ການສຶກສາກ່ອນໄວຮຽນມີຕົວເລກດີຂຶ້ນຫລາຍ

     ກະຊວງສຶກສາທິການ ແລະ ກິລາໄດ້ດຳເນີນການປະເມີນຜົນກາງສະໄໝຂອງການຈັດຕັ້ງປະຕິບັດແຜນພັດທະນາການ ສຶກສາ ແລະ ກິລາ 5 ປີ, ຊຶ່ງເຫັນວ່າ ວຽກງານສຶກສາ ແລະ ກິລາ ໄດ້ ຮັບການປັບປຸງ ແລະ ພັດທະນາ ດີຂຶ້ນເທື່ອລະກ້າວ, ໂດຍສະເພາະ ວຽກງານການສຶກສາກ່ອນໄວ ຮຽນແມ່ນໄດ້ຮັບການພັດທະນາດີຂຶ້ນເປັນຕົ້ນຈຳນວນນັກຮຽນ, ຈຳນວນຫ້ອງ ຮຽນ ແລະ ຄູສອນ ໃນແຕ່ລະຊັ້ນ, ແຕ່ລະສາຍທັງ ພາກລັດ ແລະ ເອກະຊົນໄດ້ເພີ່ມ ຂຶ້ນເຊັ່ນ: ອັດຕາການເຂົ້າຮຽນ ຂອງ ເດັກ 3-5 ປີ ໄດ້ເພີ່ມຈາກ 33% ໃນສົກປີ 2012 - 2013 ເປັນ 39%  ໃນປີ 2013-2014, ອັດຕາ ເຂົ້າຮຽນໃໝ່ສຸດທິ ປ.1 ໄດ້ເພີ່ມ ຂຶ້ນ ຈາກ 93,4% ເປັນ 96,3%, ອັດຕາເຂົ້າຮຽນສຸດທິຊັ້ນປະຖົມ ໄດ້ເພີ້ມຂຶ້ນຈາກ 96,8% ເປັນ 98%, ອັດຕາເຂົ້າຮຽນລວມຊັ້ນ ມັດທະຍົມຕົ້ນ ໄດ້ເພີ່ມຂຶ້ນຈາກ 69% ເປັນ 74,4%, ອັດຕາເຂົ້າ ຮຽນລວມຊັ້ນມັດທະຍົມຕອນ ປາຍ ເພີ່ມຈາກ 37,3% ເປັນ 41,3% ໃນປີ 2013-2014. ນອກ ຈາກນັ້ນ ວຽກງານການລົບ ລ້າງຄວາມບໍ່ຮູ້ໜັງສື, ການບຳ ລຸງຍົກລະດັບການສຶກສາ ແລະ ຝຶກອົບຮົມວິ ຊາຊີບຂັ້ນພື້ນຖານ ກໍໄດ້ຮັບການເອົາໃຈໃສ່ຈາກ ພາກສ່ວນທີ່ກ່ຽວ ຂ້ອງ. ປັດຈຸ ບັນນີ້ ມີ 144 ເມືອງ ແລະ 10 ແຂວງປະກາດ ຈົບຊັ້ນປະຖົມບຳລຸງແລ້ວ ແລະ ມີ 13 ເມືອງ ທີ່ສາມາດປະ ກາດຈົບຊັ້ນມັດທະຍົມຕອນຕົ້ນລະບົບບຳລຸງເຖິງແມ່ນວ່າອັດຕາ ການເຂົ້າຮຽນ ຂອງເດັກໃນເກນອາຍຸ 3-5 ປີ ສະ

ເລ່ຍໃນທົ່ວປະເທດໄດ້ບັນລຸຕາມ ຄາດໝາຍແລ້ວກໍຕາມ, ແຕ່ຍັງມີຫລາຍ ແຂວງທີ່ຍັງບໍ່ທັນສາ ມາດຂະຫຍາຍໂຮງຮຽນ ອະນຸ ບານໄປສູ່ຊຸມຊົນໄດ້ດັ່ງນັ້ນຈຶ່ງ ເຮັດໃຫ້ອັດຕາການເຂົ້າຮຽນ ຂອງເດັກໃນ ເກນອາຍຸຍັງຢູ່ໃນລະດັບຕ່ຳ ເຊັ່ນ: ແຂວງ ສາລະ ວັນ, ຈຳປາສັກ, ອັດຕະປື, ເຊກອງ, ຄຳມ່ວນ, ຜົ້ງສາລີ ແລະ ອຸດົມໄຊ. ດັ່ງນັ້ນ ບັນດາແຂວງ ດັ່ງກ່າວນີ້ຈະຕ້ອງ ໄດ້ເອົາໃຈໃສ່ຄົ້ນຄວ້າຫາສາເຫດທີ່ເປັນອຸປະສັກຕໍ່ກັບການຂະຫຍາຍໂອກາດສຶກສາກ່ອນ ໄວຮຽນເພື່ອເພີ່ມການເຂົ້າຮຽນ ໃຫ້ຫລາຍຂຶ້ນໃນຊຸມປີຕໍ່ໜ້າ.

     ແນວໃດກໍຕາມຄຽງຄູ່ກັບ ຜົນສຳເລັດທີ່ກ່າວມານັ້ນ ຍັງມີ ບາງບັນຫາທີ່ຈະຕ້ອງໄດ້ເອົາໃຈໃສ່ແກ້ໄຂໃນສົກ ປີຕໍ່ໄປເປັນ ຕົ້ນຫ້ອງກຽມປະຖົມບາງແຫ່ງແມ່ນນຳໃຊ້ຄູປະຖົມສອນຫ້ອງກຽມປະຖົມອັນເນື່ອງມາຈາກຄູບໍ່ໄດ້ຮັບການຝຶກອົບຮົມ ວິທີການ ສອນເດັກພ້ອມດຽວກັນນີ້ການ ສ້າງຄູອະນຸບານເຖິງວ່າມີຈຳ ນວນຫລາຍ ແລະ ພຽງພໍແຕ່ ຄວາມສາມາດໃນ ການບັນຈຸຄູ ແລະ ຫ້ອງຮຽນເພື່ອຮອງຮັບກໍ ຍັງຈຳກັດ.