ກຳມະບານກະຊວງ ຖວທ ຍາດໄດ້ຜົນງານຫລາຍດ້ານ

ກອງປະຊຸມໃຫຍ່ຂອງສະຫະພັນກໍາມະບານກະຊວງຖະແຫລງຂ່າວ, ວັດທະນະທໍາ ແລະ ທ່ອງ ທ່ຽວ (ຖວທ) ຄັ້ງທີ VII ໄດ້ໄຂຂຶ້ນ ໃນວັນທີ 17 ມີນາ­ນີ້, ຢູ່ນະຄອນ ຫລວງວຽງຈັນ, ໂດຍການເປັນ ປະທານຂອງທ່ານ ຂັນທອງ ມະ ໂນທໍາ ປະທານສະຫະພັນກໍາມະ ບານກະຊວງຖວທ, ໃຫ້ກຽດເຂົ້າ ຮ່ວມໂດຍທ່ານ ສຈ.ດຣ. ບໍ່ແສງ ຄໍາວົງດາລາເລຂາຄະນະພັກກະ ຊວງ, ລັດຖະມົນຕີວ່າການກະ ຊວງຖະແຫລງຂ່າວ, ວັດທະນະ ທໍາແລະທ່ອງທ່ຽວ, ທ່ານຄໍາຫລ້າ ລໍລອນສີປະ ທານສູນກາງສະຫະ ພັນກໍາມະບານລາວແລະສະມາຊິກກໍາມະບານຈໍານວນ 159 ທ່ານ ເຂົ້າຮ່ວມ.

ທ່ານຂັນທອງມະໂນທໍາໄດ້ ຂຶ້ນລາຍງານກ່ຽວກັບການເຄື່ອນ ໄຫວວຽກງານຂອງສະຫະພັນກໍາມະ ບານກະຊວງ ຖວທໃນໄລຍະ 5 ປີຜ່ານມາວ່າ: ຕະຫລອດໄລຍະ ຜ່ານມາສະຫະພັນກໍາມະບານກະຊວງຖວທໄດ້ເອົາໃຈໃສ່ສຶກສາອົບຮົມ ການເມືອງ-ແນວຄິດໃຫ້ແກ່ສະມາຊິກກໍາມະບານດ້ວຍຫລາຍຮູບແບບເປັນຕົ້ນແມ່ນໄດ້ເຊື່ອມຊຶມບັນດາເອກະສານຕ່າງໆໃນໂອກາດ ວັນສໍາຄັນຂອງຊາດ, ສ້າງຂະບວນການຮັກຊາດ ແລະ ພັດທະ ນາ, ປະຕິບັດຄໍາຂັວນ 2 ດີ 5 ເປັນເຈົ້າການທີ່ສູນກາງ ສະຫະ

ພັນກຳມະບານລາວວາງອອກ, ເອົາ ໃຈໃສ່ປົກປ້ອງສິດຜົນປະໂຫຍດຂອງກໍາມະກອນຊາວຜູ້ອອກແຮງງານ ໃຫ້ໄດ້ຮັບນະ ໂຍ ບາຍຕາມຄວາມເປັນຈິງພ້ອມນີ້ຄະນະນໍາກໍາມະບານແຕ່ລະຂັ້ນໄດ້ເອົາໃຈໃສ່ຊຸກຍູ້ຊີ້ນໍາອົງການຈັດຕັ້ງມະຫາຊົນ ຢ່າງເປັນປົກ ກະຕິ, ອໍານວຍ ຄວາມສະດວກຕໍ່ການເຄື່ອນໄຫວ ຂອງກໍາມະບານຂັ້ນຕ່າງໆໃນແຕ່ ລະໄລຍະໄດ້ເປັນຢ່າງດີ.

ໃນໂອກາດນີ້ທ່ານຄໍາຫລ້າລໍລອນສີປະທານສູນກາງສະຫະພັນກໍາມະບານລາວກໍໄດ້ໃຫ້ກຽດໂອ້ ລົມໂດຍເນັ້ນໃຫ້ສືບ ຕໍ່ສຶກສາອົບຮົມການເມືອງແນວຄິດໃຫ້ເປັນບັນຫາກົກເພື່ອເຮັດໃຫ້ກໍາມະກອນກໍຄື ຊາວຜູ້ອອກແຮງງານລາວບັນດາ ເຜົ່າມີ ແນວຄິດເອກະພາບກັບພັກ- ລັດຖະບານເພື່ອເດີນຕາມແນວ ທາງນະໂຍບາຍ ແລະ ຄຽງບ່າ ຄຽງໄລ່ກັບພັກຕະຫລອດໄປ ແລະ ເຮັດໃຫ້ເຂົາເຈົ້າໄດ້ຮັບຮູ້ ແລະ ເຂົ້າ ໃຈຕໍ່ແນວທາງນະໂຍບາຍຂອງພັກ-ລັດທີ່ມີຕໍ່ຊາວຜູ້ອອກແຮງງານໃຫ້ກວ້າງຂວາງ ແລະ ເລິກເຊິ່ງຍິ່ງໆ ຂຶ້ນ, ຕ້ອງເອົາໃຈໃສ່ປັບປຸງລະບົບ ການຈັດຕັ້ງຂອງກໍາມະບານໃຫ້ທົ່ວເຖິງກວ້າງຂວາງໂດຍຂະຫຍາຍ ສະມາຊິກກໍາມະບານໃຫ້ໄດ້ 100% ໂດຍສະເພາະແມ່ນຂົງ ເຂດເສດຖະກິດໃຫ້ໄດ້ 50% ເພື່ອ ປົກປ້ອງການຂູດຮີດແຮງງານຢູ່ ຕາມໂຮງຈັກໂຮງງານຕ່າງໆພ້ອມນີ້ກໍຕ້ອງໄດ້ເອົາໃຈໃສ່ດໍາເນີນຊີວິດການເມືອງເປັນປະຈໍາ, ເອົາໃຈໃສ່ ປົກປ້ອງຜົນປະໂຫຍດຂອງຊາວຜູ້ອອກແຮງງານເພື່ອໃຫ້ເຂົາເຈົ້າໄດ້ຮັບນະໂຍບາຍແລະຜົນປະໂຫຍດ ຕາມຄວາມເປັນຈິງ, ສືບຕໍ່ສ້າງປະ ຕິບັດຂໍ້ແຂ່ງຂັນ 2 ດີ 5 ເປັນເຈົ້າຕິດ ພັນກັບຂະບວນການຮັກຊາດ ແລະ ພັດທະນາໃຫ້ເປັນຂະບວນການ ຢ່າງຟົດຟື້ນ ແລະ ກວ້າງຂວາງ ຍິ່ງໆຂຶ້ນ.

ກອງປະຊຸມຍັງໄດ້ໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະບໍລິຫານງານຊຸດໃໝ່ເຊິ່ງມີຜູ້ສະໝັກ 17 ທ່ານ,ເລືອກເອົາ 13 ທ່ານຜົນການປ່ອນບັດຄັດເລືອກກອງປະຊຸມໄດ້ເປັນເອກະພາບເລືອກເອົາທ່ານນາງຂັນທະລີພົນຢ້ຽມເປັນປະທານສະຫະພັນກໍາມະບານຊຸດໃໝ່,ທ່ານດວງຈິດສະຫວັດພູມມີເປັນຮອງ,ທ່ານຄໍາຫລ້າຍອຍສາຍຄໍາເປັນຮອງປະທານ ແລະ ທ່ານວິໄລ ສັກທ່ຽງທໍາເປັນປະທານກວດກາ.