ໃນຕອນຄ່ຳ ວັນທີ 3 ທັນວານີ້, ທ່ານເອກອັກຄະຮາຊະທູດຍີ່ ປຸ່ນປະຈຳລາວ ທ່ານ ຮິໂຣະຢູກິ ຄິຊິໂນະ ໄດ້ຈັດງານລ້ຽງສະເຫຼີມສະຫຼອງວັນຄ້າຍວັນປະສູດຂອງພະເຈົ້າຈັກກະພັດຍີ່ປຸ່ນ
ອາກິຮິໂຕະ ຄົບຮອບ 81 ພັນສາ ( 23 ທັນວາ 1933 - 23 ທັນວາ 2014) ແລະ ວັນຊາດຍີ່ປຸ່ນ
ພ້ອມເປີດສັນຍະລັກ ແລະ ຄຳຂັວນຂອງການສະເຫຼີມສະຫຼອງນັ້ນ, ສ້າງ ຕັ້ງສາຍພົວພັນທາງການທູດ
ລາວ-ຍີ່ປຸ່ນ ຄົບຮອບ 60 ປີ ( 5 ມີ ນາ 1955 -
5 ມີນາ 2015) ຂຶ້ນຢູ່ໂຮງແຮມລາວພລາຊາ
ນະຄອນ ຫຼວງວຽງຈັນ, ໃຫ້ກຽດເຂົ້າຮ່ວມຂອງ ທ່ານ
ທອງລຸນ ສີສຸ ລິດ ຮອງນາຍົກລັດຖະມົນຕີ,
ລັດຖະມົນຕີວ່າການກະຊວງການຕ່າງປະເທດ ແລະ ພະນັກ ງານຂັ້ນສູງຈາກກະຊວງ
ແລະ ຂະແໜງການຕ່າງໆຂອງລາວ ພ້ອມດ້ວຍທູຕານຸທູດ
ແລະ ຜູ້ ຕາງໜ້າອົງການຈັດຕັ້ງສາກົນປະຈຳລາວເຂົ້າຮ່ວມ.
ທ່ານ ຮິໂຣະຢູກິ ຄິຊິໂນະ ໄດ້ມີຄຳເຫັນໃນພິທີ
ແລະ ຍົກໃຫ້ເຫັນຄວາມໝາຍຄວາມສຳຄັນຂອງສາຍພົວພັນມິດຕະ ພາບ ແລະ ການຮ່ວມມືລະຫວ່າງ
ຍີ່ ປຸ່ນ ແລະ ລາວທີ່ມີມາແຕ່ດົນນານນັບມື້ນັບຍິ່ງໃຫຍ່ແຂງແຮງ, ທາງດ້ານທຸລະກິດກໍມີ
ການຂະ
ຫຍາຍຕົວ, ຈຳນວນບໍລິສັດຍີ່ປຸ່ນທີ່ເຂົ້າມາລົງທຶນໃນລາວມີຈຳ ນວນເພີ່ມຂຶ້ນສອງເທົ່າທຽບໃສ່ສອງປີຜ່ານມາ,
ສ່ວນ ຫຼາຍແມ່ນເນັ້ນໃສ່ການຜະລິດເພື່ອສົ່ງອອກ, ແລະ ປະກອບສ່ວນສະ ໜັບສະໜູນເສດຖະກິດທ້ອງຖິ່ນໂດຍຜ່ານການຈ້າງງານ
ແລະ ສ້າງຂີດຄວາມສາມາດຂອງກໍາລັງແຮງງານລາວໄດ້ຢ່າງຕໍ່ເນື່ອງ, ນອກຈາກນີ້,
ຍີ່ປຸ່ນຍັງໄດ້ສືບຕໍ່ສະໜັບສະໜູນ ປະເທດລາວໃນການພັດທະນາເສດຖະ ກິດ-ສັງຄົມພາຍໃຕ້ໂຄງການຊ່ວຍເຫຼືອຕ່າງໆເຊັ່ນວ່າ:
ພື້ນ ຖານໂຄງລ່າງ, ການສຶກສາ, ສາ ທາລະນະສຸກ ແລະ ອື່ນໆ ແລະ ປີ 2015 ທີ່ຈະມາເຖິງນີ້ແມ່ນ
ຄົບ ຮອບ 60 ປີ ຂອງການສ້າງຕັ້ງ ສາຍພົວພັນການທູດລະຫວ່າງ ລາວ-ຍີ່ປຸ່ນ, ໃນໂອກາດນີ້,
ທ່ານ ຮອງນາຍົກລັດທະມົນຕີ ແລະ ທ່ານ ເອກອັກຄະຣາຊະທູດຍີ່ປຸ່ນກໍໄດ້ເປີດປ້າຍສັນຍາລັກ
ແລະ ຄຳຂັວນໃຫ້ແກ່ການສະເຫຼີມສະ ຫຼອງວັນສຳຄັນດັ່ງກ່າວ ຄົບ ຮອບ 60 ປີ, ໂດຍສັນຍາລັກດັ່ງ
ກ່າວຈະມີຮູບຊ້າງສະແດງໃຫ້ເຫັນເຖິງຄວາມເປັນປະເທດລາວ ແລະ ເປັນຮູບຮ່າງເລກຫົກ, ດອກຊາກຸຣະເຊິ່ງເປັນດອກໄມ້ສັນຍາລັກຂອງປະເທດຍີ່ປຸ່ນ
ແລະ ເປັນຮູບຮ່າງເລກສູນ, ການລວມຕົວກັນຂອງທັງສອງສິ່ງຈະເປັນເລກ 60 ນີ້ເປັນບາດກ້າວອັນສຳຄັນເພື່ອໄປສູ່ຄວາມສຳພັນທີ່ໃກ້ຊິດຍິ່ງໆຂຶ້ນ
ແຫ່ງການພົວພັນການຮ່ວມມືລະຫວ່າງລາວ-ຍີ່ ປຸ່ນ. 
No comments:
Post a Comment