ທ່ານຮອງນາຍົກລັດຖະມົນຕີ ສົມ​ສະຫວາດ ​ເລັ່ງສະຫວັດ ຊີ້ແຈງເພີ່ມເຕີມຕໍ່ກອງປະຊຸມສະພາແຫ່ງຊາດກ່ຽວກັບການຜະ ລິດສະບຽງອາຫານ

     ໃນວັນທີ 10 ທັນວານີ້, ເຊິ່ງເປັນມື້ທີສອງຂອງກອງປະຊຸມສະໄໝສາມັນເທື່ອທີ 8 ຂອງ ສະພາແຫ່ງຊາດຊຸດທີ VII, ທີ່ ປະຊຸມໄດ້ຮັບຟັງການລາຍງານຂອງທ່ານ ສົມສະຫວາດ ເລັ່ງສະຫວັດ ຮອງນາຍົກ ລັດຖະມົນຕີ, ຜູ້ຊີ້ນຳວຽກງານເສດຖະກິດ ການຜະລິດ ແລະ ການຈໍລະຈອນ ທັງເປັນຫົວໜ້າຄະນະປະສານງານຂັ້ນສູນກາງເພື່ອປະຕິບັດໂຄງການສົ່ງ ເສີມການຜະລິດສິນຄ້າ ແລະ ໂຄງການຄ້ຳປະກັນດ້ານສະບຽງອາຫານ, ພາຍຫລັງໄດ້ຮັບ ຟັງການລາຍງານຂອງຜູ້ຕາງໜ້າລັດຖະບານ າກຂະແໜງການຕ່າງໆ ເປັນຕົ້ນ ທ່ານ ວິໄລວັນ ພົມເຂ ລັດຖະ ມົນຕີວ່າການກະຊວງກະສິກຳ ແລະ ປ່າໄມ້ໄດ້ລາຍງານກ່ຽວ ກັບໂຄງການ ຜະລິດເຂົ້າ ແລະ ສັດເພື່ອຄ້ຳປະກັນສະບຽງອາ ຫານເປັນສິນຄ້າ, ທ່ານນາງ ເຂັມ ມະນີ ພົນເສນາ ລັດຖະມົນຕີວ່າການຊວງອຸດສາຫະກຳ ແລະ ການ ຄ້າໄດ້ລາຍງານກ່ຽວກັບ ຜົນການຈັດຕັ້ງປະຕິບັດນະໂຍ ບາຍສົ່ງເສີມການຜະລິດສິນຄ້າເປັນຕົ້ນການສົ່ງເສີມທຸລະກິດຂະໜາດ ນ້ອຍ ແລະ ຂະໜາດກາງ ແນໃສ່ຫລຸດຜ່ອນຄວາມທຸກ ຍາກຂອງປະຊາຊົນເພື່ອບັນລຸເປົ້າ ໝາຍສະຫັດສະວັດທີ 1 ແລະ ທ່ານນາງ ອ່ອນຈັນ ທຳມະວົງ ລັດຖະມົນຕີວ່າການກະຊວງ ແຮງງານ ແລະ ສະຫວັດດີການ-ສັງຄົມ ໄດ້ລາຍງານກ່ຽວ ກັບສະພາບການ ຈັດຕັ້ງປະຕິບັດວຽກງານແຮງງານ ແລະ ໃນຂະ ນະດຽວກັນບັນດາສະມາຊິກສະພາແຫ່ງຊາດຈາກເຂດເລືອກຕັ້ງຕ່າງໆໄດ້ພ້ອມ ກັນປະກອບຄຳ ເຫັນຕໍ່ບັນດາຮ່າງໂຄງການຜະ ລິດສິນຄ້າຕ່າງໆຢ່າງກົງໄປກົງມາ ແລະ ເຕັມໄປດ້ວຍຄວາມ ໝາຍອັນເລິກເຊິ່ງ.

