ຕຳຫລວດລາວສົ່ງຜູ້ຕ້ອງຫາ ສໍ້ໂກງຊັບໃຫ້ຕຳຫລວດຈີນ

    ເມື່ອທ້າຍອາທິດຜ່ານມານີ້, ທ່ານພັນໂທ ຄຳແກ້ວ ມະໂນລາ ຫົວໜ້າກົມຕຳ ຫລວດສືບສວນ- ສອບສວນຂອງລາວ ແລະ ທ່ານ ພັນໂທ ຕ້າຍໂປ ຮອງພະ ແນກສືບ ສວນ-ສອບສວນກົມຕຳຫລວດ ເສດຖະກິດແຫ່ງ ສປ ຈີນ, ໄດ້ ຮ່ວມກັນລົງນາມສົ່ງ ມອບທ້າວ ເສີຊາງຟູ ອາຍຸ 45 ປີສັນຊາດຈີນ ຢູ່ບ້ານໂລພິງ ປານຊືຊູ້ ເມືອງ ໂລຕີຊື ແຂວງຫູນານ ໃຫ້ເຈົ້າ ໜ້າທີ່ຕຳຫລວດ ຈີນ ເອົາຕົວໄປ ດຳເນີນຄະດີຕາມລະບຽບກົດ ໝາຍຂອງ ສປ ຈີນ ໃນຂໍ້ຫາສໍ້ໂກງຊັບພົນລະເມືອງ. ໂດຍທ້າວ ເສີຊາງຟູ ໄດ້ກະທຳ ຄວາມຜິດຢູ່ ສປຈີນ ດ້ວຍການໄປກູ້ຢືມເງິນ ນຳທະ ນາຄານອຸດສະຫະກຳ ແລະ ການຄ້າຈີນຈຳນວນ 2 ລ້ານໂດລາສະຫະລັດ, ຈາກນັ້ນ, ໄດ້ມາລີ້ຊ້ອນຕົວຢູ່ລາວໂດຍ ຜ່ານສະໜາມບິນສາກົນວັດໄຕ ແລະ ພັກເຊົາຢູ່ເຂດບ້ານປາກ ທ້າງ ເມືອງສີໂຄດຕະບອງ ນະຄອນຫລວງວຽງຈັນເມື່ອເດືອນພຶດສະພາ 2014 ແລະ ເຈົ້າໜ້າທີ່ ຕຳຫລວດຈີນໄດ້ປະສານກັບຕຳຫລວດລາວ ຊ່ວຍ ຈັບຕົວຜູ້ກ່ຽວ ໄດ້ໃນວັນທີ 26 ພະຈິກ 2014 ແລະ ສົ່ງມອບໃຫ້ເຈົ້າໜ້າທີ່ຕຳ ຫລວດຈີນເອົາຕົວໄປດຳເນີນຄະດີຕໍ່ໄປ.

    ຂ່າວໃຫ້ຮູ້ອີກວ່າ: ຕົ້ນອາທິດ ຜ່ານມາ, ສານປະຊາຊົນນະ ຄອນຫລວງວຽງຈັນ, ກໍໄດ້ຕັດ ສີນລົງໂທດແກ໋ງຄ້າຂາຍ ແລະ ມົ້ວສຸມຢາເສບຕິດປະກອບມີ: ທ້າວ ວາດສະໜາ(ເກີ) ອາຍຸ 28 ປີຢູ່ບ້ານຫົວຂົວ  ເມືອງນາຊາຍ ທອງ, ທ້າວ ນວນຕາ ອາຍຸ 40 ປີ ບ້ານນາຊາຍເໜືອ ແລະ ທ້າວ ອອຍ ອາຍຸ 20 ປີ, ຈຳຄຸກເປັນ ເວລາ 5 ປີ, ພ້ອມປັບໃໝຜູ້ລະ 10 ລ້ານກີບ. ໂດຍພວກກ່ຽວຖືກ ເຈົ້າໜ້າທີ່ຈັບຕົວມາດຳເນີນຄະດີເມື່ອກາງປີນີ້, ພ້ອມຂອງກາງຢາ ບ້າຈຳນວນໜຶ່ງ.ສ່ວນທ້າວ ນວນຕາ ແລະ ທ້າວ ອອຍ ເຄີຍ ຕ້ອງໂທດມາແລ້ວໜຶ່ງຄັ້ງຍ້ອນ ຄ້າຂາຍ ແລະ ເສບຢາເສບຕິດ, ແຕ່ບໍ່ມີຄວາມເຂັດຫລາບ ແລະ ກັບ ມາພົວພັນກັບສິ່ງເສບຕິດຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີດັ່ງກ່າວ.