ວັນທີ 28 ພະຈິກທີ່ຜ່ານມາ ຢູ່ໂຮງໝໍແມ່ ແລະ ເດັກແດງສູນກາງໄດ້ມີພິທີລົງນາມຕົກລົງໃຫ້ການຊ່ວຍເຫຼືອຍົກສູງຄຸນນະ
ພາບການປິ່ນປົວເດັກແດງເກີດໃໝ່ແກ່ໂຮງໝໍດັ່ງກ່າວ, ລະ ຫວ່າງທ່ານ ຮອງສາສະດາຈານ
ດຣ ບົວວັນ ແສນສະຖິດ ອຳນວຍການໂຮງໝໍແມ່
ແລະ ເດັກ ແລະ ທ່ານ JeanmarcDejode, ປະທານໂຄງການໂຄງໝໍ Mar guerite-Marie ປະເທດຝຣັ່ງ,
ຫົວໜ້າຫ້ອງການກະຊວງສາ ທາລະນະສຸກ, ພ້ອມດ້ວຍພະ ນັກງານທັງສອງຝ່າຍເຂົ້າຮ່ວມ.
ອຳນວຍການໂຮງໝໍແມ່
ແລະເດັກກ່າວວ່າ: ໂຄງການຊ່ວຍເຫຼືອນີ້ແມ່ນເລັ່ງໃສ່ຍົກສູງຄຸນນະພາບການປິ່ນປົວເດັກແດງເກີດໃໝ່ໃຫ້ທັນສະໄໝດີຂຶ້ນ,
ພ້ອມນັ້ນຍັງຊ່ວຍປັບປຸງຄວາມສະອາດພາຍໃນໂຮງໝໍ ແລະ ສ້າງຕັ້ງເປັນສູນອົບຮົມວິທີການປິ່ນປົວເດັກເກີດໃໝ່ໃຫ້ແກ່ພະ
ນັກງານແພດໝໍໃຫ້ມີຄວາມຮູ້ຄວາມສາມາດ, ຫຼຸດຜ່ອນອັດຕາການຕາຍຂອງເດັກເກີດໃໝ່,
ໂດຍເລັ່ງໃສແພດໝໍທ້ອງຖິ່ນ,ເນື່ອງຈາກທີ່ຜ່ານມາພະນັກງານແພດໝໍຢູ່ທ້ອງຖິ່ນຍັງຂາດຄວາມຮູ້ໃນດ້ານນີ້ຈຶ່ງເຮັດໃຫ້ການປິ່ນ
ປົວບໍ່ມີຄຸນນະພາບ ແລະ ເກີດມີຄວາມສ່ຽງ, ນອກຈາການຊ່ວຍເຫຼືອດັ່ງກ່າວແລ້ວທາງໂຄງການໂຮງໝໍ
Marguerite-Marie ປະເທດຝຣັ່ງມອບອຸປະກອນການແພດຈຳນວນໜຶ່ງໃຫ້ແກ່ໂຮງໝໍແມ່ ແລະ ເດັກຄື: ເຄື່ອງຊ່ວຍຊີບເດັກ, ເຄື່ອງຫາຍໃຈທຽມຂອງເດັກ,
ເຕົາອົບເດັກແດງເກີດໃໝ່,ເຄື່ອງຕິດຕາມການຫາຍໃຈຂອງເດັກ, ເຄື່ອງໃຫ້ອາຫານເດັກ
ແລະ ອຸປະກອນອື່ນໆອີກ, ລວມ ມູນຄ່າປະມານ 680.000 ໂດລາ ຫຼື ປະມານ 4600 ລ້ານກີບ,
ນອກ ຈາການຊ່ວຍເຫຼືອງແກ່ໂຮງໝໍແມ່ ແລະ ເດັກແລ້ວໂຄງການດັ່ງ ກ່າວຍັງຈະສືບຕໍ່ໃຫ້ແກ່ຊ່ວຍເຫຼືອແກ່ບັນດາແຂວງຕ່າງໆອີກດ້ວຍ.
No comments:
Post a Comment