ໃຫ້ເອົາໃຈຊ່ວຍຊາວນາຜ່ານຜ່າວິກິດໄພແລ້ງ

ຄືດັ່ງທີ່ພວກເຮົາໄດ້ຊາບກັນ ແລ້ວໃນລະດູນາປີປີນີ້ໄດ້ເກີດມີສະ ພາບແຫ້ງແລ້ງແກ່ ຍາວມາຫລາຍ ເດືອນສ້າງຄວາມເສຍຫາຍດ້ານ ຜົນລະປູກໃຫ້ຊາວນາຫລາຍທ້ອງ ຖິ່ນເຂດແຂວງນັບເປັນຈຳ ນວນບໍ່ໜ້ອຍ, ແຕ່ເພື່ອແກ້ໄຂສິ່ງທ້າທາຍ ດັ່ງກ່າວ, ທ່ານລັດ ຖະມົນຕີກະ ຊວງກະສິກຳ-ປ່າໄມ້ ວິໄລວັນ ພົມເຂ ໄດ້ອອກມາຢັ້ງ ຢືນຄວາມ ພ້ອມຕ່າງໆໃນການແກ້ໄຂຄວາມ ຂາດເຂີນທາງດ້ານ ແນວປູກ ແລະ ອຸປະກອນຮັບໃຊ້ການຜະລິດອື່ນໆທີ່ຖືກເສຍຫາຍຈາກໄພແຫ້ງແລ້ງຜ່ານກອງປະ ຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VII ເມື່ອ 2-3 ວັນຜ່ານມາ ອັນໄດ້ສ້າງຄວາມ ພໍອົກພໍໃຈໃຫ້ປະຊາຊົນ ກໍຄືຊາວນາທີ່ກຳລັງລໍຄອຍການ ຊ່ວຍເຫລືອດັ່ງກ່າວເພື່ອຈະລົງມືຕົກ ກ້ານາປີຄືນໃໝ່.

ລັດຖະມົນຕີໄດ້ໃຫ້ການຢືນ ຢັນດ້ວຍຄວາມໜັກແໜ້ນວ່າ: ປັດ ຈຸບັນກະຊວງກະສິກຳໄດ້ມີ ແນວ ພັນເຂົ້າທີ່ຜະລິດໄດ້ແລ້ວ 4.885 ໂຕນ ຢູ່ນຳສູນ ແລະ ສະຖານີຕ່າງໆ ຂອງທ້ອງຖິ່ນທີ່ໄດ້ກຽມ ພ້ອມຈະ ລົງແຈກຢາຍໃຫ້ຊາວນາຜູ້ທີ່ປະສົບໄພທຳມະຊາດແຫ້ງແລ້ງເພື່ອສາ ມາດດຳເນີນການຜະ ລິດຄືນໃໝ່ ໂດຍໄວ. ສ່ວນທາງດ້ານປັດໄຈ ການສະໜອງນ້ຳ, ລັດຖະມົນຕີ ແນະນຳວ່າ: ເພື່ອແກ້ບັນຫາ ໄພ ແຫ້ງແລ້ງຈະໄດ້ນຳໃຊ້ຈັກສູບນ້ຳ ໄປຄວບຄູ່ກັບການສົ່ງເສີມການນຳໃຊ້ນ້ຳຊົນລະປະທານຢ່າງ ປະຢັດ, ນຳໃຊ້ຈັກສູບນ້ຳເຄື່ອນທີ່ (Mobile Pump) ເພື່ອດູດນ້ຳຕາມຫ້ວຍ ຮ່ອງຄອງບຶງຕ່າງໆເຂົ້າ ສູ່ການຜະລິດກະສິກຳໄປຄຽງຄູ່ກັບການສົ່ງ ເສີມການປູກພືດອາຍຸສັ້ນ ແລະ ກິນ ນ້ຳໜ້ອຍ ແລະ ສະເພາະຢູ່ໃນເຂດ ຫລໍ່ແຫລມທາງກະຊວງໄດ້ຕິດຕັ້ງຈັກສູບນ້ຳ 65 ແຮງມ້າ ຈຳນວນ 34 ເຄື່ອງ ແລະ ມີລົດຕິດເຄື່ອງ ຈັກສູບນ້ຳເຄື່ອນທີ່ ຈຳນວນ 7 ຄັນ ເພື່ອຮອງຮັບກັບສະພາບດັ່ງກ່າວ ແລະ ພິເສດແມ່ນການປະຕິບັດນະ ໂຍບາຍຄ່າກະແສໄຟຟ້າຊົນລະປະທານຕາມແຈ້ງການຂອງກະຊວງພະ ລັງງານ ແລະ ບໍ່ແຮ່ ເລກທີ 0325/ພບ, ລົງວັນທີ 9 ມີນາ 2012 (496 ກີບຕໍ່ກິໂລວັດໂມງ) ໃນເຂດ ການຜະລິດກະສິກຳທົ່ວໄປ, ສ່ວນເຂດທີ່ໄດ້ຮັບຜົນເສຍຫາຍ ຈາກທຳມະຊາດລັດຖະບານເປັນຜູ້ຖົມຂຸມ ຄ່າກະແສໄຟຟ້າ ແລະ ໃຫ້ ທະນາຄານຜ່ອນຜັນອັດຕາດອກ ເບ້ຍ ຫລື ເລື່ອນການຊຳລະດອກ ເບ້ຍເງິນກູ້ ແລະ ຍົກເວັ້ນພາສີອາ ກອນສຳລັບການນຳເຂົ້າປັດໄຈ ການຜະລິດກະສິກຳໃຫ້ຜູ້ປະກອບ ການ ແລະ ປະຊາຊົນໃນເຂດທີ່ໄດ້ ຮັບຜົນກະທົບຕາມດຳລັດ 54/ລບ, ລົງວັນທີ 3 ກຸມພາ 2012.