ການສ້ອມແປງໂຮງຮຽນປະຖົມ ຢູ່ບ້ານແຈ້ງສະຫວ່າງ
ເມືອງນາຊາຍທອງ ນະຄອນ ຫລວງວຽງຈັນ, ໂດຍການສະໜັບສະໜູນທຶນຈາກທີມງານ Canberra,
Sydney, Melbourne Brisbane ຈາກປະເທດອົດສະຕຣາລີ, ໄດ້ດຳເນີນການກໍ່ສ້າງມາແຕ່ທ້າຍເດືອນມີນາຜ່ານມາ
ແລະ ມາຮອດປັດຈຸບັນໄດ້ສຳເລັດແລ້ວ ພ້ອມ ຈະເປີດນຳໃຊ້ໃນ ມື້ ໄຂສົກຮຽນໃໝ່ຄືຕົ້ນເດືອນກັນຍານີ້,
ຊຶ່ງພິທີມອບ-ຮັບແມ່ນ ໄດ້ຈັດຂຶ້ນໃນວັນທີ 14 ເມສານີ້, ລະຫວ່າງ ທ່ານ ທອງພັນ ແກ້ວມະນີ
ຜູ້ຕາງໜ້າ ທີມງາມດັ່ງກ່າວ ແລະ ທ່ານ ເຫງົ້າ ດວງ ປັນຍາ ນາຍບ້ານບ້ານແຈ້ງສະຫວ່າງ.
ໂຄງການສ້ອມແປງໂຮງຮຽນຫລັງນີ້ ເປັນຫລັງທີ
2 ແລ້ວ, ເຊິ່ງກ່ອນໜ້ານີ້ ທີມງາມດັ່ງ ກ່າວໄດ້ຂຶ້ນໄປໃຫ້ການ ຊ່ວຍ ເຫລືອສ້ອມແປງໂຮງຮຽນປະຖົມສົມບູນ
ຢູ່ບ້ານປາງເດື່ອ ເມືອງແບ່ງ ແຂວງອຸດົມໄຊ. ໃນເມື່ອກ່ອນໂຮງຮຽນ ຫລັງດັ່ງ ກ່າວແມ່ນແອ້ມດ້ວຍຝາກະແຕະ,
ພື້ນເປັນພື້ນດິນ, ໂຕະຕັ່ງຊຸດໂຊມເປ່ເພ ແລະ ສາມາດຮັບນັກຮຽນໄດ້ບາງ ສ່ວນ ແລະ
ອີກສ່ວນໜຶ່ງແມ່ນໄດ້ຍ່າງໄປເຂົ້າຮຽນຢູ່ບ້ານໃກ້ຄຽງ,
ຈຶ່ງເຮັດໃຫ້ລຳບາກຜູ້ປົກຄອງໃນການໄປ ຮັບ-ສົ່ງລູກໄປໂຮງຮຽນ, ແຕ່ມາເຖິງປັດຈຸບັນນີ້ ທີມງານຈາກປະເທດອົດສະຕຣາລີ
ໄດ້ເຂົ້າໃຫ້ການຊ່ວຍເຫລືອສ້ອມແປງ ໂຮງຮຽນໃຫ້ສົມ ບູນກວ່າເກົ່າ, ເຊິ່ງຄັ້ງນີ້ໄດ້ຮັບ ການສ້ອມແປງເປັນ
4 ຫ້ອງຄື: ຫ້ອງຮຽນ 2 ຫ້ອງ ປະກອບມີ ຫ້ອງ ປ1 ແລະ ຫ້ອງ ປ2, ຫ້ອງສະໂມສອນ ແລະ ຫ້ອງພັກຄູ,
ສາມາດບັນຈຸນັກຮຽນໄດ້ທັງໝົດ 50 ກວ່າຄົນ ທັງນີ້ ກໍເພື່ອ ເຮັດໃຫ້ເດັກນ້ອຍນັກຮຽນໄດ້ຮັບການສຶກສາຢ່າງເຕັມສ່ວນ
ແລະ ເປັນຄົນດີມີຄວາມຮູ້, ມີຄຸນສົມບັດເຕີບໃຫຍ່ໃນ ພາຍພາກໜ້າ.
ບ້ານແຈ້ງສະຫວ່າງ ເມືອງນາຊາຍທອງ ນະຄອນຫລວງວຽງຈັນ
ເປັນບ້ານນ້ອຍຕັ້ງໃໝ່ ມີ 85 ຫລັງຄາເຮືອນ ມີພົນລະເມືອງທັງໝົດ 561 ຄົນ, ປະຊາຊົນສ່ວນໃຫຍ່
ແມ່ນຢຶດຖືອາຊີບປູກເຂົ້າ, ລ້ຽງສັດເປັນຕົ້ນຕໍ.
No comments:
Post a Comment