ອາເມລິກາຢືນຢັນສືບຕໍ່ໃຫ້ການຊ່ວຍເຫລືອລາວໃນໂອກາດເປີດສະຖານທູດຫລັງໃໝ່

     ເພື່ອເປັນສະຖານທີ່ດຳເນີນ ວຽກງານໃນ ສປປ ລາວ ໃຫ້ສະດວກສະບາຍ ຍິ່ງຂຶ້ນບໍ່ວ່າຈະເປັນການຮັດແໜ້ນສາຍພົວພັນມິດຕະພາບລະຫວ່າງລາວ- ອາເມ ລິກາ, ພ້ອມທັງເປັນການເສີມສ້າງຜົນ ປະໂຫຍດອັນໃຫຍ່ຫລວງໃຫ້ແກ່ສອງຊາດ, ເຊິ່ງພິທີດັ່ງ ກ່າວໄດ້ຈັດຂຶ້ນໃນຕອນເຊົ້າວັນທີ 5 ທັນ ວານີ້, ຢູ່ສະຖານທູດຫລັງໃໝ່ ທີ່ເມືອງຫາດຊາຍຟອງນະຄອນຫລວງວຽງຈັນ, ໂດຍການ ເຂົ້າຮ່ວມຂອງທ່ານນາງ ດຣ. ສູນ ທອນ ໄຊຍະຈັກ ລັດຖະມົນຕີຊ່ວຍວ່າການກະຊວງການຕ່າງ ປະເທດ ແຫ່ງ ສປປ ລາວ, ທ່ານ ແພັດທິກ ແຄນນິດີ ລັດຖະມົນຕີຊ່ວຍວ່າການກະຊວງການຕ່າງປະເທດແຫ່ງສະຫະລັດອາເມລິກາ, ພ້ອມດ້ວຍຜູ້ຕາງໜ້າລັດຖະ ບານລາວ, ທູຕານຸທູດປະ​ເທດ​ຕ່າງໆປະຈຳ ສປປ ລາວ ເຂົ້າຮ່ວມເປັນຈຳນວນຫລາຍ.

     ທ່ານ ເດນຽວ ເອ ຄລູນ ເອກອັກຄະລັດຖະທູດສະຫະລັດອາເມລິກາ ປະຈຳລາວ ກ່າວ ວ່າ: ໃນທຸກໆປີສະຫະລັດອາ ເມລິກາ ໄດ້ປະກອບສ່ວນທຶນ ຮອນເກືອບ 45 ລ້ານ ໂດລາສະ ຫະລັດເຂົ້າໃນການຊ່ວຍເຫລືອ ລາວ, ໂດຍສະເພາະວຽກ

ງານການສຶກສາ, ສາທາລະນະສຸກ, ການປົກປັກຮັກສາສິ່ງແວດລ້ອມ ແລະ ວຽກງານອື່ນໆ ພ້ອມນີ້ກໍ ເພື່ອເປັນການເສີມ ຂະຫຍາຍ ການຮ່ວມມື ສອງຝ່າຍໃຫ້ກວ້າງຂວາງ ແລະ ສືບຕໍ່ໃຫ້ການຊ່ວຍ ເຫລືອລາວຫລາຍ​ຂຶ້ນ.

     ສະຖານທູດດັ່ງກ່າວ ຕັ້ງຢູ່ ບ້ານສົມຫວັງໃຕ້ ເມືອງຫາດ ຊາຍຟອງ ນະຄອນຫລວງວຽງ ຈັນ ກວມເອົາພື້ນທີ່ທັງໝົດ 2 ເຮັກ ຕາກວ່າ, ​ໂດຍ​ມີມູນຄ່າ ການກໍ່ສ້າງທັງໝົດປະມານ 145 ລ້ານໂດລາສະຫະລັດ, ເຊິ່ງໃຊ້ເວ ລາເຂົ້າໃນການກໍ່ສ້າງ 2 ປີເຄິ່ງ, ພາຍໃນສະຖານທູດປະກອບມີ ຫ້ອງການສະຖານທູດ, ສຳນັກ ງານຂອງໜ່ວຍຮັກສາຄວາມ ປອດໄພ, ສະຖານທີ່ຈອດລົດ ແລະ ຫ້ອງການບໍລິການອື່ນໆອີກ.