ຫາລືການປະຕິບັດທິດຊີ້ນຳລັດຖະບານກ່ຽວກັບການແກ້ໄຂລະເບີດບໍ່ທັນແຕກ

     ເມື່ອບໍ່ດົນມານີ້, ຄະນະກຳມະການຄຸ້ມຄອງລະດັບຊາດເພື່ອແກ້ໄຂບັນຫາລະ ເບີດບໍ່ທັນແຕກຕົກຄ້າງຢູ່ລາວ (ຄຊກລ), ໄດ້ຈັດ ກອງປະຊຸມຂອງຕົນຂື້ນເພື່ອຫາ ລືການກຳນົດແຜນວຽກທີ່ຈະ ຈັດຕັ້ງປະຕິບັດໃນຕໍ່ໜ້າ, ໂດຍສະເພາະການກວດກູ້, ຟື້ນຟູຜູ້ພິການ ແລະ ການຂໍຄວາມຊ່ວຍເຫລືອຈາກສາກົນ, ເຊິ່ງທິດຊີ້ນຳຂອງລັດ ຖະບານຕໍ່ກັບວຽກງານດັ່ງກ່າວແມ່ນໃຫ້ສືບຕໍ່ສຸມໃສ່ການສຳຫລວດ ແລະ ກວດກູ້ ລະເບີດບໍ່ທັນແຕກອອກຈາກ 10 ຈຸດສຸມພັດທະນາຂອງລັດຖະບານ, 54 ຈຸດສຸມ ພັດທະນາຂອງທ້ອງຖິ່ນ ແລະ 167 ເຂດຈັດສັນພູມລຳ ເນົາຖາວອນ ແລະ ບ່ອນທຳມາຫາກິນຂອງປະຊາຊົນ, ສ່ວນ ເຂດທົ່ວໄປກໍແມ່ນໃຫ້ສືບຕໍ່ສຳ ຫລວດ ແລະ ກວດກູ້ຕາມແຜນງົບປະມານ ແລະ ແຫລ່ງທຶນທີ່ມີ. ເອົາໃຈໃສ່ຊ່ວຍເຫລືອປີ່ນ ປົວ, ຟື້ນຟູສຸຂະພາບແລະປະຕິບັດນະໂຍບາຍ ຕໍ່ປະຊາຊົນທີ່ລອດຊີວິດຈາກລະເບີດບໍ່ທັນແຕກໃນໄລຍະຜ່ານມາເພີ່ມທະ

ວີການສຶກສາອົບຮົມ ແລະ ໂຄສະນາເຜີຍແຜ່ ໃຫ້ປະ ຊາຊົນໂດຍສະເພາະແມ່ນ ເດັກນ້ອຍໄດ້ຮັບຮູ້ ແລະ ເຂົ້າໃຈເຖິງຄວາມ ອັນຕະລາຍຂອງລະເບີດບໍ່ທັນແຕກຢູ່ບັນດາບ້ານ ແລະ ໂຮງ ຮຽນຕ່າງໆ, ເອົາໃຈໃສ່ຄົ້ນຄວ້າ ແລະ ສະເໜີຫາອົງການສາກົນ ຫລື ປະເທດເພື່ອນມິດຕ່າງໆກ່ຽວກັບເຄື່ອງມື ຫລື ເຄື່ອງຈັກທີ່ທັນ ສະໄໝ ແລະ ເຕັກນິກການສຳຫລວດແບບໃໝ່ທີ່ມີປະ ສິດທິຜົນສູງກວ່າເກົ່າ, ພ້ອມດຽວກັນນັ້ນ, ກໍສືບຕໍ່ຂົນຂວາຍ ແລະ ພົວພັນຍາດແຍ່ງການຊ່ວຍເຫລືອຈາກບັນດາປະ ເທດຕ່າງໆເຂົ້າໃນວຽກງານດັ່ງກ່າວໃຫ້ມີປະສິດທິຜົນ.

      ກອງປະຊຸມຍັງໄດ້ລາຍງານກ່ຽວກັບການປະຕິບັດວຽກງານແກ້ໄຂບັນຫາລະເບີດບໍ່ທັນແຕກໃນປີ 2014 ແລະ ຮັບຮອງ ເອົາທິດທາງແຜນການປີ 2015, ປຶກສາຫາລືການປັບປຸງບຸກຄະລາກອນໃນ (ຄຊກລ), ຜ່ານລະບຽບກອງທຶນໃຫ້ແກ່ອົງການ ຈັດຕັ້ງ ທາງສັງຄົມ, ແຜນປະຕິບັດງານໃໝ່, ກອງທຶນຊ່ວຍເຫລືອລ້າ ແລະ ບັນຫາອື່ນໆ, ໂດຍການ ເປັນປະທານຂອງທ່ານ ບຸນ ເຮືອງ ດວງພະຈັນ ລັດຖະມົນຕີປະຈຳຫ້ອງວ່າການລັດຖະບານ, ຫົວໜ້າຄະນະພັດທະນາຊົນນະບົດ ແລະ ລຶບລ້າງ ຄວາມທຸກຍາກຂັ້ນ ສູນກາງ, ປະທານຄະນະກຳມະການຄຸ້ມຄອງແຫ່ງຊາດເພື່ອການແກ້ໄຂບັນຫາລະ ເບີດບໍ່ທັນແຕກທີ່ ຕົກຄ້າງຢູ່ ສປປ ລາວ ແລະ ມີຜູ້ຕາງໜ້າ ຈາກກະຊວງປ້ອງກັນປະເທດ, ກະຊວງພາຍໃນ, ບັນດາແຂວງ ແລະ ພະນັກງານ ກ່ຽວຂ້ອງເຂົ້າຮ່ວມເປັນຈຳນວນ ຫລາຍ.