ຮວາງ​ແອ​ງຢາ​ລາຍ ນັກ​ລົງທຶນ​ແຖວ​ໜ້າບົນ​ຜືນ​ແຜ່ນດິນ​ລາວ​ລ້ານ​ຊ້າງ

     ທ່າມກາງບັນຍາກາດການພົວພັນຮ່ວມມືຢ່າງມີປະສິດທິຜົນຂອງສອງປະເທດ ລາວ-ຫວຽດ ນາມ ນັບມື້ກ້າວເຂົ້າສູ່ລວງເລິກ ແລະ ປາກົດຜົນເປັນຈິງຫລາຍຂຶ້ນ ເຊິ່ງໜຶ່ງໃນນັ້ນກໍແມ່ນການປະກອບສ່ວນຢ່າງຕັ້ງໜ້າຂອງບັນດານັກທຸລະກິດ ຫວຽດນາມ ທີ່ພວມລົງທຶນເຂົ້າໃນຂົງເຂດວຽກງານຕ່າງໆຢູ່ລາວຢ່າງມີປະສິດທິຜົນ ແລະ ອາດເວົ້າໄດ້ ວ່າ: ຄຽງຄູ່ກັນນັ້ນກໍແມ່ນບໍລິສັດ ຮວາງ ແອງຢາລາຍກຣຸບ ເຊິ່ງ ເປັນບໍລິສັດແຖວໜ້າໃນຂະບວນການລົງທຶນດັ່ງກ່າວ ແລະ ໄດ້ຮັບການຕີລາຄາສູງ ຈາກພັກ, ລັດຖະບານ ແລະ ອຳນາດການປົກຄອງທ້ອງຖິ່ນຕໍ່ຮູບແບບ ແລະ ປະສິດທິພາບຂອງການລົງທຶນຂອງຮວາງແອງຢາ ລາຍບົນຜືນແຜ່ນດິນ ລາວລ້ານຊ້າງ.

      ອຳນາດການປົກຄອງແຂວງ ໃຫ້ຮູ້ວ່າ: ອັດຕະປືແມ່ນແຂວງໜຶ່ງທີ່ອຸດົມສົມບູນໄປດ້ວຍມູນເຊື້ອປະຕິວັດ, ແຕ່ສະພາບເ ສດຖະກິດຍັງມີຄວາມຫຍຸ້ງຍາກຫລາຍຢ່າງ ແລະ ແຂວງກໍໄດ້ ຮຽກຮ້ອງໃຫ້ມີການລົງທຶນ ເພື່ອຊ່ວຍພັດທະນາເສດຖະ ກິດ-ສັງຄົມ ຂອງທ້ອງຖິ່ນ ແລະ ກໍມີຫລາຍຫົວໜ່ວຍທຸລະກິດເຂົ້າມາສຳຫລວດ, ແຕ່ແລ້ວກໍປະໄປ ໂດຍອ້າງວ່າເປັນເຂດດິ

ນແຂງກະແດ້ງ, ດິນບໍ່ດີ ແລະ ບໍ່ສາມາດນຳໃຊ້ເຂົ້າໃນການຜະລິດໄດ້. ໃນຂະນະນັ້ນ ກໍມີພຽງບໍລິສັດຮວາງແອງຢາລາຍເທົ່າ ນັ້ນ ທີ່ສາມາດຢືນຄົງ ຕົວຢູ່ໄດ້ຍ້ອນເຂົາເຈົ້າມີເຕັກນິກສູງໃນການ ປັບປຸງດິນ ແລະ ຮູ້ຊອກຫາທ່າ ແຮງເພື່ອລົງທຶນ. ຫລັງຈາກ 5 ປີ ຜ່ານມາຄວາມຫຍຸ້ງ ຍາກ ແລະ ອຸປະສັກຕ່າງໆນັ້ນ ບໍລິສັດສາມາດບັງຄັບບັນຊາເຂດດິນອັນຮ້ອນແຮງຂອງແຂວງອັດຕະ ປືດັ່ງຫລາຍຄົນໃຫ້ສັນຍານາມ ວ່າ: “ເຂດອ່າງໝໍ້ຂາງໄຟ” ແລະ ສາມາດປຸກນາງທິດາອັດຕະປືໃຫ້ຕື່ນຈາກການນອນຫລັບມາ ຫລາຍປີ, ຕໍ່ປີກໃຫ້ອັດຕະປື ກາຍເປັນເຂດດິນທີ່ອຸດົມສົມບູນ ແລະ ຂຽວສົດງົດງາມຕະຫລອດປີຢູ່ໃນດິນແດນໃຕ້ສຸດຂອງ ປະເທດ.