  ເພື່ອເຮັດໃຫ້ຮ່າງບົດລາຍ ງານການຜະລິດຂອງຂະແໜງ ການຕ່າງໆເຕັມໄປດ້ວຍເນື້ອໃນສົມບູນຄົບຖ້ວນທ່ານຮອງນາຍົກ ສົມສະຫວາດ ເລັ່ງສະຫວັດ ໄດ້ກ່າວໂດຍສັງເຂບຕໍ່ເປົ້າໝາຍການຈັດຕັ້ງປະຕິບັດໂຄງການຜະລິດສະບຽງອາຫານ, ການຈັດ ຕັ້ງນະໂຍບາຍສົ່ງເສີມການຜະລິດເປັນສິນຄ້າ, ສະພາບການຈັດຕັ້ງປະຕິບັດວຽກງານແຮງງານໃນໄລຍະຜ່ານມາໃນນີ້ສະ ເພາະ ການຜະລິດສະບຽງອາຫານທ່ານຮອງນາຍົກໄດ້ເນັ້ນວ່າ: ອົງການສະຫະປະຊາຊາດໄດ້ກຳນົດບັນດາເປົ້າໝາຍ ສະຫັດສະວັດ ເພື່ອໃຫ້ບັນດາປະເທດສະມາຊິກນຳໄປຈັດຕັ້ງປະຕິບັດຢ່າງພ້ອມພຽງ ແລະ ເປັນເອກະພາບໃນນີ້ເປົ້າໝາຍ ທີ 1 ແມ່ນເລັງໃສ່ ບັນຫາການແກ້ໄຂຄວາມທຸກຍາກ ແລະ ຄວາມອຶດຫີວເຊິ່ງເປັນບັນຫາທີ່ກະທົບ ເຖິງປະຊາກອນເກືອບ 1 ຕື້ຄົນ ໃນທົ່ວໂລກ ແລະ ເປັນບັນຫາທີ່ນັບມື້ນັບຮຸນແຮງຂຶ້ນ, ອັນນີ້ຖືເປັນບັນຫາທີ່ສຳຄັນໃນລະດັບໂລກທີ່ຮຽກຮ້ອງໃຫ້ມີການແກ້ໄຂຢ່າງຮີບ ດ່ວນ ແລະ ເປັນລະ ບົບທີ່ຍາວນານ. ໃນເວລາດຽວກັນຍ້ອນສະພາບການປ່ຽນແປງດ້ານດິນຟ້າອາກາດ, ສະພາບໄພແຫ້ງແລ້ງ ແລະ ໄພນ້ຳຖ້ວມ ແມ່ນໄດ້ເພີ່ມທະວີຂຶ້ນຢ່າງຮ້າຍແຮງເຮັດໃຫ້ດິນກະສິກຳ, ດິນຜະລິດສະບຽງອາຫານນັບມື້ນັບໜ້ອຍລົງ, ບັນຫາພະຍຸ-ພະຍາດ ຕໍ່ພືດ ແລະ ສັດ ກໍໄດ້ເພີ່ມທະວີຂຶ້ນຈາກສະພາບທີ່ກ່າວມານັ້ນອົງການສະຫະປະຊາຊາດຈຶ່ງໄດ້ຮຽກ ຮ້ອງໃຫ້ປະເທດສະມາຊິກຖື ເປົ້າໝາຍສະຫັດສະວັດເປັນໂຄງການບູລິມະສິດແຫ່ງຊາດ ແລະ ຕັ້ງໜ້າເອົາໃຈໃສ່ສົ່ງເສີມເພີ່ມ ທະວີການລົງທຶນຢ່າງຮອບດ້ານໃນ ການຜະລິດສະບຽງໃຫ້ກຸ້ມກິນ, ມີສ່ວນແຮໄວ້ ແລະ ໃຫ້ມີຮອດສ່ວນເກີນເພື່ອເປັນສະ ບຽງສະສົມຂາຍໃຫ້ບັນດາປະເທດທີ່ບໍ່ມີ ເງື່ອນໄຂຜະລິດສະບຽງອາຫານ, ສະນັ້ນ ການເອົາໃຈໃສ່ຕໍ່ບັນຫາດັ່ງກ່າວຈຶ່ງເປັນ ເງື່ອນໄຂທີ່ເໝາະສົມທີ່ສຸດເພື່ອແກ້ໄຂຄວາມທຸກ ຍາກຂອງປະຊາຊົນເນື່ອງຈາກສ່ວນຫລາຍກໍແມ່ນຊາວກະສິກອນ, ຊຶ່ງຕ້ອງໄດ້ຮັບການຊ່ວຍເຫລືອເພື່ອຈະສາມາດຫລຸດພົ້ນອອກ ຈາກຄວາມທຸກຍາກຢ່າງຖາວອນ.

     ທ່ານຮອງນາຍົກລັດຖະມົນຕີ ຍັງໄດ້ຊີ້ແຈງລາຍລະອຽດຕື່ມກ່ຽວກັບໂຕເລກຄາດໝາຍການຜະລິດເຂົ້າ, ເງື່ອນໄຂພື້ນຖານ ໃນການຜະລິດເຂົ້າ ແລະ ສະບຽງອາຫານ, ການລ້ຽງສັດ ແລະ ສິ່ງປະກອບຕ່າງໆໃນການຜະລິດສິນຄ້າຢູ່ ສປປ ລາວ.