ຮອງນາຍົກລັດຖະມົນຕີຊີ້ແຈງການນຳໃຊ້ງົບປະມານໃນການ ພັດທະນາກິລາລາວເຮົາ

ຮອງນາຍົກລັດຖະມົນຕີ, ລັດ ຖະມົນຕີວ່າການກະຊວງສຶກສາທິການ ແລະ ກິລາ, ໄດ້ຊີ້ແຈງກ່ຽວ ກັບການນຳໃຊ້ງົບ ປະມານລັດເຂົ້າໃນການພັດທະນາວຽກງານກິລາ ລາວໃນໄລຍະຜ່ານມາວ່າ: ແຕ່ລະ ປີເຖິງວ່າກະຊວງສຶກສາ ແລະ ກິ ລາໄດ້ຮັບອະ ນຸມັດງົບປະມານຢູ່ໃນຂອບທີ່ຈຳກັດບໍ່ພຽງພໍກັບຄວາມ ຮຽກຮ້ອງຕ້ອງການ, ແຕ່ກໍໄດ້ຈັດ ສັນງົບປະມານເຂົ້າໃສ່ວຽກງານກິລາ ແລະ ກາຍະກຳສະເລ່ຍຢູ່ໃນ ລະດັບ 1,2% ຂອງງົບປະມານທີ່ ກະຊວງສຶກສາ ແລະ ກິລາໄດ້ຮັບ ອະນຸມັດຈາກ ລັດຖະບານກໍຄືສະພາແຫ່ງຊາດຕົວຢ່າງ: ສົກປີ 2012-2013 ໄດ້ຈັດສັນງົບປະມານ ເຂົ້າໃສ່ວຽກງານກິລາ-ກາຍະກຳ 0,35% ຂອງງົບປະມານເທົ່າກັບ 3,8 ຕື້ກວ່າກີບ, ສົກປີ 2013-2014 ປະມານ 2,82% ເທົ່າກັບ 4 ຕື້ກວ່າກີບ ແລະ ສົກປີ 2014-2015 ແມ່ນ 0,57% ເທົ່າກັບ 3,7 ຕື້ກວ່າກີບ. ສຳລັບງົບປະມານຮັບ ໃຊ້ການ ແຂ່ງຂັນກິລາທັງພາຍໃນ ແລະ ຕ່າງປະເທດ, ໂດຍສະເພາະ ການແຂ່ງຂັນມະຫາກຳກິລາແຫ່ງຊາດ, ມະຫາກຳກິລານັກຮຽນ
ທົ່ວປະເທດແຂວງໃດເປັນເຈົ້າພາບແມ່ນແຂວງນັ້ນຮັບຜິດຊອບຂຶ້ນ ແຜນງົບປະ ມານແລ້ວສະເໜີຂໍອະນຸມັດຈາກລັດຖະບານ ແລະ ສະພາ ແຫ່ງຊາດສະເພາະ, ສ່ວນກະຊວງ ສຶກສາ ແລະ ກິລາເປັນຜູ້ປະສານ ງານ ແລະ ຊ່ວຍຕິດຕາມຊຸກຍູ້ໃຫ້ ຈັດຕັ້ງ ປະຕິບັດງົບປະມານຕາມລະບຽບການ ແລະ ປະຢັດ, ແຕ່ໃຫ້ມີ ປະສິດທິພາບໃນການຈັດງານແຂ່ງຂັນດັ່ງກ່າວ. ສ່ວນການໄປແຂ່ງ ຂັນຢູ່ຕ່າງປະເທດແມ່ນລັດຖະບານໄດ້ຈັດສັນງົບປະມານໃຫ້ຕ່າງ ຫາກ, ໂດຍສະເພາະແມ່ນກິລາຊີ ເກມ, ເອຊຽນເກມ, ກິລາມະຫາ ວິທະຍາໄລອາຊຽນ ແລະ ອື່ນໆ ຕົວຢ່າງຊີເກມຄັ້ງທີ 25 ທີ່ລາວເຮົາ ເປັນເຈົ້າພາບປີ 2009 ໃຊ້ງົບປະ ມານຕົວຈິງທັງໝົດ 53,6 ຕື້ກີບ, ຄັ້ງທີ 26 ປີ 2011 ທີ່ອິນໂດເນເຊຍ ໃຊ້ງົບ 22,6 ຕື້ກີບ, ຄັ້ງທີ 27 ປີ 2013 ທີ່ມຽນມາຈຳນວນ 24,4 ຕື້ກີບ, ຄັ້ງທີ 28 ປີ 2015 ທີ່ສິງ ກະໂປຈຳນວນ 15,2 ຕື້ກີບ. ແນວ ໃດກໍຕາມເຫັນວ່າການ ໃຊ້ງົບປະ ມານຕົວຈິງໃນແຕ່ລະຄັ້ງຊັກຊ້າ, ບໍ່ໄດ້ຕາມຄວາມຮຽກຮ້ອງຕ້ອງ ການນັບທັງໄລຍະກະກຽມ, ການ ເກັບຕົວນັກ ກິລາ ແລະ ການເຂົ້າ ຮ່ວມການແຂ່ງຂັນຕົວຈິງຕົວຢ່າງການເຂົ້າຮ່ວມແຂ່ງຂັນກິລາຊີເກມຄັ້ງທີ 28 ທີ່ສິງກະໂປງົບປະມານ ມີແຕ່ຕົວເລກ, ເງິນຕົວຈິງບໍ່ທັນໄດ້ ຈຳເປັນຕ້ອງໄດ້ຢືມເງິນກອງທຶນຄູມາໃຊ້ກ່ອນຈຳນວນໜຶ່ງ. ສຳລັບ ການປະກອບສ່ວນ ຂອງສັງຄົມຕໍ່ວຽກງານກິລາ-ກາຍະກຳ ໃນໄລ ຍະທີ່ຜ່ານມາກໍໄດ້ປະກອບສ່ວນສະໜັບສະໜູນຊ່ວຍເຫລືອເປັນຈຳ ນວນຫລາຍສົມຄວນ, ໂດຍສະ ເພາະແມ່ນການອຸປະຖຳໃນໄລຍະຈັດການແຂ່ງຂັນນັບທັງພາຍໃນ ແລະ ຕ່າງປະເທດສ່ວນ ຫລາຍ ເປັນວັດຖຸ ແລະ ເປັນເງິນສິດໃຫ້ນັກ ກິລາທີ່ໄດ້ຫລຽນຕ່າງໆ.

ທ່ານ ດຣ ພັນຄຳ ວິພາວັນ ກ່າວວ່າ: ສຳລັບການເຂົ້າຮ່ວມ ແຂ່ງຂັນຊີເກມຄັ້ງທີ 28 ທີ່ປະເທດ ສິງກະໂປນັ້ນຍອມ ຮັບວ່າບໍ່ໄດ້ຕາມຄາດໝາຍທີ່ວາງໄວ້ ແລະ ຄວາມ ຈິງແລ້ວນັກກິລາລາວເຮົາທຸກຄົນ ໄດ້ໃຊ້ຄວາມພະຍາຍາມສຸດຄວາມ ສາມາດຂອງຕົນ, ສ່ວນສາເຫດ ແລະ ລາຍລະອຽດຕ່າງໆແມ່ນ ໄດ້ມີການຖະແຫລ່ງຂ່າວຜ່ານສື່ ມວນຊົນ ແລະ ໄດ້ຂໍອະໄພ ນຳສັງ ຄົມໄປແລ້ວ, ແນວໃດກໍຕາມຕ້ອງ ຍອມຮັບ ແລະ ເຂົ້າໃຈນຳກັນວ່າ ກິລາມີໄດ້, ມີເສຍດັ່ງນັ້ນຂໍໃຫ້ສັງ ຄົມເປັນກຳ ລັງໃຈໃຫ້ນັກກິລາເຮົາສືບຕໍ່ປັບປຸງພັດທະນາຕົນເອງໃຫ້ດີຂຶ້ນກວ່າເກົ່າ.