      ມື້ນັ້ນທ່ານ ຟານແທງຖູ້ (Phan Thanh Thu) ອຳນວຍ ການບໍລິສັດຮຸ້ນສ່ວນຮວາງ  ແອງ-ອັດຕະປື ແລະ ກໍແມ່ນຜູ້ ບໍລິຫານທັງໝົດຂອງບັນດາໂຄງ ການລົງທຶນຂອງຮວາງແອງຢາລາຍຢູ່ 4 ແຂວງພາກໃຕ້ລາວ ໄດ້ ນຳຄະນະນັກຂ່າວພວກເຮົາ ຢ້ຽມ ຢາມພື້ນຖານການຜະລິດ ຂອງບໍລິສັດ. ທ່ານໃຫ້ຮູ້ວ່າ: ຖ້າ ເວົ້າເຖິງການລົງທຶນຂອງບໍລິ ສັດຮວາງແອງຢາລາຍກຣຸບຢູ່ ລາວກໍມີ ຫລາຍຂົງເຂດ, ແຕ່ຕົ້ນຕໍແມ່ນສຸມໃສ່ປູກຕົ້ນຢາງພາລາ, ປູກອ້ອຍ-ຜະລິດນ້ຳຕານ, ປູກຕົ້ນປາມ ແລະ ລ້ຽງສັດ, ເວົ້າລວມແມ່ນ ຂົງເຂດກະສິກຳ. ມາຮອດປັດຈຸບັນສຳລັບເນື້ອທີ່ປູກຕົ້ນຢາງພາລາບັນລຸໄດ້ແລ້ວ 25.000 ເຮັກຕາ, ໃນນັ້ນ ມີ 4.000 ເຮັກຕາ ສາມາດກີດຢາງໄດ້ແລ້ວ, ສ່ວນສວນອ້ອຍມີ 6.000 ເຮັກ ຕາ, ຕົ້ນປາມ 3.000 ເຮັກຕາ ແລະ ຄາດ ວ່າຈະລ້ຽງງົວພັນຊີ້ນ (ແນວ ພັນງົວອົດສະຕຣາລີ) ໃຫ້ໄດ້ 100.000 ໂຕ ໃນປີ 2015- 2016, ປັດຈຸບັນບັນລຸແລ້ວ 5.000 ໂຕ. ພ້ອມນັ້ນ ກໍໄດ້ສຸມໃສ່ປູກສາ ລີແຂງ ເພື່ອຜະລິດຫົວອາຫານສັດໄດ້ທັງ 2 ລະດູ ໃນເນື້ອທີ່ 2.000 ເຮັກຕາ ແລະ ປູກຫຍ້າລ້ຽງສັດນຳອີກເກືອບ 2.000 ເຮັກຕາ.

     ສິ່ງທີ່ພາກພູມໃຈທີ່ສຸດສຳ ລັບໂຄງການລົງທຶນຂອງບໍລິສັດ ຮວາງແອງຢາລາຍແມ່ນການຮູ້ ນຳໃຊ້ວິທະຍາສາດເຕັກນິກອັນ ທັນ ສະໄໝ ແລະ ມີສະມັດຖະ ພາບສູງເຂົ້າໃນການຜະລິດ ຄື ເຕັກນິກຫົດນ້ຳຂອງອິດສະລາ ແອນ, ຕາມປົກກະຕິແລ້ວຕົ້ນ ຢາງພາລາ ເມື່ອຮອດຍາມແລ້ງແມ່ນຈະຫລົ່ນໃບ ແລະ ບໍ່ສາມາດໃຫ້ຢາງໄດ້, ແຕ່ກົງກັນຂ້າມຕົ້ນຢາງພາລາຂອງບໍລິສັດ ຮວາງແອງຢາລາຍພັດ ໃຫ້ຄວາມຂຽວສົດຕະຫລອດປີ ແລະ ໃຫ້ຢາງເປັນປົກກະຕິ ຍ້ອນ ນຳໃຊ້ການຫົດນ້ຳຕາມເຕັກນິກ ຂອງອິດສະລາແອນ ແລະ ການ ປູກຕົ້ນປາມກໍເຊັ່ນກັນ ກໍດ້ວຍ ເຕັກນິກດັ່ງກ່າວ ພຽງ 2 ປີກໍສາມາດໃຫ້ໝາກໄດ້ຢ່າງ ດົກໜາ.

