ການປູກພືດລະດູແລ້ງປີນີ້ບັນລຸໄດ້ແລ້ວຫຼາຍກວ່າ 85%

ກະຊວງກະສິກຳໃຫ້ຮູ້ວ່າ: ການປູກພືດລະດູແລ້ງມາຮອດປັດຈຸບັນທົ່ວ ປະເທດປະຕິບັດໄດ້ແລ້ວຫຼາຍກວ່າ137 ພັນກວ່າເຮັກຕາ, ເທົ່າກັບ 85% ຂອງ ຕົວເລກແຜນການ 161.790 ເຮັກຕາ, ເພີ່ມຫຼາຍຂຶ້ນຈາກປີຜ່ານມາ, ໃນ ນັ້ນ ແຂວງທີ່ປູກໄດ້ຫຼາຍກວ່າໝູ່ແມ່ນພາກເໜືອປະຕິບັດໄດ້ 62 ພັນກວ່າເຮັກຕາ, ພາກກາງ 56 ພັນກວ່າເຮັກຕາ ແລະ ພາກໃຕ້ປະຕິບັດໄດ້ 19 ພັນກວ່າເຮັກຕາ, ແນວໃດກໍດີປັນຈຸບັນກະສິກອນຢູ່ຫຼາຍທ້ອງຖິ່ນຍັງສືບຕໍ່ປູກພືດລະດູແລ້ງ, ໂດຍສະເພາະແມ່ນພືດອາຍຸສັ້ນປູກງ່າຍ ແລະ ປູກໄດ້ຫຼາຍຮອບວຽນ ແລະ ຄາດວ່າການປູກພືດລະດູແລ້ງປີນີ້ຈະ ສາມາດບົນລຸໄດ້ຕາມແຜນການ.

ກະຊວງດັ່ງກ່າວໃຫ້ຮູ້ອີກວ່າ: ເຖິງວ່າການປູກເຂົ້ານາແຊງປີນີ້ຈະບໍ່ບັນລຸຕາມແຜນການ 126.600, ຊຶ່ງຕົວ ຈຶ່ງປະຕິບັດໄດ້ພຽງ 101.52 ເຮັກຕາ, ເທົ່າກັບ 80% ຂອງເນື້ອທີ່ແຜນການ, ສາເຫດຫຼັກແມ່ນສະພາບອາ ການບໍ່ເອື້ອ ອຳນວຍ, ລາຄາເຂົ້າຕ່ຳຈຶ່ງເຮັດໃຫ້ກະສິກອນໄປເຮັດກິດຈະກຳອື່ນ ແລະ ໃຊ້ເນື່ອທີ່ນາໄປປູກພືດອື່ນແທນການປູກເຂົ້າ. ເຖິງຢ່າງໃດກໍຕາມປັດຈຸບັນຂະແໜງກະສິກຳກໍໄດ້ສຸມໃສ່ຊຸກຍູ້ກະສິກອນສຸມໃສ່ບົວລະບັດນາແຂງທີ່ປັກດຳໄດ້ນັ້ນດ້ວຍການ ເສຍຫຍ້າ, ໃສ່ຝຸ່ນ, ປຸຍ ແລະ ຮັກສານ້ຳໃຫ້ພຽງພໍ, ເພື່ອຍົກສະມັດຖະພາບການຜະລິດໃຫ້ສູງຂຶ້ນ.