ວັນທີ
29 ມັງກອນນີ້, ທ່ານ ຈ່າງຕົ່ງຢ້າ ຜູ້ອຳນວຍການໃຫຍ່ຂອງບໍລິສັດ ຫົວເຫວີຍປະຈຳລາວ ໄດ້ຕາງໜ້າບໍລິສັດ ນຳເອົາເງິນຈຳນວນ 10.000 ໂດລາສະຫະລັດ ຫລື
ປະມານ 81 ລ້ານກີບ ມອບໃຫ້ແກ່ລັດຖະບານລາວ ເພື່ອນຳໄປຊ່ວຍເຫລືອຜູ້ປະສົບໄພໜາວຢູ່ແຂວງພາກເໜືອ ຊຶ່ງພິທີມອບ-ຮັບ ໄດ້ມີຂຶ້ນທີ່ນະຄອນຫລວງວຽງຈັນ, ຕາງໜ້າໂດຍທ່ານ ສອນໄຊ ສີພັນດອນ ລັດຖະມົນຕີປະຈຳຫ້ອງວ່າການລັດຖະບານ.
ທ່ານ ຈ່າງຕົ່ງຢ້າ ກ່າວວ່າ: ໃນຖານະເປັນບໍລິສັດຕ່າງປະເທດ ທີ່ພັດທະນາຢູ່ລາວເປັນໄລຍະດົນນານແລ້ວ ແລະ ບໍລິສັດຫົວເຫວີຍ ກໍມີຄວາມຕັ້ງໜ້າເອົາໃຈໃສ່ຊ່ວຍເຫລືອສັງຄົມລາວ ຕະຫລອດມາ ແລະ ຄັ້ງ
ນີ້ ກໍເປັນອີກເທື່ອໜຶ່ງ ເພື່ອຊ່ວຍປະຊາຊົນທາງພາກເໜືອຜູ້ທີ່ປະສົບໄພໜາວຢ່າງຮຸນແຮງນັ້ນໃຫ້ເຂົາເຈົ້າມີເງື່ອນໄຂດຳລົງຊີວິດທີ່ດີຂຶ້ນ. ສະນັ້ນ ພະນັກງານ
ບໍລິສັດຫົວເຫວີຍ ໄດ້ຮ່ວມກັນບໍລິຈາກເງິນ ແລະ ເຄື່ອງກັນໜາວຈຳນວນໜຶ່ງເພື່ອຊ່ວຍເຫລືອຊຶ່ງກັນ ແລະ ກັນ.
ໃນໂອກາດນີ້ ທ່ານ ສອນໄຊ ສີພັນດອນ ຕາງໜ້າລັດຖະບານລາວ ໄດ້ກ່າວສະແດງຄວາມຂອບອົກຂອບໃຈຢ່າງຈິງໃຈຕໍ່ການຊ່ວຍເຫລືອຂອງບໍລິສັດຫົວເຫວີຍຄັ້ງນີ້ ແລະ ເນັ້ນວ່າ ເງິນ ແລະ ເຄື່ອງຊ່ວຍເຫລືອດັ່ງກ່າວ ພາກສ່ວນກ່ຽວຂ້ອງຂອງລັດຖະບານລາວ ຈະນຳໄປແຈກຢາຍໃຫ້ປະຊາຊົນຜູ້ປະສົບໄພດັ່ງກ່າວ ໄດ້ນຳໃຊ້ຢ່າງທົ່ວເຖິງ ແລ ມີຜົນປະໂຫຍດສູງ.
No comments:
Post a Comment