laophatthananewspaper: ຜູ້ຕາງໜ້າພິເສດຂອງເລຂາທິການໃຫຍ່ພັກປະຊາຊົນປະຕິວັດລາວຢ້ຽມຢາມກໍາປູເຈຍ

ສະຫາຍນາງ ສູນທອນ ໄຊຍະຈັກ ກຳມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ, ຜູ້ຕາງໜ້າພິເສດຂອງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ພ້ອມດ້ວຍຄະນະ ໄດ້ໄປຢ້ຽມຢາມ ແລະ ເຮັດວຽກຢູ່ ກຳປູເຈຍ ໃນວັນທີ 1-4 ກຸມພາ 2016.

ໃນວັນທີ 2 ກຸມພານີ້, ສະຫາຍ ນາງ ສູນທອນ ໄຊຍະຈັກ ພ້ອມດ້ວຍຄະນະໄດ້ເຂົ້າຢ້ຽມຄຳນັບ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ, ປະທານພັກປະຊາຊົນ ກຳປູເຈຍ. ສະຫາຍ ນາງ ສູນທອນ ໄຊຍະຈັກ ໄດ້ສະແດງຄວາມປິຕິຊົມຊື່ນ ແລະ ເປັນກຽດຢ່າງສູງ ທີ່ໄດ້ຖືກແຕ່ງຕັ້ງເປັນຜູ້ຕາງໜ້າພິເສດຂອງ ສະຫາຍ ບຸນຍັງ ວໍລະຈິດ, ເລຂາທິການໃຫຍ່ ໄປແຈ້ງຜົນກອງ

ປະຊຸມໃຫຍ່ ຄັ້ງທີ X ຂອງ ພັກ ປປ ລາວ ແລະ ໄດ້ມອບໂທລະເລກຂອບໃຈຂອງສະຫາຍ ບຸນຍັງ ວໍລະຈິດ, ເລຂາທິ ການໃຫຍ່ ໃຫ້ແກ່ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ ແລະ ຄໍາເຊື້ອເຊີນ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ, ປະທານພັກ ປະຊາຊົນ ກຳປູເຈຍ ມາຢ້ຽມຢາມ ສປປ ລາວ ໃນເວລາທີເໝາະສົມ.

ສະຫາຍ ນາງ ສູນທອນ ໄຊຍະຈັກ ໄດ້ສະແດງຄວາມຂອບອົກຂອບໃຈ ແລະ ຄວາມເພິ່ງພໍໃຈ ຕໍ່ສາຍພົວພັນມິດຕະພາບອັນເປັນມູນເຊື້ອທີ່ດີງາມ ລະຫ່ວາງ ລາວ- ກໍາປູເຈຍ ສືບຕໍ່ໄດ້ຮັບການເສີມຂະຫຍາຍຂື້ນຢ່າງບໍ່ຢຸດຢັ້ງ, ນຳເອົາຜົນປະໂຫຍດຕົວຈິງມາໃຫ້ປະຊາຊົນສອງປະເທດ, ປະກອບສ່ວນເຂົ້າໃນພາລະກິດສັນຕິພາບ, ສະຖຽນລະພາບ, ການຮ່ວມມື ເພື່ອການພັດທະນາໃນພາກພື້ນ ແລະ ໃນໂລກ. ພ້ອມທັງສະແດງຄວາມຂອບໃຈ ແລະ ຮູ້ບຸນຄຸນ ເປັນຢ່າງສູງຕໍ່ພັກ ແລະ ປະຊາຊົນກໍາປູເຈຍ ທີ່ໄດ້ໃຫ້ການສະໜັບສະໜູນ, ຊ່ວຍເຫລືອອັນໃຫຍ່ຫລວງ, ລໍ້ຳຄ່າໃຫ້ແກ່ພັກ, ລັດ ແລະ ປະຊາ ຊົນລາວ ຕະຫລອດໄລຍະທີ່ຜ່ານມາ ແລະ ຢືນຢັນວ່າ ພັກ, ລັດຖະບານ ແລະ ປະຊາຊົນ ລາວ ຈະເຮັດສຸດຄວາມສາມາດຂອງຕົນ ເພື່ອຮ່ວມກັບ ປະຊາຊົນ ກຳປູເຈຍ ອ້າຍນ້ອງ ໃນການປົກປົກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາບ ທີ່ເປັນມູນເຊື້ອອັນດີງາມ ລະຫວ່າງ ລາວ- ກໍາປູເຈຍ ໃຫ້ແຕກດອກອອກຜົນຍິ່ງໆຂຶ້ນ.

ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ, ຕີລາຄາສູງຕໍ່ຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ X ຂອງພັກ ປປ ລາວ, ເຊິ່ງເປັນເຫດການການເມືອງທີ່ສຳຄັນໃນຊີວິດການເມືອງ-ສັງຄົມຂອງ ລາວ, ເປັນຂີດໝາຍແຫ່ງການພັດທະນາໃໝ່ ໃນພາລະກິດປົກປັກຮັກສາ ແລະ ສ້າງສາປະເທດລາວ ໃຫ້ນັບມື້ມີຄວາມວັດທະນາຖາວອນ, ປະຊາຊົນນັບມື້ມີຄວາມອີ່ມໝຳສຳ ລານ ແລະ ມີຄວາມຜາສຸກ. ສົມເດັດ ຮຸນແຊນ ໄດ້ສະແດງຄວາມຊົມເຊີຍຕໍ່ຜົນສຳເລັດອັນໃຫຍ່ຫລວງທີ່ພັກ, ລັດ ແລະ ປະຊາຊົນລາວ ຍາດມາໄດ້ໃນການປະຕິບັດແນວທາງປ່ຽນແປງໃໝ່ຕະຫລອດໄລຍະ 30 ປີທີ່ຜ່ານມາ ໂດຍສະເພາະແມ່ນໄລຍະ 5 ປີ ແຫ່ງການຈັດຕັ້ງປະຕິບັດມະຕິຂອງກອງປະຊຸມໃຫຍ່ຄັ້ງທີ IX ຂອງພັກ ປະຊາຊົນ ປະຕິວັດລາວ ແລະ ສະແດງຄວາມເຊື່ອໝັ້ນຢ່າງໜັກແໜ້ນວ່າ ພາຍໃຕ້ການນຳພາຂອງພັກ ປະຊາຊົນ ປະຕິວັດລາວ ໂດຍມີ ສະຫາຍ ບຸນຍັງ ວໍລະຈິດ ເປັນຜູ້ນຳນັ້ນ, ພັກ, ລັດຖະບານ ແລະ ປະຊາຊົນ ລາວ ບັນດາເຜົ່າ ຈະບັນລຸຜົນສຳເລັດໃນການຈັດຕັ້ງຜັນຂະຫຍາຍມະຕິຂອງກອງປະຊຸມໃຫຍ່ ຄັ້ງທີ X ຂອງພັກ ປປ ລາວ ຍິ່ງໃຫຍ່ກວ່າເກົ່າ.

ສົມເດັດ ຮຸນແຊນ ໄດ້ຢືນຢັນວ່າ ພັກ, ລັດ ແລະ ປະຊາຊົນ ກໍາປູເຈຍ ຈະເຮັດສຸດຄວາມສາ ມາດຂອງຕົນຮ່ວມກັບພັກ, ລັດ ແລະ ປະຊາຊົນ ລາວ ບັນດາເຜົ່າ ປົກປັກຮັກສາ ແລະ ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອອັນດີງາມ ລະຫວ່າງ ກຳປູເຈຍ - ລາວ ໃຫ້ຍືນຍົງຄົງຕົວຕະ ຫລອດໄປ; ພ້ອມກັນນັ້ນ, ສົມເດັດ ຮຸນແຊນ ໄດ້ຝາກຄຳຢື້ຢາມຖາມຂ່າວ ອັນສະໜິດສະໜົມ ເຖິງສະຫາຍ ເລຂາທິການໃຫຍ່ ບຸນຍັງ ວໍລະຈິດ ແລະ ບັນດາສະຫາຍການນຳຂອງພັກ, ລັດລາວ ແລະ ຕອບຮັບຄຳເຊື້ອເຊີນຂອງ ສະຫາຍ ບຸນຍັງ ວໍລະຈິດ, ເລຂາທິການໃຫຍ່ ມາຢ້ຽມຢາມ ລາວ ໃນເວລາທີ່ເໝາະສົມ.