ເນື່ອງໃນໂອກາດສະເຫລີມສະຫລອງວັນສະຖາປະນາ ສາທາລະນະ ລັດ ປະຊາທິປະໄຕ ປະຊາ ຊົນລາວ ຄົບຮອບ 40 ປີ, ຄະນະວົງດົນຕີ
ອໍເກັດຕຣາ ຊິມໂຟນີ ຂອງກະຊວງຖະແຫລງຂ່າວ,
ວັດ ທະນະທຳ ແລະ ທ່ອງທ່ຽວ ທີ່ໄດ້ທ້ອນໂຮມເອົານັກດົນຕີຈາກ: ກອງສິລະປະກອນແຫ່ງຊາດ,
ສິ ລະປະກອນກອງທັບປະຊາຊົນລາວ, ສິລະປະກອນກະຊວງປ້ອງກັນຄວາມສະຫງົບ,
ໂຮງຮຽນກາຍະສິນແຫ່ງຊາດ,
ກອງກາຍະສິນແຫ່ງຊາດ,
ກອງລະຄອນເວົ້າແຫ່ງຊາດ, ກອງລະຄອນຕຸກກະຕາແຫ່ງຊາດ, ກອງລະຄອນລຳແຫ່ງຊາດ, ວິທະຍາໄລລັດຕະນະບໍລິຫານທຸລະກິດ ພ້ອມດ້ວຍສິລະປິນຈາກຄ້າຍເພງຕ່າງໆຫລາຍກວ່າ 300 ຄົນ,
ເຊິ່ງລ້ວນແລ້ວແຕ່ເປັນລູກຫລານລາວເຮົາທີ່ມາຮ່ວມເປັນວົງດົນຕີຂະໜາດໃຫຍ່
ເພື່ອມາສ້າງຄວາມ
ເບີກບານມ່ວນຊື່ນ ໃນຄ່ຳຄືນວັນທີ 30
ພະຈິກຜ່ານມາ,
ທີ່ຫໍວັດທະນະທຳແຫ່ງຊາດ ນະຄອນຫລວງວຽງຈັນ, ໂດຍການເຂົ້າໃຫ້ກຽດເຂົ້າຮ່ວມຂອງທ່ານປະທານປະເທດ ຈູມມາລີ ໄຊຍະສອນ ພ້ອມດ້ວຍພັນລະຍາ ແລະ ບັນດາການນຳຂັ້ນສູງ, ຜູ້ຊົງຄຸນວຸດທິ ແລະ ມວນຊົນຊາວນະຄອນຫລວງວຽງຈັນເຂົ້າຮ່ວມຊົມເປັນຈຳນວນຫລາຍເພື່ອສ້າງບັນຍາກາດເບີກບານມ່ວນຊື່ນ ໃຫ້ແກ່ການສະເຫລີມສະຫລອງວັນປະຫວັດ ສາດສຳຄັນດັ່ງກ່າວ, ຊຶ່ງປະກອບມີ: ການຮ້ອງເພງດ່ຽວ, ຮ້ອງໝູ່ຍິງ-ຊາຍ,
ການຟ້ອນ, ການສະແດງກາຍະສິນ, ເປົ່າແຄນ-ເປົ່າໂຫວດ ພ້ອມນັກດົນຕີ ອໍເກັດຕາ ຍັງໄດ້ບັນເລງບົດເພງຕ່າງໆທີ່ມີລັກ ສະນະແບບລາວເດີມປະສົມປະສານບົດເພງທັນສະໄໝດັ່ງຈັງຫວະ ລຳເຕີຍ, ບົດເພງ ໄຊຊະນະ ນ້ຳບາກ ແລະ ບົດເພງ ຊິມໂຟນີເບີ 40 ຂອງນັກແຕ່ງດົນຕີລະດັບໂລກດັ່ງ ທ່ານ ໂມຢາສ
ແລະ ບົດເພງອື່ນໆ,
ຊຶ່ງໄດ້ນຳມາແຫ່ງຄວາມເບີກບານມ່ວນຊື່ນ
ແລະ ຟົດຟື້ນເປັນພິເສດ ພ້ອມຍັງສ່ອງແສງໃຫ້ເຫັນລະດັບການເຕີບໃຫຍ່ຂະຫຍາຍຕົວຂອງວົງການສິລະປະວັນນະຄະດີລາວ ຕະຫລອດໄລຍະ 40 ປີຜ່ານມາ.
No comments:
Post a Comment