້ນເມືອງ ຄັ້ງນີ້ມີບັນຍາກາດຟົດຟື້ນ, ມີເນື້ອໃນເລິກເຊິ່ງ ແລະ ມີບົດຮຽນທີ່ອຸດົມສົມບູນ.