      ໄປຄຽງຄູ່ກັບຜົນສຳເລັດທີ່ ໜ້າສັນລະເສີນດັ່ງກ່າວ, ໃນ 5 ປີ ຜ່ານມາ ບໍລິສັດໄດ້ປະກອບສ່ວນ ຊ່ວຍເຫລືອສັງຄົມລາວ ແລ້ວເກືອບ 30 ລ້ານໂດລາສະຫະລັດ ເພື່ອສະແດງເຖິງນ້ຳໃຈເອື້ອເພື້ອເພື່ອແຜ່ຂອງບໍລິສັດທີ່ມີຕໍ່ປະຊາຊົນລາວເວົ້າລວມ, ເວົ້າສະເພາະ ກໍແມ່ນປະຊາຊົນໃນເຂດໂຄງການຂອງບໍລິສັດ, ໃນໂອກາດນັກຂ່າວພວກເຮົາພົບປະໂອ້ລົມກັບປະຊາຊົນບ້ານ ຈັດສັນຫາດ ສານ ເມືອງໄຊເສດຖາ ແຂວງອັດຕະປື ເຊິ່ງເປັນໜຶ່ງໃນບ້ານຈັດສັນຂອງໂຄງການຮວາງແອງຢາລາຍ ໃຫ້ຮູ້ວ່າ: ເຂົາເຈົ້າ ມີຄວາມພາກພູມ ໃຈຫລາຍເມື່ອໄດ້ເຂົ້າມາເຮັດວຽກຢູ່ໃນໂຄງການແຫ່ງນີ້ ເນື່ອງຈາກວ່ານອກຈາກຈະມີລາຍຮັບເປັນ ປົກກະຕິ ແຕ່ 2,5-3 ລ້ານກີບ ຕໍ່ເດືອນແລ້ວເຂົາເຈົ້າຍັງໄດ້ຮັບນະໂຍບາຍ ດ້ານສະຫວັດດີການ-ສັງຄົມ ອື່ນໆອີກເຊັ່ນ: ມີເຮືອນຢູ່, ມີໂຮງ ຮຽນໃຫ້ລູກໄດ້ເຂົ້າໂຮງ ຮຽນໂດຍບໍ່ເສຍຄ່າ, ເມື່ອເຈັບເປັນກໍໄດ້ຮັບການເບິ່ງແຍງຊ່ວຍເຫລືອ ຢ່າງຈິງໃຈ ຈາກບໍລິສັດ, ໄຮ່ນາຮົ້ວສວນຂອງຄອບຄົວກໍຍັງ ຮັກສາໄວ້ໄດ້ຄືເກົ່າ ແລະ ສາມາດຜະລິດເປັນປົກກະຕິ, ເຂົາເຈົ້າເວົ້າວ່າ: ໂຄງການຮວາງແອງຢາລາຍໃນທີ່ນີ້ໄດ້ຊ່ວຍພັດທະນາ ເຂດ ຊົນນະບົດຫ່າງໄກສອກ ຫລີກ ແລະ ທຸກຍາກຂາດເຂີນ ແຫ່ງນີ້ ນັບມື້ມີການປ່ຽນແປງດີຂຶ້ນ ເຊິ່ງສະແດງອອກໃຫ້ເຫັນ ເມື່ອປີ 2010 ປະຊາຊົນຜູ້ໜຶ່ງໃນ ເຂດໂຄງການມີລາຍຮັບພຽງ 600 ໂດລາສະຫະລັດຕໍ່ປີ, ມາຮອດປີ 2013 ເພີ່ມເປັນ 1.300 ໂດ ລາ ແລະ ຄາດວ່າຮອດປີ 2015 ຈະບັນລຸໄດ້ 1.600 ໂດລາ ສະຫະລັດ.

     ດັ່ງສຸພາສິດບູຮານເວົ້າວ່າ: ສິບປາກເວົ້າບໍ່ທໍ່ຕາເຫັນ, ສິ່ງໃດທີ່ບໍລິສັດຮວາງແອງຢາລາຍ ເຮັດໄດ້ໃນເຂດພາກໃຕ້ລາວ ມັນ ເປັນ ໜ້າສັນລະເສີນອີ່ຫລີອັນໄດ້ປະກອບສ່ວນສຳຄັນເຂົ້າໃນການເພີ່ມພູນຄູນສ້າງມູນເຊື້ອສາມັກຄີແບບພິເສດ ແລະ ການ ຮ່ວມມື ຮອບດ້ານລະຫວ່າງສອງປະເທດລາວ-ຫວຽດນາມ ນັບມື້ແຕກດອກອອກຜົນງອກງາມຍິ່ງໆຂຶ້ນ.